Toro wuujuno sumaiyokwe kuru'gwo uuwo'no gamoro sumdomago tov kwako tovi wolomuulo'na'no sumaiyokwe subusu'nyogalo tov aro adokaikono. “Mi Nyunumiyagoloo, nuu dado su tovi mama'miyokwe puuto puruv nokwo youlanubwebinekudukono? Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.” Kuudokaikono.
Matyuu 26:36 - Gooti Toolluro Yogalokwono36 Toruda'ai Jisaseke'aro gami uumjunyokwe toorogai'aro tooro plaino sumaveyokwe kwako puruv Getsemani dodupudo toru'no avlavoporogano. Toro tooro kwako su toru ki'mo'mno sumaveyokwe Jisasol gami uumjunyokwe toorai aro kuudokaikono. “Nuu kaimuu uuwo'mi subusu'nyogalo dodo'mure toga kevu akawai domwalojulo.” အခန်းကိုကြည့်ပါ။ |
Matyuu 26:36
10 ပူးပေါင်းရင်းမြစ်များ
Jisasol toro wuujuno sumaiyokwe aikomgu uuwo'no sumdomguda'ai subusu'nyogalo kuudoka to'busuko kubalno aki aiko te aro kuudokaikono. “Mi Nyunumiyagoloo, moro dado mallo'mo sadokwo tovi amanyudukwopiyoneyokwe anyunadopiyo. Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.”
Toro kuvi kuruv guu tookuno'gwowi subusu'nyogalo jo'mo toga gumi ago tovida'ai adovarojungiko puvi kuula'bi kudo'aiko tov neya domallukurono. Me'no amalluku'bi toga gumi Junumiyago yiulo tomuu wonodowodo toollu subusu'nyogalo neya duudono. Yiulo tomuu wonodowodo su tool gumi gwonowo'ji gumoro pasudo su tovuro mubiyo sugudo pun nobiyagubweyonekono.
Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.
ကြော်ငြာတွေ