Matyuu 26:28 - Gooti Toolluro Yogalokwono

²⁸ Su tov aro tovinokwono. Kapwo akavi su'nasuko tov moro mujako tovino'busukokwono. Moro mujako su tov subuu'yamju yajunyo'moneyokweyokwono. Aki toro tov a'mwo abolo bwotonyago tonyuro ma'no ma'nodo tovuro kirumwallo tovi modukwopiyo'mo bwolawonokwono.” Kuudokaikono.

Matyuu 26:28 ပူးပေါင်းရင်းမြစ်များ

Matyuu 20:28

Kevu kuudo neya jaullulo. Nuu A'mwo Kwolaiyo Kuunodo kwonyu kuruv mino womdo anyupureyokweyo'mo abonyumaiyo. Toro kuvi kuruv nuu a'mwo abolo tonyu womdo wiyo'moneyokwe abonyugono. Toro toonyu a'mwo abolo bwotonyago tonyu mubiyo biyomallo'moneyokwe bolmonyugono.” Kuudokaikono.

Matyuu 26:27

Toro nyuno sumaveyokwe Jisasol wain wonyo kapwo puuwa maro'no Gooti toollu, “Nenyoo,” wuujuno sumaiyokwe gami uumjunyokwe toorai kwiyokaikono. Toro wino sumaiyokwe aro kuudokaikono. “Kevu yiuwi'nokai toorekul wain wonyo tov kapwo tovida'ai donyulo.

Matyuu 26:29

Jisasol toro wuujuno sumaiyokwe aki aro kuudokaikono. “Nuu aro ikudumo'mokwono. Wain ikulsulo tovida'ai wonyo akav nuu aki aiko te yere manmonyugono. Toro kuvi kuruv yiuno mi Nyunumiyago toolluro aguto kig mido mollomwalo tovi kevuge aulomwalmi toga'no wain wonyo muuduko puruv numonyugono.” Kuudokaikono.

Matyuu 6:12

Aki nevu a'mwo abolo nemi kaiyako sanekullugolopo tonyuro ma'no ma'nodo tonyu modukwopiyodowado to'busuko kubalno guu nemoro ma'no ma'no pasudo yodowado tonyu yiunokuudo domonekudukwopiyogawono.

Kuuguudo Sugudo akav Makolluro sakwollokakwono Mak 1:4

Aisaiyalluro toro sakwollungiko kuvino Wonyo Galuvollokwe Joonol kwako a'mwomaiyo kuu'maiyo tomuu bai'movo'no aro amoruujajukekono. “Kevu Gooti toollomno kuudo souragunyumo'nupi tov Gooti tool kemi ma'no ma'nodo tovuro kirumwallo tovi nomodukwopiyonekono. Aki kemoro kuudo me'no souragunyumo'nupi su tovino duuwallo'moneyokwe wonyo buuvollunyulo.” Kuujajukekono.

Kuuguudo Sugudo akav Makolluro sakwollokakwono Mak 14:24

Toro nyuno sumaveyokwe Jisasol kuudokaikono. “Kapwo tovi su'nasuko tov moro mujako tovino'busukokwono. Moro mujako su tov subuu'yamju yajunyo'moneyokweyokwono. Aki toro tov a'mwo abolo bwotonyago tonyu wiyo'mwojo'moneyokwe bwolawonokwono.” Kuudokaikono.

Luuk 22:19

Toruda'ai Jisasol bret pun maro'no Gooti toollu, “Nenyoo,” wuujuno sumaiyokwe bret su ton buudovo'no gami uumjunyokwe toorai kuumallokaikono. Toro wino sumaiyokwe kuudokaikono. “Akav moro kulako tokwono. Moro kulako tov kemi ikullo'mwojo'moneyokwe wimonyugono. Su toro tovino kevu aki aiko te kuudo yaullo'moneyokwe bret tov neya dobuudovonomwalogaulo.” Kuudokaikono.

Luuk 22:20

Toruda'ai Jisasol bret amaroka to'busuko kubalno kapwo puruv wain wonyo tokwe surosungiko tov amarokaikono. Toro malluno sumaiyokwe gami uumjunyokwe toorai aro kuudokaikono. “Kapwo akavi moro mujako tovino'busuko surosungikokwono. Moro mujako su tov kemi ikullo'mwojo'moneyokwe bwolawonokwono. Aki mujako su tov Gooti toolluro subuu'yamju muuduko puruv imo'nonokwono.” Kuudokaikono.

Room 5:15

A'mwo su tooral aval'nodoralmaiyo. Toro tovino tov kemoro womdo solo tovalluda'ai nevu yiuwi'nokai a'mwo abolo tonollu go'no go'nodo tomgu'aro yo'movanekwopiyodubulovakono. Adamolluro ma'no ma'no soka tovasuda'ai bolnodo tov a'mwo abolo bwotonyago tonollu yo'movanekwopiyodowodokwono. Toro kuvi kuruv Jisas Kraisolluro anekullo'mwojoka tovasuda'ai Gooti toolluro yasuwa'wino sugumaluko tov a'mwo abolo bwotonyago kuunodo tonollu yo'movanekwopiyodowodokwono. Toro tovino tov Gooti toolluro yasuwa'wino sugumaluko ma'dowado to'gwowi bolnodo tovi uuwolo'mdowodokwono.

Room 5:19

Aki puruv a'mwo pwolnodo toolluro Gooti toollu kisuvolo kwiyoka tovasuda'ai bwotonyago tonol Gooti toolluro sumdo tovi ma'no ma'nodokwe sumo'nyajuwonogano. Su toro to'busuko kubalno a'mwo pwolnodo tool Gooti toollu pi'mwono kuumjunoka tovida'ai nevu bwotonyago tonol Gooti toolluro sumdo tovi sugudo wimo'nodowadonogano.

1 Koorin 11:25

Toruda'ai Jisasol bret amaroka to'busuko kubalno kapwo puruv wain wonyo tokwe surosungiko tov amarokaikono. Toro malluno sumaiyokwe gami uumjunyokwe toorai aro kuudokaikono. “Kapwo akav moro mujako tovino'busuko surosungikokwono. Moro mujako bwolawono su tov Gooti toolluro subuu'yamju muuduko puruv imo'nonokwono. Toro te buro'nyo buro'nyoga'deyo toga kevu kapwo tovida'ai anpi tov moro mujako bwolawono tovino aki aiko te kuudo neya yau'mwalpinogaikikono.” Kuudokaikono.

Efesos 1:7

Krais tool gamoro yasuwa'wino sugumaluko ton nemi guureji nekubwemovlaiyo'moneyokwe abwolabolokaikono. Toro abwolaboloka su tool gavnokweyolluro mujako abwoloka tokwe nemoro ma'no ma'nodo tonyu mobiyanekudukwopiyo'no amollurolovonekwapiyokanogano.

Kooloosi 1:14

Gamoro Kwolaiyo su toollu'aro Gooti tool nemi mollurolovonekumokalokwo'no nemoro ma'no ma'nodo tonyu me'no amobiyanekudukwopiyokaikono.

Kooloosi 1:20

Aki Gooti su tool yiuwi'nokai kwako akavi mwalodupudo togai'aro sulugumdo tovi mwalodupudo togai'aro yiuwi'nokai su tonyu gami wobo toru aki aiko te momgurowoso'mo winyokwekono. Toro tool gami Kwolaiyo toolluro mujako tov i'noguropte tovi abwoloka su tovi'aro sumwoluko noullo me'no wosunodowodekono. Gooti tool su toro tomgu'aro yiuwi'nokai tonyu gami wobo toru aki aiko te kuvinono momgurowosokwekono.

Hibruu 10:29

Sumdomguda'ai Moosesolluro loowo tovi a'mwo pwol kisuvolo kwiyo'ji toollu kirumwallo tov su toro tomgu'aro amallajukekono. Toro kuvi kuruv a'mwo pwol Gooti toolluro Kwolaiyo toollu suvlo sulomavekuro'ji su toolno'gwowi kirumwallo kula'nyo to'no maronoldukono? Awiyo, kirumwallo bwotonyo tov nomaronekono. Aki Gooti tool gavnokweyolluro a'mwo abolo togai Krais toolluro mujako abwoloka su tokwe subuu'yamju muuduko tov me'no sajunokaikono. Aki a'mwo abolo su ton mujako su tovi'aro Gooti toolluro a'mwo abolo kuunodo wimo'nodupudogano. Toro kuvi kuruv a'mwo pwol ma'no ma'no so'ji tov Krais toolluro mujako su tovi suvlo to'busuko ilomavekuronekono. Aki a'mwo ma'no ma'no so'ji su tool yasuwa'wino sugumaluko tovuro Kuullo nekumokabodowodo toollu kisuvolo bwotonyo wimwalonekono.

Hibruu 13:20

Gooti su tool sumwoluko kavo wosunyo'moneyokwekono. Toro tool nemi Aguto Jisasollu aiyo aiko te me'no amodukavokaikono. Jisasol nemi nekullo'mwojo'moneyokwe gamoro mujako tov me'no abwoloka tovino tov sipsip moduvomwallokwe aguto toolbusuko anekullumo'nokaikono. Aki gamoro mujako abwoloka su tovi'aro subuu'yamju muuduko tov me'no sumo'nokakwono. Subuu'yamju su tov aiyo yiunokuudo mujo'movlaiyo'moneyokweyokwono.

Hibruu 9:28

Toro to'busuko kubalno Krais tool yiuno puru'monodo toga'no abolokaikono. Toro aboloka su tov noonyumwonyu kwiroudapiyajupo pwolbusuko imo'no'no gavnokwe tool a'mwo abolo ma'no ma'nodokwe bwotonyago tonyuro aiko toru maro'no abolokaikono. Lukomgu Krais su tool kwako akavi aki aiko te noolabwonekono. Su toro kwolabwo'ji toga'no'gwowi nemoro ma'no ma'nodo tonyu yovo'dogallo'moneyokwe wolabwonolmaiyo. Toro kuvi kuruv yiuwi'nokai a'mwo abolo gavuge mwallo'moneyokwe tovino sogwollo winodupudo su tobuurai gamoro ago muunyu kai'muuno nomollurolovomokailawonekono.

1 Joon 2:2

Gooti tool nemino tov sumwoluko noullo wosunyo'moneyokwe Krais Jisasol gavnokwe su toolluro kulako tov amorubwenokaikono. Toro morubwenyuno sumaiyokwe nemoro ma'no ma'nodo tovuro kirumwallo tovi amonekudukwopiyokaikono. Aki yiuno nemoro ma'no ma'nodo tovuro kirumwallo tonyuno to'no modukwopiyo'mo'maiyo. Toro kuvi kuruv yiuwi'nokai a'mwo abolo kwako akavi mwalodupudo tonyuro kirumwallo kugai'aro modukwopiyo'mokwono.

Adodolukuu'nosungiko 7:14

Toro sanuumgojoka toollu nuu aro kuudonyugono. “Mi a'mwo agutoloo, guvnokwe tooku a'mwo abolo su tonyuno kuudo nyau'mwakuno.” Toro kuudo tool aro anyudokaikono. “A'mwo abolo su ton tabunyuwuulo bwotonyo boduke tovida'ai me'no abolopo ton kugano. Su ton kemi youro kumi'yago touso Sipsip Muugunyo toolluro mujako tokwe sal'movopo tovida'ai youro kumi'yago su touso wiya'jo sumo'nopogano.

Adodolukuu'nosungiko 7:9

Toruda'ai nuu a'mwo abolo kwolallo bwotonyago i'bwo'nodopure tonyu kwononyugono. Kwolallo su tonyu a'mwo pwolnodo kwol kuruv ku'nono majagilonekono. Toro ton yiuwi'nokai kantri togai'aro yovodolobunyo togai'aro judo'no judo'no kula'nokakwe togai'aro go'no go'no yogaljo tonyuda'ai togai'aro su ton sia kig tovi dolago toruke Sipsip Muugunyo toolluro sumdollu toruke towai abodavopogano. Toro ton youro kumi'yago wiya'jo tousogai yeso'mno kemoro ato tonyu wonoweyo kuuwopto to'busuko togai amworaropogano.