Matyuu 26:2 - Gooti Toolluro Yogalokwono

² “Kevu lubullu doto puruvi yanyo'moneyokwe iruko tov wobo toga'deyo kuudo nyau'mwakovo. Lubullu doto su tov Muunyu Toru'aro Surukuruwolovoka tokwono. Toro tov iruko pullalno me'no uuwolo'nowo'ji toga bai'mowonokwono. Su toro toga A'mwo Kwolaiyo Kuunodo toonyu i'noguropte tovi movoromiyoguroptovanubweyo'moneyokwe ikomago pworavuro ato tovi nomanubwepinonyugono.” Kuudokaikono.

Matyuu 26:2 ပူးပေါင်းရင်းမြစ်များ

Matyuu 10:4

Aki Selat Saimoonekono. Aki Juudas Iskeriyootekono. A'mwo su tool Jisasollu kaiyako wiyo'moneyokwe ikomago toorai amorubweyoka tool kwekono.

Matyuu 17:22

Toruda'ai Jisaseke'aro gami uumjunyokwe toorogai'aro tooro Galili tomuu su'bwo'noporogano. Toro i'bwo'nyuno sumaveyokwe toga Jisasol aro kuudokaikono. “Nuu A'mwo Kwolaiyo Kuunodo toonyu galonumworaropi ikomago tooravuro ato tovi nomanubwepinonyugono.

Matyuu 27:4

Toro mokavla'mno sumaiyokwe aro kuudokaikono. “Oo nuu ma'no ma'no me'no sugono. Nuu a'mwo ma'no ma'nodo maiyokwe toollu kemoro ato tovi amaikubwemonyugono.” Kuudokaikono. Toro kuudoka kuvi kuruv a'mwo mido mollomwalokwe su tooro burolyogalo aro kuudoporogano. “Gumoro anekudumodo su tov nemi manekwoso. Guvnokwe tookuji aguuwoso.” Kuudoporogano.

Luuk 22:15

Toro wolomwalno sumaveyokwe Jisasol gami kuurotokwe toorai aro kuudokaikono. “Nuu danyu'nyuwuulo tov yere mibwosunodo'mure toga Muunyu Toru'aro Surukuruwolovoka lubullu doto akavi kevuge yonomwallo'moneyokwe tov ilaiyo guureji anyunadopiyo.

Joon 11:55

Toruda'ai su toga Juu tooravuro iruko aguto pullugwo bai'meyo'moneyokwe wobo togakono. Iruko aguto su tollugwoji Muunyu Toru'aro Surukuruwolovoka lubullu doto tovi yanodupudogakono. Toro te iruko aguto su tollugwo nobai'meyo'mo yoduke tovino tov yiuwi'nokai tomuuda'ai Isuraiyol a'mwo abolo pun wagwolago Jeruusalem tovi yere abai'movopogano. Toro bai'mo'mno sumaveyokwe Gooti toolluro sumdo tovi sugudo wimo'nyo'moneyokwe sovraimwonyajupogano.

Joon 12:1

Toro te Muunyu Toru'aro Surukuruwolovoka lubullu doto nobai'meyo'moneyokwe tov 6-pela iruko tobuul kuuno wo'duke toga Jisasol wagwolago Betani toru abai'movokaikono. Wagwolago su toru a'mwo Lasarosol mwalodowodorukono. Sumdomgu Lasarosol me'no aboloka kwollu kuruv Jisasol aiyo aiko te amodukavokarukono.

Joon 18:2

Womdo su towai Juudasol Jisasollu ikomago tooravuro ato tovi morubweyono su tool kuudo me'no souromallajukekono. Kuudo me'no souromallajuko su tov aro tovinokwono. Jisasol gami uumjunyokwe toorogai womdo su towai iruko bwotonyago toga su'bwo'nomwallajuporogano.

Joon 18:32

Juu tooravuro yogalo kuudopo su tov aro tovinokwono. Sumdomgu Jisasol gamoro nyabollo'moneyokwe tovino me'no kuujajukekono. Toro kuujajuko su tovi suuwiyo kuvinono imwojo'moneyokwe tov Juu tooro Pailatollu yogalo su tov kuudoporogano.

Joon 2:13

Toruda'ai Juu tooravuro lubullu doto puruvi yanyo'moneyokwe iruko tollugwo wobo toru abai'movokakwono. Lubullu doto su tovino yovo tov Muunyu Toru'aro Surukuruwolovokaveyokwono. Su toro toga Jisasol wagwolago Jeruusalem'no avlavokaikono.