Matyuu 26:16 - Gooti Toolluro Yogalokwono

¹⁶ Su toro togada'ai Juudas Iskeriyootol Jisasollu adadomgu'aro morubwemonyudukoneyokwe tovino soureya'mgonyajukekono.

Matyuu 26:16 ပူးပေါင်းရင်းမြစ်များ

Matyuu 26:15

Toro tool plaino sumaiyokwe pris mido mollomwalokwe toorai kuudoganokaikono. “Nuvu Jisasollu amoraikubwemi tov kevu nuugwiyo adadobuul nyabupinorekuldeyo?” Toro kuudoganoka toollu kuudoporogano. “Nevu 30-pela silva nuugwiyo tobuul nogujabwanonogano.” Toro wuujuno sumaveyokwe nuugwiyo su tobuullu jagilo'mno kwiyopekono.

Matyuu 26:17

Toruda'ai lubullu doto puruv Bret Mamunopingiko tovi yanyo'moneyokwe iruko tollugwo abai'movokakwono. Lubullu doto su tovuro iruko muudu'nodo su tollugwoji Jisasolluro uumjunyokwe tooro kwollomno bino sumaveyokwe aro kuudoganoporogano. “Nevu Muunyu Toru'aro Surukuruwolovoka lubullu doto tovi yanyo'mo tov gadomuu plavowa'ji yovrowosano'mo dogujunadopiyo?” Kuudoganoporogano.

Kuuguudo Sugudo akav Makolluro sakwollokakwono Mak 14:11

Toro tool plaino sumaiyokwe pris mido mollomwalokwe toorai aro kuudokaikono. “Nuu Jisasollu nomaikubwemonyugono.” Toro kuudoka tovi pris mido mollomwalokwe tooro wuu'no'mno ilaiyo amollomaroporogano. Toro molloma'no sumaveyokwe aro kuudoporogano. “Guu toro subi tov nevu mubiyo nogujanonogano.” Subuu'yamju toro kwiyoporogano. Toro te Juudas Iskeriyootol Jisasollu adadomgu'aro morubwemonyudukoneyokwe tovino soureya'mgonyajukekono.

Luuk 22:6

Toro kuudopo tovi Juudasol, “kuvi imonyugono,” kuudokaikono. Toro wuujuno sumaiyokwe Juudasol aro tovino kuudo soureya'mgonyajukekono. A'mwo kwolallo mamuugona'dopure toga nuu Jisasollu adadomgu'aro morubwemonyudukoneyokwe tovino kuudo soureya'mgonyajukekono.

Kuurotokwe 24:25

Toro kuu'na'no sumaleyokwe Poolol Feliksollu kuuguudo judo'no judo'nodo tonyuno kuudokaikono. Kuuguudo kuudoka su ton aro tonyunokwono. A'mwo abolo ton sugudo to'no neya ingovlavogapuro. Aki puruv a'mwo abolo ton ma'no ma'no nyupiyokwe kevnokwenyu po'dogalo amollomwalunogapuro. Aki puruv Gooti toolluro kooti yogalo nonekubweyono tovinokwono. Yogalo su tonyu toro wuujuno sumaiyokwe Poololluro kuudoka tonyu Feliksol wuu'no'no luko bwotonyo sokaikono. Toro tool Poolollu kuudokaikono. “Aga guu dovlavono. Puga nuu womdo bwotonyago manuworo'ji toga gumi aki aiko te nodoguma'monyugono.” Kuudokaikono.

1 Koorin 16:12

Aki nemi avalo Apoolosolluno kuuguudo tov arokwono. Nuvu Apoolosollu guureji aro adumul'mwojonyugono. “Guvu Jisasolluro a'mwo pworogai plavo'bi wagwolago Koorinda'ai Jisasolluro a'mwo abolo tonyu neya duuru'marogawono.” Toro adumul'mwojo kuvi kuruv a'mwo su tool aga novlaiyo'mo mwinadopiyo. Toro kuvi kuruv lukomgu puuto ilaiyo ausubweyo'ji toga'no'gwowi kemi nobekuru'maronekono.