Matyuu 25:7 - Gooti Toolluro Yogalokwono

⁷ Toro ajudukuuroka tovi yiuwi'nokai sujuraiyo ton dukaino sumaveyokwe kemi lamwo ton widuko nyo'moneyokwe wuulo tovi po'dogalo aidopuurapiyopogano.

Matyuu 25:7 ပူးပေါင်းရင်းမြစ်များ

Matyuu 25:1

“Su toro toga muunyu kai'muuda'ai aguto kig toolluro mido mollomwalo tovi kuulomwallo'mo tov aro to'busuko imo'nonokwono. A'mwo pwol gami abolo tovi mallo'mo toga sujuraiyo atousal pun a'mwo su toollu gami abolo toviyomno mokavlaiyo'mo kwinopogano. Sujuraiyo su ton a'mwo pworogai sumwonyo miyomollodupudogano. Toro ton kemi lamwo togai momwora'no sumaveyokwe a'mwo su toollu wuuru'mallo'mo avlavopogano.

Matyuu 25:6

Sujuraiyo ton sa wo'dopure su tonyu akuusuduko toga deko puruv aro ajudukuurokakwono. “Kevu doonyuloo, a'mwo nuumaso'moneyokwe tool abadopiyo! Kevu bolokwopi duuru'mallulo.”

Matyuu 25:8

Toro yovo'dogalno sumaveyokwe toga sujuraiyo kuudo maiyokwe atobuul ton sujuraiyo pi'mwo kuudokwe tonyu aro kuudoganopogano. “Oo nemoro lamwo ton nonebuulopiyo'mo sadokwovo. Toro tovino tov kemoro oolip munyupto pun nokwo nekullabupinogaikuldukono?” Kuudoganopogano.

Luuk 12:35

Aki Jisasol aro kuudokaikono. “Kevu womdo yo'moneyokwe youro ton mollosopi kemi gworeko luudapiyodupudo togai neya jovraimwonyogaulo. Toro yovraimwonyopi sogwollo to'no denomwalogaulo.

2 Pita 3:14

Mi ibwoto'nyobuuravoo, kevu su toro ikullumo'nono tovino sogwollo to'no kinomwalodupudogaikikono. Toro tovino tov kevu Gooti toolluro sumdo tovi dosudosumaiyokweyo'mdeyo oo kaiya'nodomaiyokweyo'mdeyo wimo'nupino'mo womdo bwotonyo neya domjumovlavogaulo. Aki kevu yiuwi'nokai a'mwo abolo tobuurogai sumwoluko noullo wosungovlaiyo'moneyokwe kuruv womdo bwotonyo neya domjumovlavogaulo.

Adodolukuu'nosungiko 3:2

Nuu kemoro pasudo airoongovla'mwakopo toorai me'no wonoma'dumdonyugono. Toro toonyu aro aikudadokwono. Kemoro pasudo su tooro mi Gooti toolluro sumdo tovi sugudo mwimo'nodupudorogano. Toro te kevu sa kwo'mwakopo togaikul neya dodukavogaulo. Kevu sugupasudo tov yiuno pwekwonodo to'no kuuno mujumovla'mdupudogaikikono. Toro te kemoro sugupasudo pwekwonodo su tekwo nobollo'mo wobo toru sadopiyo. Toro te sugupasudo pwekwonodo su tekwoji jurogudo duuwimwojopi aki aiko te guureji neya domjumovlavogaulo.