Matyuu 25:5 - Gooti Toolluro Yogalokwono

⁵ Toro ton a'mwo nuumaso'moneyokwe tool yere maboduke tovino tov sa'mo bwotonyo ino sumaveyokwe sa kworopogano.

Matyuu 25:5 ပူးပေါင်းရင်းမြစ်များ

Matyuu 24:48

Toro kuvi kuruv a'mwo ki'nato womdokwe kirovanyuvanyu pwolno'gwowi gavnokweyolluno aro yajunonekono, Oo moro aguto tool aikomgu yere mabwonekono.

Matyuu 25:19

Manyu toga me'no bawino sumaiyokwe ki'nato womdokwe tooravuro a'mwo aguto tool aikomgu abai'movokaikono. Toro bai'mo'mno sumaiyokwe gami nuugwiyo kuubwemovlavoka tonyuno bwo'gado yo'mo tool a'mwo ki'nato womdokwe toorai adomarokaikono.

Matyuu 25:4

Toro kuvi kuruv sujuraiyo atobuul pi'mwo kuudokwe puno'gwowi kemi lamwo ton manebuulopipiyokwe oolip munyuptokwe bootool pugai amokavlavopogano.

Matyuu 25:6

Sujuraiyo ton sa wo'dopure su tonyu akuusuduko toga deko puruv aro ajudukuurokakwono. “Kevu doonyuloo, a'mwo nuumaso'moneyokwe tool abadopiyo! Kevu bolokwopi duuru'mallulo.”

Matyuu 26:40

Toruda'ai Jisasol aikomgu bo'no gamoro uumjunyokwe pworapwol tooro sa wo'dopure toorai abwonokaikono. Toro bwonyuno sumaiyokwe Pitallu wuudukuuro'no aro kuudokaikono. “Guu kuujo sumdo yiuno pullugwonodo tollugwoji nuuge sumdo mainomwalmwakudo tov ilaiyo'maiyo.

Matyuu 26:43

Jisasol subusu'nyogalo su toro wuudoduke toga gami uumjunyokwe pworapwol tooro sa'mo bwotonyo winodopure tooro aki aiko te sa kwollajuporogano. Toro wo'dopure toorai Jisasol aikomgu bo'no wonyuno sumaiyokwe ajudukuurokarogano.

Luuk 1:21

Toruda'ai Sekoraiya'wol Gooti toollu ilomoropiyo'moneyokwe ago tovi anakuuto tomuuda'ai yere mabolokwoduke toolluno a'mwo abolo sogwollo kwinyajupo ton kuudo kwolallo sourukwapiyopogano.

Luuk 12:45

Toro kuvi kuruv a'mwo ki'nato womdokwe pwolno'gwowi gavnokwe tool yajunonekono, Oo mi aguto tool aikomgu yere mabwonekono, toro yajunowo'ji gami dolago tomuuda'ai ki'nato womdokwe a'mwo pworogai'aro abolo pugai'aro tonyu iwago tokwe kaiyako igolmwalonekono. Aki toro tool wosamujuko togai'aro wain wonyo bwotonyago togai'aro ton mujonugovla'mwalonekono. Aki wain wonyo nodowo'jure tovida'ai amomo imwalonekono.

Luuk 18:8

Nuu aro ikudumo'mokwono. Gooti tool gavnokweyolluro kooti yogalo idopto'nodo tovi'aro a'mwo abolo su toro tobuurai yere nuuwiyo'mwojonekono. Aki nuu A'mwo Kwolaiyo Kuunodo toonyu kwako akavi aikomgu kwolami toga a'mwo abolo numino kuudo anubwepi tonyuno yo'mgonomollumonyugono. Toro so'mgonomollumi kuvi kuruv a'mwo abolo mino kuudo manubweyodupudo bwotonyago tonyuno to'no wonomollumonyugono.”

Luuk 20:9

Toruda'ai Jisasol yovekurajo kuuguudo puruv aro sodubwasokaikono. “A'mwo pwol wain ikulsulo womdo puruv audokaikono. Me'no kuudosuno sumaiyokwe a'mwo su tool kantri manyu pumuuno plaiyo'mo tool gamoro womdo su tovi mollomwalmwalpino'moneyokwe a'mwo pworai ajesokaikono. Toro ajesoka su toorai aro kuudokaikono. “Wain ikulsulo ton domju'bworanekubweyogaulo. Lukomgu gekwono gekwono maranokwono.” Toro wuujuno sumaiyokwe wain ikulsulo womdo tovi jukwo tool kantri pumuuno avlavokaikono. Toro plaino sumaiyokwe manyu toga amwallajukekono.

Room 13:11

Toro te moro aikudumo su tonyu tono tono neya domjumovlavogaulo. Su tov aro tovinokwono. Kevu nemoro amwakuuwo akaga'no aro kuudo me'no youroma'dupudogaikikono. Nevu Jisasolluno kuudo muudu'no kuubweyowo toga Gooti tool nemi yiunokuudo mollurolovonekumorabiyo'moneyokwe tov yere mabai'meyajukokwono. Toro kuvi kuruv aga'no'gwowi wobo togakono. Toro tovino tov aga sa wollo'moga'maiyo. Pugaikul sa kuuno kwokopo togaikul neya dodukaiyulo.

Efesos 5:14

Aro tovinokwono. Bako pwopiyodowo'jure tomuu yiuwi'nokai ton kuu'maiyo toru'no bomollolupto'nosodowodogano. Su toro tovino yogalo puruv aro dodowodokwono. “Guu a'mwo me'no bolodupudo tooravuro tomuu sa wo'dumdo tooku aiyo aiko te neya dodukavono. Toro aduka'bi tookuji Krais tool gworeko toolbusuko gujumo'nowo'ji gumi bako noguuwonekono.” Dodowodokwono.

1 Pita 5:8

Kevu neya yovraimwonyugovlavopi kemi ikomago Satanyolluno wako neya dou'nogaulo. Satanyol aro to'busuko yokwekono. Laiyon pwol ibesa'aiyo pwollu dovanyo'moneyokwe dukuu'nyu dukuu'nyu yomollowo'ji deko bwotonyo dumovla'mdowodekono. Su toro to'busuko kubalno Satanyol a'mwo pworai kaiyako mollugolameyo'mo yo'mgonomollokwekono.

Adodolukuu'nosungiko 2:25

Toro kuvi kuruv kemi yiuno aro to'no daikullumo'monyugono. Nuu yere mabai'mo'mdo'mure toga kevu mino kuudo nubweyodupudo su tovi guureji to'no neya dogudupolarogaulo.