Matyuu 25:4 - Gooti Toolluro Yogalokwono

⁴ Toro kuvi kuruv sujuraiyo atobuul pi'mwo kuudokwe puno'gwowi kemi lamwo ton manebuulopipiyokwe oolip munyuptokwe bootool pugai amokavlavopogano.

Matyuu 25:4 ပူးပေါင်းရင်းမြစ်များ

Matyuu 10:16

Aki Jisasol aro kuudokaikono. “Neya duu'nyulo. Nuvu kevu toorekullu a'mwo pworavuro akuuto tomuuno amekwapimono. Aro to'busukokwono. A'mwo pwol gami sipsip toorai kuullujuluko tooravuro akuuto tomuu amorapiyo'ji to'busuko amekwapimono. Toro te kevu gabakuto tooro wako kuu'nodupudo to'busuko kubalno wako neya dou'nogaulo. Aki dokato sobuuro tooro magu'nyo mimo'nodupudo toorobusuko kubalno kevu a'mwo pworai magu'nyo mamolloluwosumwalpinono.

Matyuu 25:2

Sujuraiyo su tonyuda'ai atobuul ton kuudo maiyo sumo'nyajupogano. Toro kuvi kuruv sujuraiyo atobuul puno'gwowi pi'mwo kuudokwe sumo'nyajupogano.

Matyuu 25:3

Toro te sujuraiyo atobuul kuudo maiyokwe su ton kemi lamwo ton nonebuulopipiyokwe oolip munyupto pugai mamokavlavopogano.

Matyuu 25:5

Toro ton a'mwo nuumaso'moneyokwe tool yere maboduke tovino tov sa'mo bwotonyo ino sumaveyokwe sa kworopogano.

Matyuu 7:24

Aki Jisasol aro kuudokaikono. “A'mwo pwol moro yogalo akanyu wuu'nowo'ji kuvinono kuumjuno'ji tool a'mwo pi'mwo kuudokwe pwolbusuko imo'nonekono. Pi'mwo kuudokwe su tool gamoro ago tov sulo toollu muunyu toru mododowodekono.

Joon 3:34

Kuudo neya jaullulo. Gooti tool gamoro amoropiyaboka su toollu gamoro Kuullo tool yiuno pwekwono to'no mwiyodowodekono. Toro kuvi kuruv aiyowomno kuullo'mowopiyo'moneyokwe yiunokuudo wiyopiyodowodekono. Toro tovino tov Gooti toolluro amoropiyaboka su tool Gooti toolluro yogalo tonyuno to'no jokwekono.

Room 8:9

Toro kuvi kuruv kevno'gwowi kwako akavida'ai kuudo toorai dolago tomuu mamwalodupudogaikikono. Toro togaikul Gooti toolluro Kuullo kuulekumwalodowodo su toollu uumjungovla'mdupudogaikikono. Krais toolluro Kuullo su tool pugaikullu maulekumwalo'ji tov Krais toolluro kuunodo mwimo'nupinogaikikono.

2 Koorin 1:22

Aki Gooti tool gavnokweyolluro duuwallo tov nemi aro nekubweyodowodekono. Gamoro Kuullo tool nemoro poowokalago tonyu kuulonekumwalodowodekono. Toro te nevu Kuullo su toollu sumdomgu me'no ma'dowadonogano. Sumdomgu kwolda'ai ma'dowado su tov aro tovino nekuduuwallo'mokwono. Lukomgu nevu Gooti toolluro yiuwi'nokai nonekullabiyo'mo subuu'yamju yodowodo su to kunyu kuruv kuvinono nomaranonogano. Su toro tovino nekuduuwallo'mokwono.

1 Joon 2:20

Toro kuvi kuruv kemino'gwowi Gooti toolluro Kuullo kuulemovaikubweyoduke toollu me'no maro'mno aga yiuwi'nokai togaikul nebal'no yogalo tovino kuudo youroma'dupudogaikikono.

1 Joon 2:27

Kev togaikulno'gwowi Krais toolluro ato tovida'ai gamoro Kuullo aikullaboka toollu me'no amaropogaikikono. Kuullo su tool kemoro poowokalago tonyu kuulemovaikubweyodowodo tovino tov kevu kemi yekubwaso'moneyokwe a'mwo pwolluno supto mimwakovo. Toro kuvi kuruv Kuullo su toolno'gwowi kemoro yiuwi'nokai supto yodopure tonyuno kuvinono yekubwasokwekono. Aki gamoro yekubwasodowodo su ton kuunanonmaiyo. Yiuno nebal'nodogano. Kuullo su toolluro yekubwasodowodo tonyu kevu neya uumjungovlavopi Krais toollu guureji nokwo uuguro'mwonyumwalpinogaikikono.

Juut 1:19

A'mwo kuunano ibwasokwe su tooro Jisasolluro mollu'bwoto togaikullu molleru'mdovekwapiyodupudorogano. Toro tooro kwako akavida'ai a'mwo abolo tonyuro kuudo tovino to'no uumjunodupudorogano. A'mwo su toro toorai Gooti toolluro Kuullo tool ku'nono maulomwalodowodekono.