Matyuu 25:3 - Gooti Toolluro Yogalokwono

³ Toro te sujuraiyo atobuul kuudo maiyokwe su ton kemi lamwo ton nonebuulopipiyokwe oolip munyupto pugai mamokavlavopogano.

Matyuu 25:3 ပူးပေါင်းရင်းမြစ်များ

Matyuu 25:1

“Su toro toga muunyu kai'muuda'ai aguto kig toolluro mido mollomwalo tovi kuulomwallo'mo tov aro to'busuko imo'nonokwono. A'mwo pwol gami abolo tovi mallo'mo toga sujuraiyo atousal pun a'mwo su toollu gami abolo toviyomno mokavlaiyo'mo kwinopogano. Sujuraiyo su ton a'mwo pworogai sumwonyo miyomollodupudogano. Toro ton kemi lamwo togai momwora'no sumaveyokwe a'mwo su toollu wuuru'mallo'mo avlavopogano.

Matyuu 25:2

Sujuraiyo su tonyuda'ai atobuul ton kuudo maiyo sumo'nyajupogano. Toro kuvi kuruv sujuraiyo atobuul puno'gwowi pi'mwo kuudokwe sumo'nyajupogano.

Matyuu 25:4

Toro kuvi kuruv sujuraiyo atobuul pi'mwo kuudokwe puno'gwowi kemi lamwo ton manebuulopipiyokwe oolip munyuptokwe bootool pugai amokavlavopogano.

2 Timooti 3:5

Aki a'mwo abolo su ton kevnokwe tonyuno aro youkuu'nuuduuwallunupinogano. “Oo nevu Gooti toolluro a'mwo abolo wimo'nodowadonogano.” Su toro youkuu'nuuduuwallunopi kuvi kuruv Gooti toolluro jurogudo tovino'gwowi buulo uugunyumopipinogano. Toro te guu a'mwo abolo su toro tonyu manyu tomuu'aro neya jurukuruwolovogawono.

Hibruu 12:15

Kevu aro tonyuno wako neya dou'nogaulo. Kemida'ai yiuwi'nokai pwolno puru'monodo togaikul Gooti toolluro yasuwa'wino sugumaluko su tovi buulo nuugunyumopimwalpiyo. Aki kevu aro to'busuko nyumo'numwalpiyo. Puluko puruv kwako tovi anakuuto tomuu wo'dowodo tov sodolo billurovowo'ji iru'wuullokwe sulo tov ki'nonokwono. Su toro to'busuko kubalno kemida'ai a'mwo abolo pun sulo kaiya'nodo to'busuko iru'kuudo tooro abillumo'nupi tov kemi akuuto toru jul'nyo pworo nekullumo'nupiyo. Aki su toro abillumo'nupi tovida'ai a'mwo abolo bwotonyago tonyu kaiyako nomollugolamowo'jo.

Adodolukuu'nosungiko 3:1

“Aki guu pas akavi wagwolago Sadisoda'ai Jisasolluro mollu'bwoto tovuro ensel moduvomwallokwe toollu aro jokwollapiyono. Kuuguudo akav amogwopiyamo toonyu 7-pela kuullo toorobusuko imo'nyokwe Gooti toolluro Kuullo su tool kuulonumwalodowodonyugono. Aki toro toonyu 7-pela sullugabwo tonyu mwora'dumdonyugono. Toro toonyu kuuguudo tov aro aikudumono. Nuu kemoro yiuwi'nokai pasudo yodupudo tonyuno kuudo nyau'mwakono. A'mwo abolo pun kemi yiuno kwa'mgu tomguno to'no ikwonopi aro dodupudogano. Oo a'mwo abolo akan aiyo mujomwekovla'mdupudogano. Su toro dodupudo kuvi kuruv moro sumdo tovino'gwowi kevu a'mwo abolo me'no abollungopo togaikulbusuko nyumo'nodupudogaikikono.