Matyuu 24:6 - Gooti Toolluro Yogalokwono

⁶ Aki puga molo bomjumoulodopure tovino wuu'nupinokwono. Aki molo tovino puu'yogalo bomjodumoulodopure toorai nuu'nupinokwono. Su toro kuu'nupi toga kevu luko mipinono. Su toro tov neya bai'mowonokwono. Toro abai'mowo'ji kuvi kuruv su toro toga aiyowo'mo'maiyo.

Matyuu 24:6 ပူးပေါင်းရင်းမြစ်များ

Matyuu 2:3

A'mwo aguto kig Herootol kwolaiyo muudoga kig imo'nono su toolluno wuu'nyuno sumaiyokwe gamoro sumwoluko tov gwabo kwinokaikono. Aki yiuwi'nokai a'mwo abolo wagwolago Jeruusalem tovi mwalodupudo kun kuruv aval'no sopogano.

Matyuu 24:14

Aki aguto kig Gooti toolluro mido mollomwalo tovi dolago tomuu kuulomwallo'moneyokwe tovino kuuguudo sugudo tov yiuwi'nokai kwako akavi aiyowomno nomodomollumwalpinokwono. Toro modomollodopure tovi yiuwi'nokai kantri tonyuda'ai a'mwo abolo ton nuu'nupinokwono. Me'no wuu'nopiyopi aiyowo'mo kuunodo toga bai'mowonokwono.” Jisasol toro kuudokaikono.

Matyuu 26:54

Toro kuvi kuruv nuu su toro sumi tov aga toga mi nonyumo'nono tonyuno Gooti toolluro yogalo sakwollungiko tovi suuwiyo ku'nono mimwojonokwono. Toro te nuu nokwo wonyapino to'no imonyugono.” Kuudokaikono.

Luuk 21:19

Kevu mi numjunyuno numjunyuno supi tovi'aro aiyo yiunokuudo mujomwekovlaiyo'moneyokwe tov nomapinorekikono.”

Luuk 21:9

Aki puga molo bomjunugoulodopure tokwe'aro gavman pworai ga'gaivolo molo binugoulodopure tokwe'aro tovalluno kevu kuu'nupi toga luko mipinono. Su toro tov neya abai'mowono. Toro abai'mowo'ji kuvi kuruv su toro toga aiyowo'mo'maiyo.” Kuudokaikono.

Luuk 22:37

Su toro tovino aro ikudumo'mokwono. Gooti toolluro yogalo numino sakwollungiko puruv suuwiyo neya imwojonokwono. Yogalo su tov arokwono. “A'mwo ma'no ma'nodokwe pwollubusuko kaiyako sugolopekono.” Mino yogalo sakwollungiko su tov wobo toga suuwiyo imwojono'mokwono.” Kuudokaikono.

Joon 14:1

Toruda'ai Jisasol gami uumjunyokwe toorai aro kuudokaikono. “Kemoro poowokalago ton jul'nyo maikworo'jo. Kevu Gooti toolluno kuudo uubweyodupudo toorekul nuu kwonyuno kuruv kuudo neya donubweyogaulo.

Joon 14:27

Oo kevu sumwoluko kavo wosunmwalpino'moneyokwe tov nuu kemi ikubweyo'mi ikugollu'mo'monyugono. Sumwoluko kavo wosunyo'moneyokwe su tov a'mwo abolo kwako akavi mwalodupudo ton ku'nono maikullabupinokwono. Toro kuvi kuruv nuvnokwe toonyuno'gwowi moro sumwoluko kavo wosunyo'moneyokwe tov kemi aikullamono. Toro te kemoro poowokalago ton jul'nyo mibwosunpinono. Aki toro toorekul luko mipinono.

2 Tesaloonaika 2:2

A'mwo pworo dodupudorogano. “Oo Aguto toolluro iruko tollugwo me'no abai'movokakwono.” Toro dodupudo tov kuvimaiyo. Toro tovino tov kevu yogalo su tovi kuu'nupi toga kemoro kuudo ton yere noduka'bwo'numwalpiyo. Toro kugaikul kuruv dugoga wosopi yiuno kavo to'no jou'movlavogaulo. Aki kuunano yogalo su tovino a'mwo pworo aro aikudupi tov, “Oo yogalo su tov Gooti toolluro Kuullo tool anekudokakwono” oo “Jisasolluro a'mwo abolo pun anekudopokwono” oo “Pooleke tooro pas tovida'ai anekudopokwono.” A'mwo pworo su toro aikudupi kuvi kuruv kevu yogalo su toro tovino kuudo muubwepinono.

Adodolukuu'nosungiko 6:4

Toro juno sumaiyokwe hoos pwol abiyalo'nokaikono. Hoos su tool muja'jekono. Aki hoos su toolluro mokavlaptokwe toollu Gooti tool jurogudo kwiyokaikono. Jurogudo su tov yiuwi'nokai kwako akavida'ai a'mwo abolo ton kavo nomwalpiyokwe kaiyako mollugolameyo'moneyokwe kwiyokaikono. Jurogudo su tovi wuuduuwallo'moneyokwe tov a'mwo hoos mokavlaptokwe toollu molo'mo kwallu'mopto jurogudo puul kwiyopekono. Toro te gamoro jurogudo su tokwe wiyodowo'jure tovida'ai yiuwi'nokai tomuuda'ai a'mwo tooro molo ingovlapinorogano. Toro ingovlavopi bwotonyago tooro imgu amgu nyoromi'napinorogano.