Matyuu 24:44 - Gooti Toolluro Yogalokwono

⁴⁴ Su toro to'busuko kubalno kevu kworekul kuruv yiuwi'nokai toga neya jovrovomwalnogaulo. Su tov aro tovinokwono. Kevu A'mwo Kwolaiyo Kuunodo toonyuno sogwollo mainodopure toga aikomgu nomonyugono.”

Matyuu 24:44 ပူးပေါင်းရင်းမြစ်များ

Matyuu 24:27

Su tov aro tovinokwono. A'mwo Kwolaiyo Kuunodo toonyu aikomgu kwolami toga molamopto tov mdolopiyodowodo to'busuko imo'nonokwono. Su tov kuujo sulopiyamoka is tomguda'ai yiuno kuujo tool kwolmoka wes tomguno to'no molamopto tov mdolopiyodowodo to'busuko kubalno aval'no nyumo'nonokwono.

Matyuu 24:42

Su toro to'busuko kubalno nuu kemi Aguto toonyuro aikomgu biyo'mo iruko tollugwojuno kevu kuudo miyau'mwakovo. Toro togaikul wako neya dou'nogaulo.

Matyuu 24:43

Neya duu'nyulo. Ago puvi jukwo pwol aro kuudo miyaullajukekono. Oo surakuuto su toga kuuko tool nobowo'dalonoldeyo, kuudo miyaullajukekono. Jukwo su tool toro kuudo saurowo'jujuko'mno'juki sa mworowo'jujukekono. Aki gami ago tovi duuwarowo'ji kuuko toollu nokwo kuumjukurowo'jujukekono.

Matyuu 25:10

Toro wuujuno sumaveyokwe sujuraiyo kuudo maiyokwe ton oolip munyupto pun biyomallo'moneyokwe avlavopogano. Toro ton kuuno yogalodopure toga a'mwo nuumaso'moneyokwe tool abai'movokaikono. Toro abai'movoka toga a'mwo su tooke'aro yiuwi'nokai sujuraiyo me'no sovrowosunyajupo togai'aro ton kwolabolo yoma'nyo'mo lubullu doto tovi yonomwallo'moneyokwe ago tovino aulapogano. Toro kuulno sumaveyokwe kudo'aiko tov amallukuropokwono.

Matyuu 25:13

Toro wuujuno sumaiyokwe aki aro kuudokaikono. “Yovekurajo su to'busuko kubalno moro aikomgu wolabiyo'mo tov burowo'nyo iruko tollugwojudeyo oo burowo'nyo kuujo sumdo tollugwojudeyo toga bai'mo'monyudukoneyokwe tovino kevu kuudo miyau'mwakovo. Toro tovino tov kev kugaikul kuruv wako neya dou'nogaulo.” Kuudokaikono.

Luuk 12:39

Kuudo neya jaullulo. Ago puvi jukwo pwol aro kuudo miyauronekono, Oo surakuuto su toga kuuko tool nobwonoldeyo, kuudo miyauronekono. Jukwo su tool toro kuudo saurowo'jujuko'mno'juki gami ago tovi duuwarowo'ji kuuko toollu nokwo kuumjukurowo'jujukekono.

Luuk 12:40

Toro to'busuko kubalno kevu kugaikul kuruv yiuwi'nokai toga neya jovrowosunogaulo. Su tov aro tovinokwono. Kevu A'mwo Kwolaiyo Kuunodo toonyuno sogwollo mainodopure toga aikomgu nobumonyugono.”

Luuk 21:36

Toro te kevu wako neya kuu'nomwalopi aki Gooti toolluro jurogudo tovi mallo'moneyokwe subusu'nyogalo neya duudogaulo. Yiuno jurogudo ikubweyodowo'jure tokwe to'no yiuwi'nokai bai'mo'mdowo'jure su tonyu nokwo irukuruwolovopi A'mwo Kwolaiyo Kuunodo toonyu abwoloda'mi kuga kuruv moro sumdollu toru nokwo boulodapinogaikikono.” Jisasol toro kuudokaikono.

Filipai 4:5

A'mwo abolo pun noonyumwonyu pasudo togai saikullugolpi tov kevu kavo to'no duubemwojogaulo. Kevu pasudo su tokwe kuuduuwallunpi tov yiuwi'nokai a'mwo abolo ton kemino aro kuudo yaikuupinogano. Oo a'mwo abolo su ton yiuno kavo to'no uubemwojodupudodeyo. Yaikuupinogano. Kuudo neya jaullulo. Aguto toolluro nobai'mowono tov wobo togakono.

Jems 5:9

Mi avalobuuravoo, Gooti tool kemi nerekumwallo'jokwe kevu Jisasolluro a'mwo abolo pubuuraino burolyogalo nodumwalpiyo. Neya duu'nyulo. Gooti tool a'mwo abolo tonyu kooti yogalo jainyubwollokwekono. Aki kooti yogalo jainyubwollokwe su tool anoullo tovi wobo toru abodapso.

Adodolukuu'nosungiko 19:7

Nemi poowokalago togai ilaiyo bwotonyo yanoo! Aki ilaiyo ibwosunowa'ji gamino yovo aguto neya wimwalanekono. Su tov aro tovinokwono. Aga Sipsip Muugunyo tool gami abolo tovi yolokuromallo'moneyokwe lubullu doto tovi yanyo'mo tov me'no abai'mo'mokogakono. Aki gamoro abolo tov me'no yovraimwonyodowo gami nuuma'nyo'moneyokwe kuunodo toga'no sogwollo kinodowodokwono.