Matyuu 24:43 - Gooti Toolluro Yogalokwono

⁴³ Neya duu'nyulo. Ago puvi jukwo pwol aro kuudo miyaullajukekono. Oo surakuuto su toga kuuko tool nobowo'dalonoldeyo, kuudo miyaullajukekono. Jukwo su tool toro kuudo saurowo'jujuko'mno'juki sa mworowo'jujukekono. Aki gami ago tovi duuwarowo'ji kuuko toollu nokwo kuumjukurowo'jujukekono.

Matyuu 24:43 ပူးပေါင်းရင်းမြစ်များ

Matyuu 14:25

Toro ino sumaveyokwe lomwo iru'mago illouroso'mo yoduke toga Jisasol gami uumjunyokwe tooraiyomno wonyo buugo te muunyu toru kwokado kuuwokaikono.

Matyuu 20:11

Toro tooro kemi womnuugwiyo su tov malluno sumaveyokwe kwako tovi jukwo toollu biyolyogalo aro aduu'mwojoporogano.

Matyuu 24:42

Su toro to'busuko kubalno nuu kemi Aguto toonyuro aikomgu biyo'mo iruko tollugwojuno kevu kuudo miyau'mwakovo. Toro togaikul wako neya dou'nogaulo.

Matyuu 24:44

Su toro to'busuko kubalno kevu kworekul kuruv yiuwi'nokai toga neya jovrovomwalnogaulo. Su tov aro tovinokwono. Kevu A'mwo Kwolaiyo Kuunodo toonyuno sogwollo mainodopure toga aikomgu nomonyugono.”

Matyuu 25:10

Toro wuujuno sumaveyokwe sujuraiyo kuudo maiyokwe ton oolip munyupto pun biyomallo'moneyokwe avlavopogano. Toro ton kuuno yogalodopure toga a'mwo nuumaso'moneyokwe tool abai'movokaikono. Toro abai'movoka toga a'mwo su tooke'aro yiuwi'nokai sujuraiyo me'no sovrowosunyajupo togai'aro ton kwolabolo yoma'nyo'mo lubullu doto tovi yonomwallo'moneyokwe ago tovino aulapogano. Toro kuulno sumaveyokwe kudo'aiko tov amallukuropokwono.

Matyuu 25:13

Toro wuujuno sumaiyokwe aki aro kuudokaikono. “Yovekurajo su to'busuko kubalno moro aikomgu wolabiyo'mo tov burowo'nyo iruko tollugwojudeyo oo burowo'nyo kuujo sumdo tollugwojudeyo toga bai'mo'monyudukoneyokwe tovino kevu kuudo miyau'mwakovo. Toro tovino tov kev kugaikul kuruv wako neya dou'nogaulo.” Kuudokaikono.

Kuuguudo Sugudo akav Makolluro sakwollokakwono Mak 13:35

Womdokwe su tooro ago tovi jukwo tool adoga bai'mowonoldukoneyokwe tovino kuudomaiyorogano. Toro to'busuko kubalno moro aikomgu bumo tovino kevu kuudo miyau'mwakovo. Sulato toga'nonyudukono oo akuusuduko toga'nonyudukono oo kuukuuro muudu'no dodowo'jure toga'nonyudukono? Toro tovino kevu kuudomaiyorekikono. Toro toorekul wako neya dou'nomwalogaulo.

Kuuguudo Sugudo akav Makolluro sakwollokakwono Mak 6:48

Lomwo iru'mago toga Jisasol kwako tovi davo'no gami uumjunyokwe tooro boot tovi mwalodopure kwonokaikono. Toro tooro dolo bwotonyo yoduke tovi novraibwollo'mo guureji wiyoganodopure toorai kwonokaikono. Toro tooraiyomno plaiyo'mo tool wonyo buugo tovi muunyu toru kwokado kuuwokaikono. Toro uuwo'no gami uumjunyokwe toorai irukuruwoleyo'mo avlavokaikono.

Luuk 12:38

Aki a'mwo aguto su tool akuusuduko toga'deyo oo lomwo iru'mago toga'deyo bowo'ji gamoro ki'nato womdokwe su tekwojo sa mworopi sogwollo kinodopure toorai abuuru'maro'ji tov gamoro ki'nato womdokwe su tekwojo ilaiyo to'no ipinorogano.

Luuk 12:39

Kuudo neya jaullulo. Ago puvi jukwo pwol aro kuudo miyauronekono, Oo surakuuto su toga kuuko tool nobwonoldeyo, kuudo miyauronekono. Jukwo su tool toro kuudo saurowo'jujuko'mno'juki gami ago tovi duuwarowo'ji kuuko toollu nokwo kuumjukurowo'jujukekono.

Luuk 21:36

Toro te kevu wako neya kuu'nomwalopi aki Gooti toolluro jurogudo tovi mallo'moneyokwe subusu'nyogalo neya duudogaulo. Yiuno jurogudo ikubweyodowo'jure tokwe to'no yiuwi'nokai bai'mo'mdowo'jure su tonyu nokwo irukuruwolovopi A'mwo Kwolaiyo Kuunodo toonyu abwoloda'mi kuga kuruv moro sumdollu toru nokwo boulodapinogaikikono.” Jisasol toro kuudokaikono.

Adodolukuu'nosungiko 16:15

Toro te kuullo ma'no ma'nodo su tooro yiuwi'nokai kwako akavida'ai a'mwo aguto kig mido mollomwalokwe toorogai'aro kemoro a'mwo mollurogudo toorogai'aro toorai amollu'bworosoporogano. Kwako amollu'bworosopo su toru'no yovo tov Hibruu yogaljo tovida'ai Amagedonovo dodupudorukono. Toruda'ai Krais Jisasol aro adokaikono. “Neya duu'nyulo. A'mwo kuuko pwol a'mwo abolo miworovoma'dopure tonyu bwiyalo'nodowodo to'busuko kubalno a'mwo abolo ton mino kuudo miyanuupinogano. Toro kuudo miyanuu'dopure toga nuu nobiyalo'numonyugono. Toro te a'mwo abolo ton muukanyulmaiyo tonbusuko wogulo'mo nyubwosunpiyokwe youro neya mollosopi sumdo kinomwalpinogano. Yiuwi'nokai a'mwo abolo mino sumdo ainmwalpi su ton kemi poowokalago togai ilaiyo nokwo ibwosunpinogano.” Adokaikono.

Adodolukuu'nosungiko 3:3

Kevu muudu'nodo toga kuuguudo sugudo tovi wuu'no'mno kuudo me'no kuubweyopogaikikono. Kuuguudo sugudo me'no kuubweyajupo su tovino aga aki aiko te kuudo neya jaurogaulo. Aki toro tovi guureji neya gudupolaropi miyomno aki aiko te neya jodu'mwonyugobilo. Kevu su toro tomgu'aro madukapi to'gwowi nuu kemi kirekumwallo'moneyokwe yere nobwolekuru'ma'monyugono. Su tov a'mwo kuuko pwol kevu kuudo miyau'dopure toga bowo'ji galekumwora'dowodo to'busuko kubalno nuu kemi nobwolekuru'ma'monyugono.