Matyuu 24:25 - Gooti Toolluro Yogalokwono

²⁵ Neya duu'nyulo. Yiuwi'nokai nyumo'nono su ton yere mimo'nyodopure kunyuno kuruv nuu duudapi me'no aikullumonyugono. Toro tovino tov kevu wako neya dou'nogaulo.

Matyuu 24:25 ပူးပေါင်းရင်းမြစ်များ

Matyuu 10:16

Aki Jisasol aro kuudokaikono. “Neya duu'nyulo. Nuvu kevu toorekullu a'mwo pworavuro akuuto tomuuno amekwapimono. Aro to'busukokwono. A'mwo pwol gami sipsip toorai kuullujuluko tooravuro akuuto tomuu amorapiyo'ji to'busuko amekwapimono. Toro te kevu gabakuto tooro wako kuu'nodupudo to'busuko kubalno wako neya dou'nogaulo. Aki dokato sobuuro tooro magu'nyo mimo'nodupudo toorobusuko kubalno kevu a'mwo pworai magu'nyo mamolloluwosumwalpinono.

Matyuu 24:24

Su tov aro tovinokwono. A'mwo kuunano yogalo youkuu'najokwe pworo bopi ikudupinorogano. “Nuu Krais toonyugono.” Aki pworo ikudupinorogano. “Nuu proofet toonyugono.” Toro tooro kemi kaiya'nodo tomuuno mollubworomokavlaiyo'mo tooro duuwallo jurogudo pun ikuduuwallupinorogano. Aki Gooti toolluro a'mwo abolo me'no ajesungiko kunyu ki'nomallo'mo puuto puruv kurukweyo'mno'juki nokwo ki'nomapinorogano. Toro kworo kuruv ku'nono mai'nomapinorogano.

Matyuu 24:26

Toro te a'mwo pworo kemi aro abaikudupi tov, “Oo Gooti toolluro ajesoka Krais tool kwako a'mwomaiyo yalukullo tomuu amwalluko toollu neya doonyogaloulo.” Su toro aikudupi kuvi kuruv kevu ku'nono mavlapinono. Aki pworo aro aikudupi tov, “Oo Gooti toolluro ajesoka Krais tool ago akavi anakuuto tomuu yiulo aulopuu'nasuko toollu kevu sumdo douloonyulo,” su toro aikudupi kuvi kuruv kevu, Oo nebalo'mdeyo, kuudo muubwepinono.

Luuk 21:13

Su toro amekudapipi toga kevu moro toorekulluno tov mino ibwosunyo kuuguudo tov nokwo wuudupinorekikono.

Joon 16:1

“Moro yiuwi'nokai kuuguudo me'no aikudumwako su ton kevu mino kuudo nubweyodupudo tovida'ai nobwolorapiyokwe tovino'mokwono.

2 Koorin 13:2

Sumdomgu nuu pugasal toga kemi me'no abekuru'maronyugono. Su toro toga kemida'ai pworo ma'no ma'no pasudo mujumovla'mdopure toorai wako neya kuu'numwalpino'moneyokwe nuu duudapi yogalo me'no kwiyonyugono. Toro to'busuko kubalno aga kuga kuruv nuu manyu tomuu kuuno mwalodum yiuwi'nokai a'mwo ma'no ma'no pasudo sadokwopo toorai wako neya kuu'numwalpino'moneyokwe duudapi yogalo aval'no aro kwimwakono. “Nuu aki aiko te abekuru'ma'mi toga a'mwo ma'no ma'no pasudo sadokwopo su toorai wonyapino mimonyugono. Toro kwonyu kuruv kuudo nekuutemonyugono.” Duudapi yogalo su toro kwimwakono.