Matyuu 20:21 - Gooti Toolluro Yogalokwono

²¹ Toro binuguto'noduke tovi Jisasol aro kuudoganokaikono. “Guu buro'nyo tovino nyudoganbino'mo'guudeyo?” Kuudoganokaikono. Toro toollu abolo tov kuudokakwono. “Guu aguto kig mido mollomwalo sumo'nubi toga moro muugunyo akadoral gumi wobo toru mwalo'bullu yogwapi ibullunorakono. Toro imo'no'bullu guuge yiuwi'nokai a'mwo abolo tonyu mido mollomwalpinorekikono. Toro todoralluro pwol gumoro anato tomgu mwalonekono. Pwol gumoro kwonamo tomgu mwalonekono. Toro te agada'ai moro muugunyo su todorallu nokwo jesubinekudeyo?” Kuudoganokakwono.

Matyuu 20:21 ပူးပေါင်းရင်းမြစ်များ

Matyuu 18:1

Su toro toga Jisasolluro uumjunyokwe tooro Jisasollomno bino sumaveyokwe aro abuudoganoporogano. “Muunyu kai'muuda'ai aguto kig toolluro mido mollomwalo tovi anakuuto tomuu nemoro akavida'ai pwol ala'mwol dukuuwolo'mwallo?” Abuudoganoporogano.

Matyuu 19:28

Jisasol aro kuudokaikono. “Nuu nebal'no ikudumo'mokwono. Gooti tool yiuwi'nokai tonyu aiyo me'no amollovo'dogaloso'ji toga nuu A'mwo Kwolaiyo Kuunodo toonyu moro sia kig jurogudo bwotonyokwe toru nyulomwalmonyugono. Su toro sulomwalmi toga kevu numjunodupudo kworekul kuruv 12-pela sia kig go'no go'nodo toru nyulomwalpinorekikono. Toro ilomwalopi Isuraiyolda'ai 12-pela yovodolobunyo tonyu mido nomollomwalmwalpinorekikono.

Matyuu 20:22

Toro kuudoganoka kuvi kuruv Jisasol abolo tovuro muugunyo toorallu aro kuudokaikono. “Kemoro anyudoganmapo su tovino kevu kuudomaiyogaikikono. A'mwo toorakul nuvu dado subwosunmi to'busuko kubalno kev kworakul kuruv puga nokwo ibwosunbullunorakuldukono?” Kuudoganokaikono. Toro kuudoganoka todoral kuudolorakono. “Tade, navu nokwo'monakono.” Kuudolorakono.

Matyuu 20:32

Deko toro wuudodole toorallu Jisasol wuu'nyuno sumaiyokwe kuwai adavokaikono. Toro da'mno sumaiyokwe aro kuudoganokaikono. “Nuu kemi buro'nyo ikullumo'mo dekullunadopiyo?” Kuudoganokaikono.

Kuuguudo Sugudo akav Makolluro sakwollokakwono Mak 10:51

Toro aboka toollu Jisasol kuudokaikono. “Nuu gumi buro'nyo gujumo'mo dogujunadopiyo?” Toro kuudoka tool kuudokaikono. “Ibwasokweyoloo, Nuu sumdo kinumo'mo anyunadopiyo.” Kuudokaikono.

Kuuguudo Sugudo akav Makolluro sakwollokakwono Mak 16:19

Toro wuujuno sumaiyokwe Aguto Jisasol muunyu i'muuno sulokaikono. Toro ilno sumaiyokwe Gooti toolluro anato toru sulomwalokaikono.

Kuuguudo Sugudo akav Makolluro sakwollokakwono Mak 6:22

Toro kuulojanodopure toga gamoro abolo Heroodiyasovuro taiyo tov a'mwo tooravuro sumdollu toru kuuloda'mno sumaiyokwe lupuro lupuropto sokakwono. Toro yoduke tovi Herooteke'aro a'mwo lubullu doto ajanyajupo toorogai'aro tooro wono'mno ilaiyo ainuwiyoporogano. Toro te a'mwo aguto kig Herootol sujuraiyo su tovi aro kuudokaikono. “Guu buro'nyo buro'nyodeyo agujunmwalo'ji tonyuno anyudubi tov nuu nokwo gujamonyugono.” Kuudokaikono.

Luuk 18:41

“Nuu gumi buro'nyo gujumo'mo dogujunadopiyo?” Toro kuudoganoka tovi a'mwo su tool kuudokaikono. “Agutoloo, nuu sumdo kinyo'mo anyunadopiyo.” Kuudokaikono.

Luuk 19:11

A'mwo abolo ton Jisasolluro yogalo wuudoduke tovi wuu'nyuno sumaveyokwe toga Jisasol yovekurajo purukwe'aro kuudokaikono. Yovekurajo su tov kavlo puruval tovallunokwono. Kavlo puruv Jisasol wagwolago Jeruusalem tovi wobo toru me'no abai'movoka tovinokwono. Aki puruv a'mwo abolo ton, Oo aguto kig Gooti toolluro mido mollomwalo tov nyumo'nyo'mo wobo toga'deyo, kuudo saullajupo tovinokwono.

Luuk 22:24

Aki Jisasolluro uumjunyokwe toorai akuuto toru kevnokwe tooro yogalo aro aullajunoporogano. “Nemoro akavida'ai pwol ala'mwol dukonekuuwolo'mwallo?” Aullajunoporogano.

Joon 15:7

Kevu mi nuguro'mwonyugovlavopi aki moro yogalo ton kemi aulaikworo'ji tov kevu moro Nyunumiyago toollu buro'nyo buro'nyo tonyuno kuudoganpi tov kuvino nekullumo'nonokwono.

Kuurotokwe 1:6

Toro wuujuno sumaiyokwe kuuno i'bwo'nomwalo'mno toga a'mwo kuurotokwe tooro Jisasollu aro samuugojoporogano. “Nemi Agutoloo, nevu Isuraiyolda'ai toonol a'mwo Roomda'ai tooravuro mido mollomwallo tovi dolago tomuu mwalodowadonogano. Toro te guu aguto kig tooku aki aiko te nemi mido mollonekumwallo'mo tov a'mwo su toorai dolago tomuuda'ai adoga bomollurolovonekumokalokuubinekudeyo?” Samuugojoporogano.

Room 12:10

Aki kevu Krais toolluro a'mwo abolo avalo pubuuraino kemi poowokalago togai kalo buuropino neya duuwingovlavogaulo. Aki kevuge avalo tobuurai kwako tomuu'aro wiyopi ilaiyo to'no guureji neya domollomarogaulo.

Room 8:34

Aki a'mwo abolo pun nemino tov, “Nerekumwallo'moneyokweyogaikikono,” ku'nono majanekwonpinogano. Su tov aro tovinokwono. Nemi kironekumwallo'moneyokwe tov Krais Jisas gavnokwe tool nemoro aiko toru maro'no abolokaikono. Toro bolno sumaiyokwe aiyo aiko te dukavo'no Gooti toolluro anato toru sulomwalokaikono. Toro tool nemoro mago tovi'aro mollodavowo'ji nemi nekullo'mwojo'moneyokwe Gooti toollu wuudoganodowodekono.

Kooloosi 3:1

Gooti tool Krais toollu muunyu kai'muuno aiyo aiko te amodukovomokailoka toga kevu kwollu uuguro'mwonyodupudo kugaikullu kuruv aval'no amodukovekumokailokaikono. Toro tovino tov kevu Gooti toolluro ago muunyu kai'muu wo'dupudo tonyuno mallo'moneyokwe womdo neya jogaulo. Gooti toolluro ago su tomuu Krais tool Gooti toolluro anato tomuuda'ai sia kig tovi mwalodowodekono.