Matyuu 2:2 - Gooti Toolluro Yogalokwono

² “Muudoga pwol Juu a'mwo abolo tonyu aguto kig wimo'nyo'moneyokwe su tool gadomuu dukomollomwakovo? Nevu su to kwolluro sullugabwo tov sulugumdo tovi imo'noduke tovi wonodowa kwolaiyo su toollu ilomoropiyo'moneyokwe abumwakuuwono.” Su toro abuudoganomolloporogano.

Matyuu 2:2 ပူးပေါင်းရင်းမြစ်များ

Sekoraiya 9:9

Gooti Yawel aro adokaikono. “Oo Saiyoonda'ai togaikul ilaiyo bwotonyo yopi kemi wagwolago Jeruusalem towaida'ai ilaiyo deko dodelowo'nallulo. Kemi aguto kig abadopiko toollu denomallulo. Toro tool gami molo wiyodupudo toorai uuwolo'mdowo yovo agutokweyekono. Toro kwol kuruv gavnokweyol ilomoropunyu miyokwekono. Toro tool yovomaiyokwe pwolbusuko doonki muugunyo pwollu muunyu toru ilomwalodowo abadopiko toollu denomallulo.” Adokaikono.

Matyuu 2:3

A'mwo aguto kig Herootol kwolaiyo muudoga kig imo'nono su toolluno wuu'nyuno sumaiyokwe gamoro sumwoluko tov gwabo kwinokaikono. Aki yiuwi'nokai a'mwo abolo wagwolago Jeruusalem tovi mwalodupudo kun kuruv aval'no sopogano.

Matyuu 21:5

“Wagwolago Jeruusalemda'ai tonyu duujulo. Kemi aguto kig abadopiko toollu denomallulo. Su tool gavnokweyol bwolomoropinyokwekono. Aki yovomaiyokwe pwolbusuko imo'nyokwekono. Toro tool doonki taiyo puvi muunyu toru sulomwallo. Toro toollu kemi aguto kig muunyu toru ilomwalodowo abadopiko su toollu denomallulo.” Sakwollungikokwono.

Matyuu 27:11

To'no'gwowi Jisasol a'mwo aguto gavona Pailatolluro sumdollu toru adavokaikono. Toro da'mduke toollu Pailatol aro kuudoganokaikono. “Juu tooravuro a'mwo aguto kig tool guu kwekudeyo?” Toro kuudoganoka toollu Jisasol kuudokaikono. “Guvnokwekujuro toro adumodo tov kuvigono.” Kuudokaikono.

Luuk 19:38

Toro ton aro aduumjunopogano. “Ilaiyokwono! Gooti toolluro sugumaluko to'no kwosungiko akallu amonekwopiyamokaikono. Aguto kig su tool Aguto toolluro yovo tovida'ai abumokaikono. Toro tool nevu sumwoluko kavo wosunyo'moneyokwe tovino Gooti toolluro ago muunyu kai'muuda'ai abadopiyo. Aki Gooti toolluno yovo tovi muunyu toru'aro ilomoropiyowanoo!” Aduumjunopogano.

Luuk 2:11

Kuuguudo sugudo su tov arokwono. Anuugwo toga a'mwo aguto kig Devitolluro wagwolago tovi anakuuto tomuu abolo puruv kwolaiyo muudoga pwollu soma'mokakwono. Kwolaiyo su tool kemi ma'no ma'nodo tovuro kirumwallo tovida'ai bomollurolovekumokalokwiyo'moneyokwekono. Aki kwolaiyo su tool Agutekono. Su tool Gooti toolluro ajesoka Krais tookono.

Luuk 23:3

Su toro kuudopo toga a'mwo aguto Pailatol Jisasollu aro kuudoganokaikono. “Juu tooravuro a'mwo aguto kig tool guu kwekudukono?” Toro kuudoganoka toollu Jisasol kuudokaikono. “Guvnokwekujuro su toro adumado tov kuvigono.” Kuudokaikono.

Luuk 23:38

Aki toro tooro ipaiyo puusi aro sakwolloporogano. “A'mwo akal Juu tooravuro a'mwo aguto kig tookono.” Su toro yakwolluno sumaveyokwe ipaiyo su toul Jisasolluro mido tovi muunyu toru aromiyoguro'mwojosopokwono.

Joon 1:49

Toro wuujuno sumaiyokwe Natanyol kuudokaikono. “Ibwasokweyoloo, Gooti toolluro Kwolaiyo kuunodo tool guu kwekugono. Aki Isuraiyolda'ai Aguto Kig tool guu kwekugono.” Kuudokaikono.

Joon 12:13

Su toro tovi wuu'nyuno sumaveyokwe wonoweyo pilo pun do'movomworaro'mno Jisasol puuto tovi kuulaboduke toollu wuuru'mallo'moneyokwe abolokwopogano. Toro bolokwino sumaveyokwe guureji aro amoderomaropogano. “Anekullo'mwojonoo! Ilaiyokwono. Gooti toolluro sugumaluko to'no kwosungiko akallu amonekwopiyabokaikono. Toro tool Aguto toolluro yovo tovida'ai abumokaikono. Isuraiyol tonolluro a'mwo aguto kig su toolluno ilomoropiyowanoo!” Amoderomaropogano.

Joon 18:37

Jisasol toro wuujuno sumaiyokwe toga Pailatol aro kuudokaikono. “Guu a'mwo aguto kig pwekudukono?” Toro kuudoka tovi Jisasol aro kuudokaikono. “Mino tov, a'mwo aguto kig pwekono, anyudadokuudo su tov guvnokwe tooku kuvi anyudadokuuno. Nuvno'gwowi kwako akavi sonumaropo tov womdo yiuno puru'mono yo'moneyokwe tovino kwolabonyugono. Womdo su tov arokwono. Nuu nebaikuuguudo tokwe kuu'maiyo toru'no moruudomollo'moneyokwe kwako akavi kwolabonyugono. Toro te yiuwi'nokai a'mwo abolo nebaikuuguudo tokwe molluulnoda'mdupudo ton mi kaduko nyabodupudogano.” Kuudokaikono.

Joon 19:19

Aki Pailatolluro aduuwiyoka tovida'ai a'mwo mollurogudo pworo puukwollo pun ipaiyo puusi yakwolluno sumaveyokwe i'noguropte tovi aromiyomgutowosoporogano. Puukwollo sokwollosungiko su tov arokwono. “Nasaretda'ai Jisasol Juu tooravuro a'mwo aguto kig tookono.”

Joon 20:28

Jisasol toro kuudoka tovi Toomasol aro kuudokaikono. “Guu mi Agutekugonoo! Aki guu mi Gooti tookugonoo!” Kuudokaikono.

Joon 5:23

Toro anubweyoka su tov aro tovino'mokwono. A'mwo abolo ton Nyunumiyago toolluno yovo aguto wiyodupudo to'busuko kubalno gamoro Kwolaiyo kwonyu kuruv yovo aguto neya nyabumwalpino'moneyokwe tovinokwono. Toro te a'mwo pwol Gooti toolluro Kwolaiyo toonyuno yovo aguto manyabwo'ji tov Nyunumiyago amonuwopiyaboka kwolluno kuruv yovo aguto mwiyonekono.

Joon 9:38

Jisasol toro kuudoka tovi a'mwo tekwo kuudokaikono. “Agutoloo, nuu kuudo agubwemono.” Kuudokaikono. Toro wuujuno sumaiyokwe Jisasolluno sulomoropiyokaikono.

Hibruu 1:6

Gooti tool gamoro Kwolaiyo sujuraiyo su toollu kwako akavi kwolomoropiyaboka toga aro dodowodekono. “Yiuwi'nokai Gooti toolluro ensel tooro Kwolaiyo su toollu neya ilomodomoropimwolapinekono.” Dodowodekono.

Adodolukuu'nosungiko 22:16

Jisasol aro ikudodowodekono. “Nuu Jisasonyu moro ensel pwollu kemiyomno amekwopiyabonyugono. Ensel su tool kevu moro mollu'bwoto go'no go'nodo tobuurekullu kuuguudo akakwe kuu'maiyo toru dodoluvaikubweyo'moneyokwe amekwopiyabekono. Nuvnokwe toonyu a'mwo aguto kig Devitolluro iko tovasuda'ai sodolo to'busuko suruvonyugono. Aki nuu aguto kig Devitolluro jukweyago kwolaiyo toonyu gamoro aiko toru mallo'moneyokwenyugono. Aki nuu kabwo bako guureji pwopiyodowodo toolbusukonyugono.” Jisasol toro ikudodowodekono.