Matyuu 2:15 - Gooti Toolluro Yogalokwono

¹⁵ Toro tonumdoto plaino sumaveyokwe kwako Ijup toru amwalopogano. A'mwo aguto kig Herootol yere maboloduke toga Joosepeke tonumdoto kwako Ijup toru kuuno amwallajupogano. Su toro sumo'noka tovino aiyoga proofet pwol Gooti toolluro yogalo tovi aro me'no ajakwollokaikono. “Moro kwolaiyo toollu Ijupda'ai doma'mekono.” Su toro ajakwolloka tov akaro toga suuwiyo kuvinono imwojo'moneyokwe sumo'nokakwono.

Matyuu 2:15 ပူးပေါင်းရင်းမြစ်များ

Mollurolovomato 4:22

Feroo tool toro yodowo'jure toga aro duudono. “Gooti Yawel aro agudadopiyo. “Isuraiyolda'ai a'mwo abolo ton moro kwolaiyo sujuraiyo pwolbusuko anyumo'nadokwovo.

Hooseya 11:1

Gooti Yawel aro adokaikono. “Isuraiyol muudu'no imo'noduke toga moro kwolaiyo pwekwobusuko anyumo'nyajukekwogano. Toro tekwojuno kalo buuropino kwinyajonyugono. Aki moro kwolaiyo su tekwoji Ijupda'ai bolokwiyo'moneyokwe nuu deko adomarekwogano.”

Matyuu 1:22

Yiuwi'nokai bai'mopino akan Aguto toolluro yogalo puvi suuwiyo imwojo'moneyokweyogano. Yogalo su tov aiyoga gamoro proofet pwollu'aro me'no amorapiyokaikono. Yogalo su tov arokwono.

Matyuu 2:14

Toro te Joosepol dukaino sumaiyokwe surakuuto toga kwolaiyo tooke'aro gami ganeyago tokwe'aro tonalluda'ai momwora'no sumaiyokwe kwako Ijup'no kuugollu'movokaikono.

Matyuu 2:17

Su toro sumo'noka tovino aiyoga proofet Jeremaiya'wolluro yogalo ajakwolloka puvi suuwiyo sumwojokakwono. Yogalo su tov arokwono.

Matyuu 2:19

Joosepol kwako Ijup toru kuuno amwallajukekono. Mwalno sumaiyokwe lukomgu Herootol abolokaikono. Toro aboloka toga Aguto toolluro ensel pwol wojo tovi'aro biyalo'nyuno sumaiyokwe aro abuudokaikono.

Matyuu 2:23

Toro tool plaino sumaiyokwe wagwolago Nasaret toru ki'movo'no amjomwekovlaiyajukekono. Su toro tovino aiyoga proofet pworo Jisasolluno aro me'no adoporogano. “Su tool Nasaretda'aiyekono, dupinekono.” Su toro adopo tov kuvino sumo'nokakwono.

Matyuu 21:4

Su tov proofet yogalo sakwollungiko puvi suuwiyo imwojo'moneyokwe sumo'nokakwono. Proofet yogalo su tov arokwono.

Matyuu 26:54

Toro kuvi kuruv nuu su toro sumi tov aga toga mi nonyumo'nono tonyuno Gooti toolluro yogalo sakwollungiko tovi suuwiyo ku'nono mimwojonokwono. Toro te nuu nokwo wonyapino to'no imonyugono.” Kuudokaikono.

Matyuu 26:56

Toro kuvi kuruv Gooti toolluro yogalo tov proofet tooravuro me'no sakwollungiko tovi kuvinono imo'nyo'moneyokwe tov aga kuvi kuuno sadokwovo.” Kuudokaikono. Su toro kuudoka toga gamoro yiuwi'nokai uumjunyokwe tooro wuugollu'mo'mno sumaveyokwe lukado avlavoporogano.

Matyuu 27:35

Toro wino sumaveyokwe a'mwo mollurogudo tooro gamoro youro tov mollurolopiyo'mno Jisasollu i'noguropte tovi amovoromiyoguroptowosoporogano. Me'no movoromiyoguroptowosuno sumaveyokwe toga Jisasolluro youro ton mojuru'bworoso'mno gadool gadool marono'mdukoneyokwe tovino sumwonyo puruv soporogano.

Matyuu 8:17

Jisasolluro su toro sajuko tov aiyoga proofet Aisaiyalluro kuuguudo me'no ajakwolloka puvi suuwiyo sumwojokakwono. Yogalo su tov arokwono. “Gavnokwe tool nemoro nobolluwuulo judo'no judo'nodo toorai amodukwopiyokaikono.” Sakwollungikokwono.

Luuk 24:44

Jisasol toro nyuno sumaiyokwe aki aro kuudokaikono. “Sumdomgu nuvu kevuge amwallajo toga aro me'no aikujajonyugono. “Yiuwi'nokai mino yogalo tov Moosesolluro loowo tokwe'aro proofet toorogai'aro Da'buukiyo tokwe'aro tonyuro ajakwollajupo su ton suuwiyo neya imwojupinogano,” aikujajonyugono.”

Joon 19:28

Toruda'ai lukomgu Jisasol gamoro womdo me'no sopiyoka tovino kuudo yau'no sumaiyokwe aro adokaikono. “Nuu kuuleyaluko anyunadopiyo.” Jisasolluro yogalo adoka su tov Gooti toolluro yogalo sakwollungiko puruvi suuwiyo imwojo'mokwono.

Joon 19:36

Jisasolluro suvlo tovallu marubuutovopo su tov Gooti toolluro yogalo ajakwollungiko puruvi suuwiyo imwojo'moneyokwe sumo'nokakwono. Yogalo su tov aro sakwollungikokwono. “Gamoro yogudo puru'monodo kuruv marubuutopinokwono.” Sakwollungikokwono.

Kuurotokwe 1:16

“Mi nuugebuuravoo, akaro tov pumgu'aro mimo'nowo'jujukokwono. Toro kuvi kuruv kuvinono imo'nyo'moneyokwe Juudasol Jisasollu a'mwo galomworallo'mo toorai mollubworomokavlavo'no kuuduuwallokaikono. Su toro tov aiyoga a'mwo aguto kig Devitol Gooti toolluro Kuullo tool jurogudo uubweyoduke tovida'ai puukwollukwiyo tovi me'no ajakwollokaikono. Toro tov kuvinono sumo'nokakwono.