Matyuu 19:4 - Gooti Toolluro Yogalokwono

⁴ Toro kuudoganopo toorai Jisasol kuudokaikono. “Kevu Gooti toolluro yogalo sakwollungiko tonyu mamojagilodupudorekuldeyo? Yogalo puruv aro sakwollungikokwono. Muudu'nodo toga Gooti tool yiuwi'nokai tonyu yakwollo'no yiuno a'mwo tookeno abolo tokweno sokwollosokaikono. Su toro sakwollungikokwono.

Matyuu 19:4 ပူးပေါင်းရင်းမြစ်များ

Muuduko 1:27

Toro yajunyuno sumaiyokwe toga Gooti tool a'mwo abolo gavubusuko tonyu sokwollosokagano. Toro tool aro sokwollosokaikono. A'mwo pweke abolo purukwe tovallu sokwollosokaikono.

Muuduko 2:18

Gooti Yawel toro wuujuno sumaiyokwe toga aro adokaikono. “A'mwo tool judo tekwo nomwalo'jo. A'mwo toollu do'nuwimwalono'moneyokwe puruv neya yakwollumonyugono. Toro tov a'mwo tooke yogaimo'nyo'mo nokwo mwalbullunovakono.” Adokaikono.

Muuduko 2:23

Toro abuuwiyoka toga a'mwo tool adokaikono. “Abolo akav numoro yogudo tovida'aiyokwono. Aki toro tov numoro kulako tovida'aiyokwono. Toro tovino abolovo yowa'mokwono.” Adokaikono.

Muuduko 5:2

Toro tonyu a'mwo toorogai abolo togai yokwollosuno sumaiyokwe sugudo tov kuubweyokaikono. Toro uubweno sumaiyokwe, “A'mwo abolo togano,” sowarokagano.

Matyuu 12:3

Toro mojurugolodopure toorai Jisasol aro kuudokaikono. “Kevu Gooti toolluro yogalo sakwollungiko tovida'ai kuuguudo akavi mwonodupudorekuldeyo? Deviteke'aro gami uumjunyokwe toorogai'aro tooro wosamujuko tovino mujuko'mo sopo toga Devitolluro soka tovino kuuguudo su tovi mwonodupudorekuldukono?

Matyuu 21:42

Toro kuudopo toorai Jisasol aro kuudokaikono. “Kevu Gooti toolluro yogalo sakwollungiko tovi mwonodupudorekuldeyo? Yogalo su tov arokwono. “Sulo pwollu a'mwo sulago mojokwe tooro biyolsumdo ino sumaveyokwe amodukwopiyopekono. Toro amodukwopiyopo kwollu kuruv Gooti tool sulo su toollu ma'dowo ago tov kwollu muunyu toru amodadopiyo. Toro te aga'no'gwowi sulo su tool yiuwi'nokai ago mojo'mo sulo tonyu kuuwolo'mwallo. Su tov yiuno Aguto Gooti toolluro tovida'ai sumo'nadopiko tovi wonodowa nemoro sumdo tovi sugumaluko anekullumo'nadopiyo.” Toro sakwollungikokwono. Toro te kevu Gooti toolluro yogalo su toro sakwollungiko tovi mwonodupudorekuldeyo?

Matyuu 21:6

Jisasolluro uumjunyokwe su tooral gamoro yogalo aduuwiyoka tovi kuvinono kuumjunolorakono.

Matyuu 22:31

Aki kevu a'mwo abolo me'no abollungopo ton aiyo aiko te nodukapino tonyuno Gooti toolluro yogalo aikullaboka tovi mwonodupudorekuldeyo?

Kuuguudo Sugudo akav Makolluro sakwollokakwono Mak 12:10

Jisasol yovekurajo kuuguudo su tov me'no wuujuno sumaiyokwe aro kuudokaikono. “Kevu Gooti toolluro yogalo sakwollungiko tovi me'no wonodupudorekikono. Yogalo su tov arokwono. “Sulo pwollu a'mwo sulago mojokwe tooro biyolsumdo ino sumaveyokwe amodukwopiyopekono. Toro amodukwopiyopo kwollu kuruv Gooti tool sulo su toollu malluno yodowo ago tov kwollu muunyu toru amodumokaikono. Toro tovi aga'no'gwowi sulo su tool yiuwi'nokai ago mojo'mo tonyu kuuwolo'mwallo.

Kuuguudo Sugudo akav Makolluro sakwollokakwono Mak 12:26

Kevu me'no abollungopo tooraino aiyo aiko te duka'mdupudo tovino Moosesolluro sakwolloka tovi mwonodupudorekuldeyo? Moosesollu Gooti tool i'jurako widuko bomjonugeloduke tovi anakuuto tomuuda'ai aro kuudokaikono. Nuvu Eburaiyameke Aisakeke Jekoopeke toorai Gooti toonyugono. Moosesolluro toro sakwolloka tovi mwonodupudorekuldeyo?” Kuudokaikono.

Kuuguudo Sugudo akav Makolluro sakwollokakwono Mak 2:25

Toro kuudopo tool kuudokaikono. “Kevu Gooti toolluro kuuguudo tov mwonodupudorekuldeyo? Deviteke'aro gami uumjunyokwe toorogai'aro tooro wosamujuko supto yo'mno mujuko'mo yodopure toga Devitolluro soka tovino kuuguudo tov mwonodupudorekuldeyo?

Luuk 10:26

Toro kuudoganoka toollu Jisasol kuudokaikono. “Guu Moosesolluro loowo sakwollungiko tonyu mojagilodumdo tov buro'nyovo dodadopiyo?” Kuudokaikono.

Luuk 6:3

Toro kuudopo toorai Jisasol aro kuudokaikono. “Kevu Gooti toolluro kuuguudo tovi mwonodupudorekuldeyo? Deviteke'aro gami uumjunyokwe toorogai'aro tooro wosamujuko tovino mujuko'mo sopo toga Devitolluro soka tovino kuuguudo su tov mwonodupudorekuldeyo?