Matyuu 19:11 - Gooti Toolluro Yogalokwono

¹¹ Toro kuudopo tovi Jisasol aro kuudokaikono. “Ibwaso'mo yogalo akavi yiuwi'nokai a'mwo tooro ilaiyo mamollomapinokwono. Toro kuvi kuruv yiuno Gooti tool jurogudo wiyodowodo toorono'gwowi yogalo akavi ilaiyo nokwo mollomapinorogano.

Matyuu 19:11 ပူးပေါင်းရင်းမြစ်များ

Matyuu 13:11

Toro toorai Jisasol aro kuudokaikono. “Gooti tool gamoro muunyu kai'muuda'ai aguto kig mido mollomwalo tovino yiulo yogalo tov kemi me'no ikullabodowodekono. Toro ikullabodowodo tonyuno kavlo tov kevu me'no youroma'dupudorekikono. Toro kuvi kuruv Gooti tool a'mwo abolo punyuno'gwowi ku'nono mwiyodowodekono.

Matyuu 19:10

Toro kuudoka tovi gamoro uumjunyokwe tooro Jisasollu aro kuudoporogano. “A'mwo tool yiuno gami abolo tokwe to'no guro'mwonyumwalbulluno tovino anekudumodo su tov nebalo'mno'juki a'mwo abolo ton kwolabolo nyoma'numwalpiyo.” Kuudoporogano.

Matyuu 19:12

Su tov aro tovinokwono. A'mwo pworo abolo mama'dupudorogano. Su toro tooravuro pworo kemi kuuneyago ton somaropo tovida'ai kwola'mwolo to'no imo'nugovla'mdupudorogano. Aki pworo kemoro nyopto tov me'no amovlosopingoporogano. Aki pworo muunyu kai'muuda'ai aguto kig toolluro mido mollomwalo tovi womdo wimovlaiyo'moneyokwe to'no kuudo yovo'dogallau'dupudorogano. Toro te a'mwo pwol moro kuuguudo aikudumo akavi kuvinono uumjunyo'mo tool ilaiyo nokwo mollomaronekono.” Kuudokaikono.

1 Koorin 7:17

Nuvu yiuwi'nokai Jisasolluro mollu'bwoto go'no go'nodo tobuurai aro moruudomollodumdonyugono. Kevu a'mwo abolo pwolno puru'monodo tobuurekul Aguto Jisasolluro ajaikubwengiko tomgu'aro neya uumjungovla'mwalpinogaikikono. Aki Gooti tool kemi muudu'no adekumaroka togasuro somjomwekovlaiyajupo to'busuko kubalno aga kuga kuruv aval'no neya jomjomwekovlavogaulo.

1 Koorin 7:2

Toro kuvi kuruv a'mwo abolo ton kwonyalo yasuwa'no nomjumovla'mwalpiyokwe tovino tov a'mwo pwolno pwolnodo tooro kemi abolo go'no go'nodo tonyu neya amarogapuro. Aki abolo kun kuruv kemi kwolo go'no go'nodo toorai neya uuma'nogapuro.

1 Koorin 7:35

Moro yogalo aikudadokwo su tov kevu kwolabolo yere miyoma'nodupudo togaikullu ikullo'mwojo'moneyokwe aikudadokwono. Aki moro yogalo su tov kevu kwolabolo yere miyoma'nadokwopo togaikullu ikumjukullo'moneyokwe maikudadokwono. Toro kuvi kuruv kevu Aguto toolluro womdo tovi mujumovla'mdopure togaikullu kwako akavida'ai noonyumwonyu pworo nekumjuku'mwalpiyo. Toro kugaikul kuruv kemi Aguto toolluro womdo tovi po'dogalo neya wimovla'mwalpureyokwe ikullo'mwojo'mo kuuguudo ton aikudadokwono.