Toro kuudopo tovi a'mwo womdokwe tool kuudokaikono. “Kemoro anyudumapo tov ilaiyokwono. Nuu aro ikullumonyugono. Kevudorotekulluda'ai pwol kapwo tov mwora'dowo'jure kwonmi toollu moro ki'nato womdo yo'mo kirumwallumekono. Toro kuvi kuruv pworekulluno'gwowi nokwo ikwonyapino imonyugono.” Kuudokaikono.
Matyuu 18:24 - Gooti Toolluro Yogalokwono24 A'mwo aguto kig su tool dinau nuugwiyo ton kuuno ma'duke toga a'mwo ki'nato womdokwe pwekwo gamoro dinau tov 10 milyan kina tomgu'aro kurukwekono. အခန်းကိုကြည့်ပါ။ |
Matyuu 18:24
17 ပူးပေါင်းရင်းမြစ်များ
Toro tekwo gamoro dinau su tovi ku'nono muubiyonekono. Toro tovino tov a'mwo aguto kig tool aro adomdukuurosokaikono. “Nuu a'mwo dinau kurukwe akaike'aro gamoro abolo tokwe'aro gamoro kwoloraiyo togai'aro gamoro yiuwi'nokai kuto ivito togai'aro ton maket woso'mi nuugwiyo anubipi tov ma'monyugono. Su toro ama'mi toga nokwo dumonyugono, Oo gamoro dinau tov me'nodeyo.” A'mwo aguto kig tool toro adomdukuurosokaikono.
Ki'nato womdokwe pwolno pwolnodo su tooravuro jurogudo tovi wonomaro'no kwiyokaikono. Ki'nato womdokwe pwollu nuugwiyo 5,000 tov kwiyokaikono. Aki ki'nato womdokwe pwollu nuugwiyo 2,000 tov kwiyokaikono. Aki ki'nato womdokwe aiyowo'mo toollu nuugwiyo 1,000 tov kwiyokaikono. Yado me'no uumwodeno sumaiyokwe a'mwo su tool kantri pumuuno avlavokaikono.
Toro doma'no sumaiyokwe a'mwo ki'nato womdokwe nuugwiyo 5,000 kuubweyoka tool nuugwiyo 5,000 pugai'aro muunyu toru amollu'bworosajuko togai amokabokaikono. Toro mokabino sumaiyokwe aro kuudokaikono. “Agutoloo, doonono. Gumoro nuugwiyo anubwemovlavodo tokwe nuvu mollodolovoma'dumdo toga 5,000 nuugwiyo pugai'aro mollu'bworosodumdonyugono.” Kuudokaikono.
Aki a'mwo ki'nato womdokwe nuugwiyo 2,000 kuubwemovlavoka su tool gami nuugwiyo 2,000 pugai'aro muunyu toru amollu'bworosajuko togai amokabokaikono. Toro mokabino sumaiyokwe aro kuudokaikono. “Agutoloo, gumoro nuugwiyo anubwemovlavodo tokwe nuvu mollodolovoma'dum 2,000 pugai'aro muunyu toru me'no mollu'bworosodumdonyugono.” Kuudokaikono.
Aki a'mwo ki'nato womdokwe nuugwiyo 1,000 kuubwemovlavoka su tool bino sumaiyokwe aro kuudokaikono. “Agutoloo, nuvu gumino aro kuudo me'no yaguu'dumdonyugono. Mi aguto tool womdo guureji mujumovlaiyo'moneyokwe dumuurolo'mdowodoldeyo. Aki toro tool womdo pun gavnokwe tool miyoburaudodowodo tonyuda'ai wosamujuko tov muloma'dowodoldeyo. Aki womdo pun gavnokwe tool ikulwiyo mavlollosodowodo tonyuda'ai muloma'dowodoldeyo.
Aki puruv wagwolago Jeruusalemda'ai kwako Siloowam toru agumi'ago tov abwolarokakwono. Toro abwolaroka toga 18-pela a'mwo toorai aromiyokakwono. Su toro tovino kevu aro kuudo yau'dupudorekikono. A'mwo abolopo su tooravuro ma'no ma'no pasudo ton yiuwi'nokai wagwolago Jeruusalemda'ai a'mwo tooravuro ma'no ma'no pasudo tonyu kuuwolovopo tovino tov aboloporogano.
Sumdomgu a'mwo aguto tool a'mwo pworai dinau pun me'no kwiyajukekono. Toro te a'mwo kuto ivito mollomwalokwe su tool a'mwo dinau kwiyajuko pwolno pwolnodo toorai adomarokaikono. Toro doma'no sumaiyokwe a'mwo muudu'nodo toollu aro kuudokaikono. “Moro a'mwo aguto tool gumi dinau me'no agujaboka tov adado'mdeyo?” Kuudokaikono.
Aki a'mwo pwollu kuudokaikono. “Moro a'mwo aguto tool gumi dinau me'no agujaboka tov adado'mdeyo?” Toro kuudoka tovi kuudokaikono. “100-pela beg pun wit tokwe amullosungiko towoso anyabokaikono.” Toro kuudoka su to kwollu kuruv a'mwo kuto ivito mollomwalokwe tool kuudokaikono. “Nuu gumoro dinau su tovi amodovomokwolamono. Toro te gumoro dinau pepa tovi maro'bi yere wolomwalo'bi yiuno 80-pela to'no neya jakwollono.” Kuudokaikono.
ကြော်ငြာတွေ