Matyuu 18:16 - Gooti Toolluro Yogalokwono

¹⁶ Toro kuvi kuruv a'mwo su tekwo gumi maguu'nyubusuko so'ji to'gwowi guvu a'mwo pweke'aro'mdeyo oo pworake'aro'mdeyo momworaro'bi a'mwo su toollomno neya domokabono. A'mwo amokabi su tooral a'mwo tekwojuro kaiya'no pasudo tovi me'no wonodubulorakono. Toro amokabi su tooral gumoro sumdomguda'ai yiuwi'nokai yogalo adodolukuurubwebi tonyu jurogudo nokwo duuwimwojubullunorakono.

Matyuu 18:16 ပူးပေါင်းရင်းမြစ်များ

Joon 8:17

Kevnokwerekulluro loowo puruv aro sakwollungikokwono. A'mwo pworal buro'nyo buro'nyodeyo tonyuno kuudo aval'no woso'bullu kemoro yogalo tov yiuno kuu'maiyo toru'no adodoluwosubullu tov nebal'nodokwono. Kemoro loowo puruv su toro sakwollungikokwono.

2 Koorin 13:1

Nuu pugasal toga kemi me'no abekuru'maronyugono. Toro toonyu aki aiko te pugake'aro nobekuru'ma'monyugono. Neya duu'nyulo. Gooti toolluro yogalo puruv aro sakwollungikokwono. “A'mwo pworaldeyo oo pworapwolorodeyo tooro a'mwo pwolluro pasudo yodowo'jure tovino dodoluwosupinorogano. “Oo a'mwo akaigwol toro toro yodowodekono.” Su toro adodoluwosupi tov kuudo youromapinogaikikono. Oo yogalo su tov nebal'nodo'mdeyo. Kuudo youromapinogaikikono.” Su toro sakwollungikokwono.

1 Timooti 5:19

A'mwo pwol a'mwono moduvomwallokwe pwolluno kuu'maiyo toru aro adodoluvagubweyo'ji tov, “Oo a'mwo su tool kaiya'no yodowodekono.” Su toro adodoluvagubweyo'ji tovi guu kaduko yere nuuwibiyo. Toro kuvi kuruv a'mwo abolo puruvalo'mdeyo oo puruvapuruvodeyo ton kuu'maiyo toru adodoluvagubwepi to'gwowi kaduko nokwo wibinekugono.

Hibruu 10:28

Nevu kuudo nyau'mwakuuwono. A'mwo pwol Moosesolluro loowo tovi kisuvolo wiyowo'ji ma'no ma'no so'ji tov neya bolonekono. A'mwo su tool ma'no ma'no yodowo'jure toga a'mwo pworaldeyo oo pworapwolorodeyo tooro wonopi kuu'maiyo toru'no aro dodowiyoku'bworosupinorogano. “Oo a'mwo su tool ma'no ma'no yoduke me'no kwonmawekono.” Su toro adodowiyoku'bworosupi toga a'mwo ma'no ma'no so'ji su toolluno kalo mamamwonyupinekono. Toro tool yiuno'no neya bolonekono.

Adodolukuu'nosungiko 11:3

Aki a'mwo pworal moro kuuguudo tokwe kuu'maiyo toru'no dodoluwosumwalbulluno'moneyokwe nuu a'mwo su toorallu jurogudo tov nuubwemonyugono. Toro tooral kalo winodo'bule tovino tov kalo'mo youro togai yeso'bullu iruko 1,260 su tobuullu proofet kuuguudo tokwe moruudumwalbullunorakono.” Anyudokaikono.