Matyuu 17:2 - Gooti Toolluro Yogalokwono

² Toro mokailno sumaiyokwe muugona'dopure toga Jisasolluro kulako tov judo pumgu'aro amoropiyokaikono. Gamoro sumdomago tov kuujo toolbusuko awopiyokakwono. Aki gamoro youro kuruv bako to'busuko wiya'jo to'no moropiyoduke tovi kwonoporogano.

Matyuu 17:2 ပူးပေါင်းရင်းမြစ်များ

Matyuu 17:1

Toruda'ai iruko atobuul ato pullugwo me'no kuuwolo'noka toga Jisasol gami uumjunyokwe yiuno Pitaike Jemseke aki Jemsollu gagwai'yago Jooneke toorai momwora'no sumaiyokwe judo tooro mwallo'moneyokwe muumuudo kumi'yago pwollu amokailokaikono.

Matyuu 17:3

Toro tovi muugona'dopure toga Mooseseke Ilaijaike tooral Jisaseke kuuguudo juda'nodopure toorai kwonoporogano.

Matyuu 28:3

Ensel su tool toro ilomwalno sumaiyokwe gamoro sumdomago tov molamopto to'busuko aluvomdolopiyokakwono. Aki gamoro youro tov kunaikwoljo ais to'busuko amoropiyokakwono.

Kuuguudo Sugudo akav Makolluro sakwollokakwono Mak 9:3

Bako pwopiyodowodo to'busuko kubalno gamoro youro tov wiya'jo to'no moropiyoduke tovi kwonoporogano. A'mwo kwako akavida'ai pwolnodo kwol kuruv youro wiya'jo su to'busuko imo'nyo'moneyokwe ku'nono miyal'mopinogano. Toro moropiyoduke tovi kwonoporogano.

Luuk 9:29

Subusu'nyogalo toro doduke toga gamoro uumjunyokwe pworapwol amokailoka su tooro aro tovi amuugonaroporogano. Jisasolluro sumdomago tov judo pumgu'aro kulako moropiyoduke tovi kwonoporogano. Aki bako pwopiyodowodo to'busuko kubalno gamoro youro kuruv wiya'jo to'no moropiyoduke tovi kwonoporogano.

Joon 1:14

Aki Yogalo su tool a'mwo kulakokwe sumo'nokaikono. Toro imo'nyuno sumaiyokwe nemi akuuto toru abwolomwalokaikono. Toro toollu Gooti toolluro yasuwa'wino sugumaluko tokwe'aro nebaikuuguudo tokwe'aro toval aiyowomno kuullo'mowopiyodowodekono. Aki toro tool Gooti Ganumiyago toolluro Kwolaiyo pwolnodo tookono. Toro toolluro jurogudo kuunodo tovi nevu me'no kwonowekono.

Joon 17:24

Mi Nyunumiyagoloo, guvnokwekujuro a'mwo abolo anyabodo ton moro amwalmi tomuu nuuge neya kuulomwalpino'moneyokwe nyunodowodonyugono. Moro su toro nyunodowodo tov aro tovinokwono. Guu kwako akavi yere miyokwollosodore kugada'ai mino kalo buuropino me'no agujunyajukekugono. Toro tovino tov guvnokwekujuro bako bwotonyo tov mi me'no nyabodumdekugono. Toro te gumoro a'mwo abolo anyabodo su tobuuro guvnokwekujuro bako bwotonyo nyabodumdo tovi neya wonpuro. Su toro wonpino'moneyokwe nyunodowodonyugono.

Room 12:2

Aki toro togaikul kwako akavida'ai a'mwo abolo punyuro mujumovla'mdopure tomgu'aro nuumjungovla'mwalpiyo. Toro kuvi kuruv Gooti tool kemoro poowokalago kuudo tonyu aiyo aiko te yokwollaikubweyodowo'jure tovi ilaiyo neya domollomarogaulo. Gooti tool kemoro poowokalago kuudo tonyu aiyo aiko te me'no sokwollaikubweyo'ji toga gamoro ilaiyo winodowodo tonyuno kuudo nokwo youroma'mwalpinogaikikono. Toro togaikul sugupasudo yo'mo togai'aro Gooti toollu ilaiyo igollo'moneyokwe togai'aro aki pasudo pun kaiya'no puru'monodo kuruv muumgu'mo'nodowodo togai'aro tonyuno nokwo youroma'mwalpinogaikikono.

Adodolukuu'nosungiko 10:1

Toruda'ai nuu ensel jurogudo pwol Gooti toolluro ago muunyu kai'muuda'ai wolaboduke toollu kwononyugono. Toro wolaboduke toollu sulu'wo tov aiyowomno momwodovoma'no sumaiyokwe aki daboomuulo puruv gamoro mido tovi muunyu toru airovokakwono. Ensel su toolluro sumdomago tov kuujo toolbusuko bako awopiyokaikono. Aki gamoro suvlo toval anyutuko widuko nugovla'mdubulo to'busukovakono.

Adodolukuu'nosungiko 20:11

Toruda'ai nuu sia kig wiya'jo aguto tovi kwononyugono. Aki sia kig wiya'jo su tovi muunyu toru Gooti tool nyulomwaloduke kwononyugono. Toro mwaloduke su toolluda'ai kwako tokwe sulugumdo tokwe toval lukado plavolno yiunokuudo sounopiyolovakono.