Matyuu 15:32 - Gooti Toolluro Yogalokwono

³² Su toro toga Jisasol gami uumjunyokwe toorai doma'no sumaiyokwe aro kuudokaikono. “A'mwo abolo ton nuuge iruko pullapullu me'no amwalmwakopo ton wosamujuko maiyo tonyuno kalo anyunadopiyo. A'mwo abolo su ton mujuko'mo yodopure tonyu nuu pumuuno amodapimi tov puuto tomuu kuruwiyo nomjobolmovlapiyo.” Kuudokaikono.

Matyuu 15:32 ပူးပေါင်းရင်းမြစ်များ

Matyuu 12:40

Joona'wol domwoga toolluro sumwoluko tovi anakuuto tomuu iruko pullapullu surakuuto pullapullu aularoka to'busuko kubalno A'mwo Kwolaiyo Kuunodo toonyu kwako akavi anakuuto tomuu iruko pullapullu surakuuto pullapullu kuula'monyugono.” Kuudokaikono.

Matyuu 14:13

Jisasol toro tovi wuu'nyuno sumaiyokwe boot puvi ilomwalo'no a'mwomaiyo judo puru'no avlavokaikono. Boot tovi toro pla'mduke toga a'mwo abolo bwotonyago ton wuu'nyuno sumaveyokwe, “Oo kuumno dovla'mwallo,” do'mno a'mwo abolo wagwolago go'no go'nodo tomuuda'ai ton kwokado kuumjunopogano.

Matyuu 15:33

Toro kuudoka tovi gamoro uumjunyokwe tooro aro kuudoporogano. “Nevu a'mwomaiyo kuu'maiyo akaru mwalodowa a'mwo abolo kwolallo bwotonyo akanyu bret nyuto'nupino'moneyokwe tov gadomuuda'ai marowa'ji wiyanonoldeyo?” Kuudoporogano.

Matyuu 20:34

Toro kuudolo tooralluno Jisasol kalo winyuno sumaiyokwe kemoro sumdo tonyu kuubogai'nokaikono. Toro kuubogai'noka kuga'gwo kuuno a'mwo sumnowojokwe su tekwojal sumdo kinyuno sumaleyokwe Jisasollu kuumjunolorakono.

Matyuu 27:63

Toro kuulno sumaveyokwe Pailatollu aro kuudoporogano. “A'mwo agutoloo, a'mwo kuunano youkuu'najokwe su tool aiyo kuuno mwalodowodo toga gamoro yogalo puruv aro doduke kuu'nowekono. “Nuu iruko pullapullu me'no abawo'ji toga aiyo aiko te noduka'monyugono,” doduke toollu kuu'nowekono.

Matyuu 9:36

Jisasol toro ikulmovla'mdowo a'mwo abolo kwolallo bi'bwo'nodopure tonyu wonyuno sumaiyokwe kalo kwinokaikono. Jisasol kalo kwinoka su tov aro tovinokwono. A'mwo abolo su ton tagunyo tooro ma'dupu aki kevnokwe tobuuro ku'nono mwiyo'mwoju'nyajupogano. Aki toro ton sipsip tobuurobusuko imo'nodopure tobuurai a'mwo duuwato'moneyokwe pwol nonaguto sumo'nyajupogano. Su toro imo'nodopure tobuuraino Jisasol kalo kwinokaikono.

Kuuguudo Sugudo akav Makolluro sakwollokakwono Mak 9:22

“Toro toollu wonyodeyo dukodeyo tonyu kuullo ma'no ma'nodo tool noromiyoso'moneyokwe gallugolamo'mdowodekono. Toro kuvi kuruv guu nokwo'mekuno'juki nemino kalo neya gujunowo'ji donekullo'mwojono.” Kuudokaikono.

Luuk 7:13

Toro ton bomokalokwodopure toga Aguto tool abekanyo su tobuullu wonyuno sumaiyokwe kalo wino'no aro kuudokaikono. “Guu kumdo madubinono.” Kuudokaikono.

Kuurotokwe 27:33

Toruda'ai lomwo sosaga toga a'mwo abolo ton wosamujuko pun neya nupino'moneyokwe Poolol guureji aro kuudokaikono. “Kevu 14-pela iruko tobuullu dole'manollo tovino sogwollo to'no kinodupu wosamujuko pun manodupudogaikikono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.