Matyuu 14:3 - Gooti Toolluro Yogalokwono

^3-4 Herootolluro su toro kuudoka tov aro tovinokwono. Sumdomgu Herootol gami gagwai'yago Filipolluro abolo tovi amarokaikono. Abolo su tovino yovo tov Heroodiyasovokwono. Toro tovi amaroka su toollu Joonol aro kuujajukekono. “Guu abolo su tovi ama'mwakudo tov Gooti toolluro loowo tovi kisuvolo sadokuuno.” Kuujajukekono. Toro wuudoduke tovino Heroodiyasov ilaiyo mibwosunyajukokwono. Toro te Herootol gami abolo tovi ilaiyo igollo'moneyokwe Joonollu wuulo galerosuno sumaiyokwe wuulo killo'mo ago tovi aulomerosokaikono.

Matyuu 14:3 ပူးပေါင်းရင်းမြစ်များ

Matyuu 11:2

Su toro toga Wonyo Galuvollokwe Joonol wuulo killo'mo ago tovi aule'nallajukekono. Toro kuule'na'dowo yiuwi'nokai Krais toolluro womdo yoduke tonyuno kuu'nyajukekono. Joonol toro wuu'nyuno sumaiyokwe gavnokweyolluro uumjunyokwe pworai Jisasollu wuudoganpino'moneyokwe amodopiyabokaikono.

Matyuu 14:6

Toro kuvi kuruv iruko pullugwoji Herootol gami ganeyago tov somaroka su tollugwoji aki aiko kuudo yaullo'moneyokwe lubullu doto sanokaikono. Su toro toga Heroodiyasovuro taiyo tov a'mwo tooravuro sumdollu toru kuuloda'mno sumaiyokwe lupuro lupuropto sokakwono. Toro yoduke tovi Herootol wonyuno sumaiyokwe ilaiyo ainuwiyokaikono.

Matyuu 4:12

To'no'gwowi Jisasol a'mwo abolo pun aro dodopure tovi kuu'nokaikono. “Oo Joonollu wuulo me'no amerosopekono.” Toro dodopure tovi wuu'nyuno sumaiyokwe Jisasol wuugollu'movo'no distrik Galili tomuuno avlavokaikono.

Kuuguudo Sugudo akav Makolluro sakwollokakwono Mak 6:14

Toruda'ai Jisasolluno yovo tov yiuwi'nokai tomuu abomjodumoulapokwono. Toro bomjodumoulodopure tovi a'mwo aguto kig Heroot kwol kuruv kuu'nokaikono. Toro tool aro tovi kuu'nokaikono. “Wonyo galuvollokwe Joonol kwekono. Me'no aboloka kwol kuruv adukavokaikono. Toro toolluno tov yiuwi'nokai duuwallo jurogudo ton yodowodekono.”

Kuuguudo Sugudo akav Makolluro sakwollokakwono Mak 6:17

Sumdomgu toga Heroot gavnokweyol aro sokaikono. Gagwai'yago Filipolluro abolo Heroodiyasovi amarokaikono. Toro ma'duke tovi Joonol wono'no aro kuudokaikono. “Gumi jugwai'yago toolluro abolo tovi mama'binokwono. Toro ajungiko loowo tovi kisuvolo sadokuuno.” Toro wuudoduke toga Heroodiyasov wuu'no'no Joonolluno ilaiyo mwinyajukokwono. Toro te Herootol Joonollu wuulo killo'mo ago tovi kuulomeroso'moneyokwe gami womdokwe toorai amodapiyokaikono. Toro tooro Joonollu maro'mno aulomerosopekono.

Kuuguudo Sugudo akav Makolluro sakwollokakwono Mak 6:19

Toro kuulomerosodopure toga Heroodiyasov Joonolluno surodo bwotonyo yo'no noromiyoso'mo kwinokakwono. Toro kuvi kuruv ku'nono maromiyosokakwono.

Kuuguudo Sugudo akav Makolluro sakwollokakwono Mak 6:22

Toro kuulojanodopure toga gamoro abolo Heroodiyasovuro taiyo tov a'mwo tooravuro sumdollu toru kuuloda'mno sumaiyokwe lupuro lupuropto sokakwono. Toro yoduke tovi Herooteke'aro a'mwo lubullu doto ajanyajupo toorogai'aro tooro wono'mno ilaiyo ainuwiyoporogano. Toro te a'mwo aguto kig Herootol sujuraiyo su tovi aro kuudokaikono. “Guu buro'nyo buro'nyodeyo agujunmwalo'ji tonyuno anyudubi tov nuu nokwo gujamonyugono.” Kuudokaikono.

Kuuguudo Sugudo akav Makolluro sakwollokakwono Mak 8:15

Toro toorai Jisasol duudapi yogalo wuujo'moneyokwe yovekurajo tov aro kuudokaikono. “Kevu Farasi tooravuro bret munyo'moneyokwe yis tokwe'aro Herootolluro bret munyo'moneyokwe yis tokwe'aro tovalluno wako neya dou'nyulo.” Kuudokaikono.

Luuk 13:1

A'mwo pworo Jisasol kuuguudo moruudoduke toga au'nallajuporogano. Toro au'nallajupo su tooro Jisasollu wobo toru bino sumaveyokwe gavman a'mwo aguto Pailatolluro soka tovino aro kuudoporogano. “Galilida'ai a'mwo pworo Jeruusalemda'ai Gooti toollu ilomoropiyo'moneyokwe ago tovuro agwapto toru kuula'mno sipsip toorai romiroudapiyodopure toga Pailatol a'mwo su toorai aromiyosokarogano.” Toro kuudoporogano.

Luuk 13:31

Iruko su tollugwoji Farasi pworo bino sumaveyokwe Jisasollu aro kuudoporogano. “Herootol gumi romiyagubweyo'mo winoduke tovino tov guu akawaida'ai nekugollu'movo'bi pumuuno dovlavono.” Kuudoporogano.

Luuk 23:11

Aki Herooteke'aro gamoro a'mwo mollurogudo pworogai'aro tooro Jisasollu kaiyako igolo'mno aki burolpakuto amollovakuroporogano. Toro mollovaku'no sumaveyokwe Jisasollu youro sugumaluko togai mollubweyo'mno Pailatollomno aikomgu amorapiyoporogano.

Luuk 23:7

Toro kuudoganoka tovida'ai a'mwo aguto Pailatol aro tovino kuudo souromarokaikono. “Oo Jisasol a'mwo aguto kig Herootolluro kwako mido mollomwalodowodo su tomuuda'aiyoldeyo.” Toro kuudo youroma'no sumaiyokwe Jisasollu maro'no Herootollomno amorapiyokaikono. Su toro toga a'mwo aguto kig Herootol wagwolago Jeruusalem tovi yagwoto abomwalokaikono.

Luuk 3:1

Toruda'ai a'mwo aguto Sisa pwolluno yovo tov Taibiriyosolekono. Toro tool kantri Room tovi mido mollomwalo yoduke tov 15-pela kworomo tobuul kuuwolo'nokaikono. Su toro toga Poontiyos Pailatol kwako Juudiya tovi gavona womdo sajukekono. Aki su toro toga Herootol distrik Galili toru mido amollomwallajukekono. Aki su toro toga Herootolluro gagwai'yago Filipol kwako Ituuriyake kwako Trakoonitoseke tovallu mido amollomwallajukekono. Aki su toga a'mwo pwol distrik Abilene toru mido amollomwallajukekono. A'mwo su toolluno yovo tov Laiseniyosolekono.

Luuk 8:3

Aki abolo puruv Kuusolluro abolo Joowanovokwono. Kuusol aguto kig Herootolluro ago tovi mido mollomwalodowodekono. Aki abolo puruv Suusanavokwono. Aki abolo bwotonyago pugai'aro ton Jisaseke'aro gamoro uumjunyokwe toorogai'aro togai somollajupogano. Toro ton kevnokwenyuro nuugwiyo togai mokabodupu Jisaseke tooravuro mujonomwekovla'mwalpino'moneyokwe ton biyomokabodupu kwiyo'mwojomollajupogano.

Kuurotokwe 12:1

Toro toga a'mwo aguto kig Herootol Jisasolluro mollu'bwoto pubuurai kaiyako sugollajukekono.

Kuurotokwe 4:27

Devitolluro toro ajakwolloka su tov nebalokwono. Kuvinono aro me'no sumo'nokakwono. Herooteke'aro Poontiyos Pailateke'aro a'mwo Juu tooravuro miyawosunodupudo pworogai'aro Isuraiyolda'ai a'mwo abolo togai'aro ton wagwolago akavi i'bwo'no'mno guvnokwekujuro womdokwe sugudo ajesodo toollu kaiyako igollo'mo su'bwo'nopogano. A'mwo ajesodo su tool Jisasol kwekono.