Matyuu 13:27 - Gooti Toolluro Yogalokwono

²⁷ Toro bila'dopure tonyu a'mwo toolluro womdokwe tooro gwo'gwopto kaiya'nodo bila'dopure su toorai wonyuno sumaveyokwe a'mwo toollu aro kuudoporogano. “Oo nemi a'mwo agutoloo, gumoro womdo tovi wit sulo sugudo ton me'no audosodo kuvi kuruv anakuuto tomuu gwo'gwopto kaiya'nodo tooro aiyowomno so'mowopiyadokwovo. Gwo'gwopto kaiya'nodo su tooro gumoro womdo tovi adadomgu'aro dukobila'mwakovo?” Kuudoporogano.

Matyuu 13:27 ပူးပေါင်းရင်းမြစ်များ

Matyuu 13:25

A'mwo su tool toro audosoka kuvi kuruv surakuuto toga gamoro womdokwe tooro sa wo'dopure toga gami ikomago tool bino sumaiyokwe gwo'gwopto kaiya'nodo tooravuro sulo tollovo wit womdokwe akuuto toru auloudosokaikono. Me'no kuudosuno sumaiyokwe kuugollu'movokaikono.

Matyuu 13:26

Toro te lukomgu wit ton bilarowino sumaveyokwe aguto gullo'mno no ton ai'nopogano. Toro ai'nopo kuvi kuruv gwo'gwopto kaiya'nodo kworo kuruv wit togai ya'mo'nyuno sumaveyokwe abilaropogano.

Matyuu 13:28

Toro kuudopo toorai a'mwo wit sulo sugudo kuudosodowodo su tool aro kuudokaikono. “Oo moro ikomago pwol audosokakwono.” Kuudokaikono. Toro te gamoro womdokwe tooro aro kuudoganoporogano. “Nevu gwo'gwopto kaiya'nodo su toorai kadomdo nokwo lo'movodukwopiyanonoldukono?” Kuudoganoporogano.

Matyuu 20:1

Aki Jisasol aro kuudokaikono. “A'mwo abolo ton muunyu kai'muuda'ai aguto kig mido mollomwalo tovi dolago tomuu kuulomwallo'mo tov aro to'busukokwono. A'mwo pwol kwako wain womdokwe puvi jukwo sumo'nyajukekono. Kwako su tovi jukwo tool lomwo iru'mago toga bolokwino sumaiyokwe gamoro wain ikulsul womdo su tovi womdo yo'moneyokwe a'mwo pworai so'mgonomarokaikono.

Room 16:17

Miyobuuravoo, kevu wako neya kuu'numwalpino'moneyokwe nuu guureji aro ikudumo'mokwono. A'mwo pworo kevu Jisasolluro a'mwo abolo tobuurekullu kaiyako molleru'mdovekwapiyo'mo winodupudorogano. A'mwo su tooro nemoro kuuguudo sugudo yodubwasodowado tovi muu'nyubusuko to'no yopi kisuvolo mujumovla'mdupudorogano. Kevu su toro toorai manyu toru'aro neya duuwiyogaulo.

1 Koorin 16:10

Aki Timootiyol wagwolago Koorin toru abaiki'mowo'ji toga a'mwo su tool kemino luko nyo'jokwe tovino kevu a'mwo su toollu kwako tomuu'aro neya wipinogaikikono. Su tov aro tovinokwono. Nuvu Aguto toolluro womdo tovi yodumdo toonyubusuko kubalno a'mwo su to kwol kuruv womdo aval'no yodowodekono.

2 Koorin 6:1

Gooti tool a'mwo abolo tonyu wiyo'mwojo'moneyokwe womdo yodowodekono. Toro te nevu kweke womdo yodowado toonol kemi guureji aro ikudano'mokwono. “Kevu Gooti toolluro yasuwa'wino sugumaluko me'no ma'dupudo tovi nyuu'dapimwalpiyo.” Ikudano'mokwono.

2 Koorin 6:4

Toro te nemoro yiuwi'nokai pasudo mujumovla'mdowado tovi'aro nevnokwe toonolluno kuu'maiyo toru'no aro wuuduuwallunodowadonogano. “Oo nevu Gooti toolluro womdokwe kuunodonogano.” Wuuduuwallunodowadonogano. Toro toonollu tabunyuwuulo go'no go'nodo togai'aro aki jul'nyo bwotonyo togai'aro aki kaiyako yanekullugolodopure tovida'ai luko bwotonyo yodowado togai'aro su ton baneki'mo'mdupudonogano.

Jems 4:4

Kevu Gooti toollu wuugollu'mo'mdupudo su tov kwonyalabolo puruv gami kwolo toollu wuugollu'mo'mdowodo to'busuko yodupudogaikikono. Kevu aro tovino kuudo nyau'mwakovo. A'mwo pwol kwako akavida'ai pasudo toorai ibwoto'nyo kwimo'no'ji tov a'mwo su tool Gooti toollu ikomago wimo'nyokwekono. Toro tovino tov neya duu'nyulo. Buro'nyo buro'nyo a'mwo abolodeyo pun kwako akavida'ai pasudo toorai ibwoto'nyo'mo kwinpi su ton Gooti toollu ikomago wimo'nupinogano.