Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matyuu 13:24 - Gooti Toolluro Yogalokwono

24 Aki Jisasol yovekurajo puruv aro kuudokaikono. “Muunyu kai'muuda'ai aguto kig toolluro mido mollomwalo tov a'mwo pwol gami womdo tovi wit sulo sugudo tollovo audosoka to'busukokwono.

အခန်းကိုကြည့်ပါ။ ကော်ပီ




Matyuu 13:24
23 ပူးပေါင်းရင်းမြစ်များ  

A'mwo pworo wit sulo ton puuto tovi muunyu toru abwolorapo to'busukorogano. A'mwo su tooro aguto kig Gooti toolluro mido mollomwalo tovino kuuguudo tov me'no wuu'nodupudorogano. Toro kworo kuruv kavlo tovino kuudo miyouroma'dupudorogano. Wit sulo to'busuko kuuguudo su tov kemoro poowokalago tovi pulollosodowodokwono. Toro kuvi kuruv kirovanyuvanyu Satanyol yere bowo'ji wit sulo novlollosodowo'jure su tonyu bomodukwopiyodowodekono.


A'mwo su tool toro audosoka kuvi kuruv surakuuto toga gamoro womdokwe tooro sa wo'dopure toga gami ikomago tool bino sumaiyokwe gwo'gwopto kaiya'nodo tooravuro sulo tollovo wit womdokwe akuuto toru auloudosokaikono. Me'no kuudosuno sumaiyokwe kuugollu'movokaikono.


Aki Jisasol yovekurajo puruv aro kuudokaikono. “Muunyu kai'muuda'ai aguto kig toolluro mido mollomwallo tov iko mastet tovuro ikulwiyo tollugwobusukokwono. Ikulwiyo su tollovo womdo tovi buraudodupudollovogano.


Aki Jisasol yovekurajo puruv aro kuudokaikono. “Muunyu kai'muuda'ai aguto kig toolluro mido mollomwalo tov flauwa munyo'moneyokwe yis to'busukokwono. Abolo puruv yis tovi malluno sumaiyokwe bret yakwollo'mo flauwa bwotonyago tonyu anakuuto tomuu aulosokakwono. Toro kuulosuno sumaiyokwe yis su tov pwekwono kworoka kuvi kuruv yis su tov yiuwi'nokai tomuu kuullo'mowopino sumaiyokwe flauwa tov bwotonyo amunopiyokakwono.”


Toro kuudopo toorai Jisasol aro kuudokaikono. “Nuu A'mwo Kwolaiyo Kuunodo toonyu a'mwo ikulwiyo sugudo kuudosodowodo toolbusukonyugono.


Aki Jisasol yovekurajo puruv aro kuudokaikono. “A'mwo abolo ton muunyu kai'muuda'ai aguto kig toolluro mido mollomwalo tovi dolago tomuu kuulomwallo'mo tov domwoga kuurowabwollo'moneyokwe kuto to'busukokwono. A'mwo pworo domwoga kuurowabwollo'moneyokwe kuto tov wonyo buugo tovi kwolowopiyaporogano. Toro wolowopino sumaveyokwe yiuwi'nokai domwoga judo'no judo'nodo tooro kuto su tovi bowaro'mno yiuno muju tovino abilowakuu'noporogano.


Su tovino kavlo tov arokwono. Muunyu kai'muuda'ai aguto kig toolluro mido mollomwalo tovi dolago tomuu kuulomwallo'mo tov yovekurajo aro to'busukokwono. A'mwo aguto kig pwol gamoro ki'nato womdokwe toorai kuudokaikono. “Aga kemoro dinau nuugwiyo ton aki aiko te neya donubiyulo.” Kuudokaikono.


Aki Jisasol aro kuudokaikono. “A'mwo abolo ton muunyu kai'muuda'ai aguto kig mido mollomwalo tovi dolago tomuu kuulomwallo'mo tov aro to'busukokwono. A'mwo pwol kwako wain womdokwe puvi jukwo sumo'nyajukekono. Kwako su tovi jukwo tool lomwo iru'mago toga bolokwino sumaiyokwe gamoro wain ikulsul womdo su tovi womdo yo'moneyokwe a'mwo pworai so'mgonomarokaikono.


Aki Jisasol kuudokaikono. “Yovekurajo purukwe'aro ikudodo'mure akavi duu'nyulo. A'mwo pwol kwako puvi jukwo sumo'nyajukekono. Toro tool gami kwako su tovi wain wiyo ton aburoudosokaikono. Toro kuudosuno sumaiyokwe kuurupto killo'mo tool sulo tokwe aluvagilovokaikono. Aki wain ikulsulo tonyu gurojo'moneyokwe buuso purukwe'aro alsosokaikono. Toro ilsosuno sumaiyokwe duuwato'mo agumi'ago puruv amodokaikono. Toro modosuno sumaiyokwe kantri manyu pumuuno plaiyo'mo tool gamoro womdo su tovi mollomwalmwalpino'moneyokwe a'mwo pworai ajesokaikono. Toro ajesoka su toorai aro kuudokaikono. Kevu wain ikulsulo ton domju'bworanekubweyogaulo. Toro muuju'bworanekubweyopi lukomgu gekwono gekwono momuudeyomaranokwono. Toro wuujuno sumaiyokwe wain womdo tovi jukwo tool kantri manyu pumuuno avlavokaikono.


“Muunyu kai'muuda'ai aguto kig mido mollomwalo tovi dolago tomuu kuulomwallo'mo tov aro to'busukokwono. A'mwo aguto kig pwol gamoro kwolaiyo toollu abolo uumaso'mo toga lubullu doto kwosokaikono.


“Su toro toga muunyu kai'muuda'ai aguto kig toolluro mido mollomwalo tovi kuulomwallo'mo tov aro to'busuko imo'nonokwono. A'mwo pwol gami abolo tovi mallo'mo toga sujuraiyo atousal pun a'mwo su toollu gami abolo toviyomno mokavlaiyo'mo kwinopogano. Sujuraiyo su ton a'mwo pworogai sumwonyo miyomollodupudogano. Toro ton kemi lamwo togai momwora'no sumaveyokwe a'mwo su toollu wuuru'mallo'mo avlavopogano.


“Kevu Gooti toollomno kuudo jouragunyumo'nyulo. Muunyu kai'muuda'ai aguto kig toolluro mido mollomwalo tov wobo toga nobai'meyo'mo sadopiyo.” Amoruujajukekono.


Jisasol yiuwi'nokai distrik Galili tomuu somollokaikono. Toro tomuu yomolluno yomolluno sumaiyokwe Juu tooravuro i'bwo'nyago tonyu kuulodawo kuuguudo sugudo tokwe amoruujajukekono. Kuuguudo sugudo su tov Gooti toolluro kig mido mollomwalo tovi dolago tomuu neya aulomwalpureyokwe tovino amoruujajukekono. Toro moruudomolluno sumaiyokwe a'mwo abolo tonyuro yiuwi'nokai judo'no judo'no nobollokweyodeyo oo suvlato nomuullugollokweyodeyo tonyu sukullajukekono.


Toruda'ai Jisasol aro kuudokaikono. “Aguto kig Gooti toolluro mido mollomwalodowodo tovino nuu adadomgu'aro ikuduuwallumonyudukono? Aki buro'nyo togai yovekuraikudumonyudukono?”


Jisasol aki aiko te aro kuudokaikono. “Aguto kig Gooti toolluro mido mollomwalodowodo tov buro'nyo to'busuko'mdukono?


Toro te kemoro ilaiyo mollodupudo su tov yasuwa'no miyodupudogaikikono. Toro kuvi kuruv kevu muudu'no nebal'no yogalo tovi wuu'no'mno kuuguudo sugudo su tovi kuudo me'no kuubweyopogaikikono. Toro kuubweyopo togada'ai Gooti toolluro ago muunyu i'muu aiyo yiunokuudo mujomwekovlaiyo'moneyokwe tovino kevu sogwollo to'no kinodupudogaikikono. Aki Gooti tool kemi ikullabiyo'moneyokwe noonyumwonyu sugudo yovrowosodowodo su tonyuno kevu kuudo noullo maullo miyau'dupudogaikikono. Toro kugaikul kuruv aro kuudo yau'dupudogaikikono. Oo Gooti tool kuvinono nonekullabwonoldeyo. Su toro kuudo yau'dupudo togaikulluno tov pasudo su tollovai kuvinono mollodupudogaikikono.


Kemoro aiyo tov kulako yere buuropiyodowodo tovi'aro sumo'nopogaikulmaiyo. Toro kuvi kuruv Gooti toolluro yogalo tovi'aro aiyo sumo'nopogaikikono. Yogalo su to'gwowi kaiyako mabuuropiyokweyokwono. Aki yogalo su tov a'mwo abolo tonyu aiyo yiunokuudo mujomwekovlaiyo'moneyokwe tov wiyodowodokwono. Gooti toolluro yogalo su tov yiunokuudo mujo'movla'mwalonokwono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ