Matyuu 13:16 - Gooti Toolluro Yogalokwono

¹⁶ Toro kuvi kuruv kevno'gwowi kemi sumdo togai Gooti toolluro tonyu me'no wonodupudo tovino tov kemoro poowokalago tokwe ilaiyo yodupudorekikono. Aki kemoro kaduko togai gamoro yogalo tovi me'no wuu'nodupudo tovino tov kemi poowokalago tokwe ilaiyo yodupudorekikono.

Matyuu 13:16 ပူးပေါင်းရင်းမြစ်များ

Matyuu 16:17

Toro kuudoka toollu Jisasol aro kuudokaikono. “Joona'wolluro kwolaiyo Saimoonoloo, gumoro anyudumodo su tovino kwako akavida'ai a'mwo pwol miyodogubwasokaikugono. Toro kuvi kuruv moro Nyunumiyago muunyu kai'muuda'ai toolno'gwowi gumoro sumdo tovi kuu'maiyo toru abomollolupto'nagubwemokaikugono. Toro tovino guu ilaiyo nokwo ibinekugono.

Joon 20:29

Toro kuudoka tovi Jisasol kuudokaikono. “Guu me'no anuwonmado tovino tov kuudo anubwemwakuno. Toro kuvi kuruv a'mwo abolo mi manuwonopi kuudo to'no anubwepi su tono'gwowi ilaiyo bwotonyo tov nuuwo'mwalonogano.” Kuudokaikono.

Kuurotokwe 26:18

Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.

2 Koorin 4:6

Kuudo neya jaullulo. Gooti tool aro me'no adokaikono. “Dugumwuulo tomuuda'ai bako tov imo'nono.” Toro adoka Gooti su tool nemoro poowokalago tonyu Jisas Kraisolluro bako tov me'no anekuuwokaikono. Gooti toolluro bako bwotonyo su tov Jisas Kraisolluro sumdomago tovi'aro nevu me'no wonoma'dowadonogano. Toro te bako su tov nemoro poowokalago tonyu anakuuto tomuu me'no pwopiyodowodokwono.