Matyuu 12:4 - Gooti Toolluro Yogalokwono

⁴ A'mwo su tool Gooti toollu ilomoropiyo'moneyokwe ago tovi kuulno sumaiyokwe bret pun Gooti toollu me'no kwingiko tonyu maro'no gamoro uumjunyokwe toorogai amanoporogano. Bret su ton yiuno pris toorono nyo'moneyokwe tovi Deviteke tooro amanopo tovino tov loowo tovi kisuvolo kwiyoporogano.” Kuudokaikono.

Matyuu 12:4 ပူးပေါင်းရင်းမြစ်များ

Mollurolovomato 25:30

“Noluuleyo su toro sokwollosubi tovi muunyu toru bret tov julosogaulo. Bret su tov nuu kevuge mwalodumdo tovino duuwallo'mokwono. Toro tovi wosopi yiuwi'nokai toga moro mwalodumdo sumdollu toru'no neya wo'mwalonokwono.”

Matyuu 12:3

Toro mojurugolodopure toorai Jisasol aro kuudokaikono. “Kevu Gooti toolluro yogalo sakwollungiko tovida'ai kuuguudo akavi mwonodupudorekuldeyo? Deviteke'aro gami uumjunyokwe toorogai'aro tooro wosamujuko tovino mujuko'mo sopo toga Devitolluro soka tovino kuuguudo su tovi mwonodupudorekuldukono?

Matyuu 12:5

Jisasol toro wuujuno sumaiyokwe aki aro kuudokaikono. “Moosesolluro loowo puruv aro sakwollungikokwono. Pris tooro Gooti toollu ilomoropiyo'moneyokwe ago tovi iruko Sabat tollugwoji womdo yodupudorogano. Toro tooro Sabat loowo tovi kisuvolo wiyodupudorogano. Toro yodupudo kworo kuruv ma'no ma'no miyokwerogano. Su toro sakwollungiko tovi kevu mwonodupudorekuldukono?

Kuuguudo Sugudo akav Makolluro sakwollokakwono Mak 2:26

Toro tool Abiyatarol pris aguto mwaloduke toga Gooti toollu ilomoropiyo'moneyokwe sel ago tovi kuula'no bret pun Gooti toollu me'no kwingiko ton maro'no amanokaikono. Bret su ton yiuno pris toorono nyo'moneyokwe tovi amanokaikono. Toro tool pun gami uumjunyokwe kworai kuruv kuumallokaikono.” Kuudokaikono.

Luuk 6:4

Aiyoga Devitol Gooti toollu ilomoropiyo'moneyokwe sel ago tovi kuulno sumaiyokwe bret pun Gooti toollu me'no kwingiko ton maro'no amanokaikono. Bret su ton yiuno pris toorono nonyo'moneyokwe tovi amanokaikono. Toro manyuno sumaiyokwe pun gami uumjunyokwe kworai kuruv kuumallokaikono.” Kuudokaikono.

Hibruu 9:2

Kuudo neya jaullulo. Nemi nellukweyago tooro sel ago su tov sovrowosajupokwono. Sel ago su tovi anakuuto tomuu muudu'no adovarojungiko toru gworeko gudupolallo'moneyokwe tokwe'aro noluuleyo purukwe'aro toval kwollajulorukono. Noluuleyo su tovi muunyu toru bret pun Gooti toollu me'no kwingiko ton sulosajupokwono. Toro te muudu'no adovarojungiko su towai'no yovo tov, Gooti Toolluro Pwekwaptovo, dodupudorukono.