Matyuu 12:14 - Gooti Toolluro Yogalokwono

¹⁴ Jisasol toro sukuloka kuvi kuruv Farasi toorono'gwowi bolokwo'mno su'bwo'noporogano. Toro i'bwo'nyuno sumaveyokwe Jisasollu adadomgu'aro yoromiyosanoldukoneyokwe tovino adovi'mwojosoporogano.

Matyuu 12:14 ပူးပေါင်းရင်းမြစ်များ

Matyuu 26:4

Toro toolluro ago tovi i'bwo'nyuno sumaveyokwe Jisasollu romiyoso'mo winodopure tooro adadomgu'aro youkuu'nogalomworarowa'ji romiyosanoldukoneyokwe tovino soureya'mgonoporogano.

Matyuu 27:1

Toruda'ai lomwo iru'mago toga pris mido mollomwalokwe toorogai'aro Juu tooravuro mido mollomwalokwe toorogai'aro yiuwi'nokai su tooro yajuno'mno Jisasol neya aboloneyokwe tovino'mo adomdukuurosoporogano.

Kuuguudo Sugudo akav Makolluro sakwollokakwono Mak 14:1

Toruda'ai pris mido mollomwalokwe toorogai'aro loowo tovino pi'mwo kuudokwe toorogai'aro tooro Jisasollu romiyoso'mo kwinyajuporogano. Toro tooro adadomgu'aro youkuu'nogalomworarowa'ji romiyosanoldukoneyokwe tovino soureya'mgonoporogano. Toro youreya'mgonodopure toga lubullu doto puruval yanyo'mo iruko tov wobo togakono. Lubullu doto su tovalluro puruv Muunyu Toru'aro Surukuruwolovoka lubullu doto tokwono. Puruv Bret Mamunopingiko tovi yanyo'mo lubullu doto tokwono. Toro toval iruko pullalno me'no uuwolo'nowo'ji toga bai'mo'bullunovakono.

Kuuguudo Sugudo akav Makolluro sakwollokakwono Mak 3:6

Toro te Farasi tooro bolokwo'mno Herootolluro toorogai kuullu'bwo'nomwalo'mno Jisasollu adadomgu'aro yoromiyosanoldukoneyokwe tovino adovi'mwojosoporogano.

Luuk 22:2

Toro te lubullu doto su tovi yanodopure toga pris mido mollomwalokwe toorogai'aro loowo tovino pi'mwo kuudokwe toorogai'aro tooro Jisasollu romiyoso'mo kwinoporogano. Toro tooro aro sajunoporogano. “Nevu adadomgu'aro romiyosanoldukono?” A'mwo su tooro luko yo'mno toro sajunoporogano. Aro tovino luko soporogano. Oo kwolallo lubullu doto tovi yanodupudo ton molo nonekullupiyo. Toro tovino luko soporogano.

Luuk 6:11

Jisasol a'mwo tekwoji su toro sukuloka tovino Farasi toorogai'aro a'mwo loowo tovino pi'mwo kuudokwe toorogai'aro tooro surodo bwotonyo kuunoporogano. Toro tooro Jisasollu kaiyako igollo'mo tovino sajunoporogano.

Joon 10:31

Jisasol toro kuudoka toga Juu a'mwo abolo su ton Jisasollu romiyoso'moneyokwe sulo pworo aluvomaropogano.

Joon 10:39

Jisasol toro wuujuno sumaiyokwe toga a'mwo abolo ton Jisasollu aki aiko te galomworallo'mo sopo kuvi kuruv Jisasolno'gwowi irukuruwolovo'no kuugollu'movokaikono.

Joon 11:53

Su toro togada'ai Juu mido mollomwalokwe tooro Jisasollu adadomgu'aro yoromiyosanoldukoneyokwe tovino adovi'mwojosajuporogano.

Joon 11:57

Aki su toro toga pris mido mollomwalokwe toorogai'aro Farasi toorogai'aro toorono'gwowi a'mwo abolo tonyu guureji aro aduuwiyoporogano. “A'mwo pweku Jisasollu so'mgonoma'bi tov nevu a'mwo su toollu galomworarano'moneyokwe yere neya donekudono.” Aduuwiyoporogano.

Joon 5:18

Sumdomgu Juu tooro Jisasollu romiyoso'mo me'no kwinyajuporogano. Toro tooro Jisasolluro yogalo tovi wuu'no'mno aro kuudo sauroporogano. A'mwo su tool iruko Sabat tollugwojuno loowo duulluku'dowodo tovi kisuvolo yodowodekono. Aki tokwe'aro Gooti toolluno aro dodowodekono. “Mi Nyunumiyagekono.” Su toro dodowodo tov aro anekuduuwalladopiyo. Nuu Gooti toolbusuko aval'no imo'nodumdonyugono. Anekuduuwalladopiyo. Kuudo sauroporogano. Toro tovino tov Jisasolluro kuudoka toga'no'gwowi gami noromiyoso'mo muunyu toru'aro guureji kwinoporogano.

Joon 7:30

Toro moruujuno sumaiyokwe a'mwo aguto tooro Jisasollu galomworallo'mo puuto tovino a'mgono sajuporogano. Toro kuvi kuruv gami wimo'nyo'mo kuunodo toga yere mabai'mo'mduke tovino tov a'mwo su tooro yere magalomworallajupekono. Aki Jisasollu nogalomworallo'moneyokwe a'mwo pwolnodo kwol kuruv ato tokwe yere muubogai'nyajukekono.

Joon 7:32

A'mwo abolo bwotonyago su ton bweyogalo bomjojunugoulodopure tovi Farasi tooro wuu'nyuno sumaveyokwe Jisasollu nogalomworallo'mo kuudo sauroporogano. Toro te Farasi toorogai'aro pris mido mollomwalokwe toorogai'aro tooro Jisasollu galomworallo'moneyokwe a'mwo mollurogudo pworai amorapiyoporogano.

Joon 7:44

A'mwo abolo su tonyuda'ai pworo Jisasollu wuulo galeromworallo'mo kwinoporogano. Toro kworo kuruv a'mwo su tooraida'ai pwolnodo kwol kuruv kemi ato tokwe Jisasollu ku'nono mamogaleromworaropekono.

Joon 8:59

Jisasol toro kuudoka toollu Juu tooro noromiyoso'moneyokwe sulo pworo aluvomaroporogano. Toro kuvi kuruv Jisasolno'gwowi a'mwo su toorai irukuruwoleyo'moneyokwe sumagwo'nokaikono. Toro imagwo'nyuno sumaiyokwe Jeruusalemda'ai Gooti toollu ilomoropiyo'moneyokwe ago tovuro agwapto tovi kwa'mgu tomuuno abolokwokaikono.