Matyuu 11:7 - Gooti Toolluro Yogalokwono

⁷ Joonolluro uumjunyokwe tooro me'no wuugollu'mo'mno sumaveyokwe Jisasol a'mwo abolo kwolallo abi'bwo'nopo su tonyu Joonolluno aro kuudokaikono. “Kevu kuudo pun jaullulo. Kevu a'mwomaiyo kwako yalukullo toru'no avlaiyajupo togaikul burowo'nyo tovi wonpino'moneyokwe avlaiyajupogaikuldeyo? Bevrapto puvi dolo tov mogalolobeyosoduke tovi wonyo'mo avlaiyajupogaikuldukono?

Matyuu 11:7 ပူးပေါင်းရင်းမြစ်များ

Matyuu 11:8

Aki kevu a'mwo youro sugumaluko yesodowo'jure pwollu wonyo'moneyokwe avlaiyajupogaikuldukono? Awiyo. Kevu kuudo neya jaullulo. A'mwo youro sugumaluko yesodupudo su tooro a'mwo aguto kig tooravuro ago tonyu anakuuto tomuu kuulomwalodupudorogano.

Matyuu 12:20

Aki toro tool a'mwo abolo tonyu kooti yogalo idopto'nodo tokwe yere maduuwiyodowo'jure toga a'mwo abolo tonyu aro to'busuko igolmwalonekono. Su tool a'mwo abolo bevrapto to'busuko wollainyo imo'nodupudo tobuurai kavo uubemwojumwalonekono. Aki a'mwo abolo pun gworeko nebuulopiyo'mo to'busuko imo'nodopure tobuurai ilaiyo to'no igolmwalonekono. Toro igolowo'ji aiyowo'mo toga gamoro kooti yogalo idopto'nodo tov yiuwi'nokai noonyumwonyu tonyu nuuwolowonokwono.

Matyuu 21:25

Toro wuujuno sumaiyokwe aro kuudoganokaikono. “Joonolluro wonyo agaluvollajuko su tov muunyu akai'muuda'aiyo'mdukono oo a'mwo tooraida'aiyo'mdukono? Kevu donyujulo.” Kuudoganokaikono. Toro kuudoganoka tovi kevnokwe tooro aro sajunoporogano. “Nevu, Muunyu kai'muuda'aiyokwono, kuuda'ji tov nekudonekono. Kevu buro'nyo'mo kuudo muubweyajuporekuldeyo? Nonekudonekono.

Matyuu 3:5

Toro te a'mwo abolo Jeruusalemda'ai togai'aro Juudiyada'ai togai'aro yiuwi'nokai wonyo Joodanovi wobo toru mwalodupudo togai'aro ton Joonollu wonyo'moneyokwe abiyajupogano.

Luuk 8:18

Toro te kevu po'dogalo neya duu'nyulo. A'mwo pwol kavlo tovino kuudo souromaro'ji toollu Gooti tool kuudo pugai'aro nuuwiyonekono. Toro kuvi kuruv a'mwo pwol moro yogalo tovi muu'nyubusuko yowo'ji kavlo tovino kuudo miyouromaro'ji toolluno'gwowi gamoro kuudo pwekwono uubweyodowo'jure su tobuurai Gooti tool nomodukwopiyonekono.”

Joon 1:38

Toro uumjunodole toorallu Jisasol gunyubworoono'no aro kuudoganokaikono. “Kevu buro'nyo tovino jo'mgonomolladokuulo?” Kuudoganokaikono. Toro kuudoganoka tovi a'mwo su tooral aro kuudolorakono. “Rabaiyoloo, guu gadomuu mwalodumdekudeyo?” Yogalo, Rabaiyolo, tovino kavlo tov Ibwasokweyolo'mokwono.

Joon 5:35

Joonol gworeko bako pwopiyodowodo to'busuko sumo'nyajukekono. Toro toolluro bako awopiyajuko tovi akuuto toru kevu mwalodupu yiuno kula'nyo toga'gwono ilaiyo sajupogaikikono.

Efesos 4:14

Nevu su toro tomgu'aro sogullumovlawa'ji tov kwoloraiyo tobuurobusuko mimo'nanonogano. Aki toro tonol kwoloraiyo tobuuravuro yodupudo to'busuko kubalno aro nyumwala'jo. Ibwasokwe pworo bopi nemi yojelukuulovonekumallo'mo tooro kuuguudo judo pumgu'aro'mdeyo oo kuunano yogalo'mdeyo youkuu'nanekudodopure tonyu kaduko nuuwimwala'jo. Punol kaduko kwiya'ji tov dolo tokwe'aro wonyo tokwe'aro toval boot tovi manyu tomuuno molobemokwodubulo to'busuko kubalno nonekullumo'no'jo.

Jems 1:6

Kevu Gooti toollu subusu'nyogalo wuudoganyo'moneyokwe tovino kuudo noullo maullo nyau'mwalpiyo. Toro kuvi kuruv kevu yiuno Gooti toolluno kuudo uubweyopi subusu'nyogalo neya duudoganogaulo. Pweku kuudo noullo maullo sau'bi su tookuno'gwowi soolwara tovuro luwagu luwaguto to'busuko imo'nubinekugono. Toro tookuji dolo to'busuko molobeyogumokwowo'ji aki yaudo yaudo inuuguumwalbinekugono.