Matyuu 11:3 - Gooti Toolluro Yogalokwono

³ Toro amodopiyaboka su tooro bino sumaveyokwe Jisasollu aro kuudoganoporogano. “Gooti toolluro nekullo'mwojo'moneyokwe ajesoka Krais toolluno sogwollo kinodowado su tool guu kwekudukono? Oo a'mwo pwolluno sogwollo kuuno kinmwalanonoldukono?” Kuudoganoporogano.

Matyuu 11:3 ပူးပေါင်းရင်းမြစ်များ

Muuduko 12:3

Toro agubwemi toga a'mwo pwol gumi kaiyako agujo'ji toollu nuu kaiyako nyugolmekono. Toro kuvi kuruv a'mwo pwol gumi ilaiyo amagujo'ji toolluno'gwowi nuu sugudo nuubwemekono. Toro te sugudo agubwemo akav yiuwi'nokai a'mwo abolo kwako akavi gomno gomno amwakopo kunyudaiyo'mo agubwemono.” Kuudokaikono.

Muuduko 3:15

Aki toro tooku abolo tovi ikomago wimo'numwalbinekugono. Aki abolo tov gumi ikomago gujumo'numwalonokwono. Aki gumida'ai sumo'nugelabupi kworo kuruv abolo tovuro kwolaiyo toorai ikomago wimo'nupinorogano. Toro yopi puga abolo tovuro kwikweyago kwolaiyo pwol imo'nonekono. Toro toolluro suvlo wuuduwago tovi tuko dowa'do'bure kwekuji kuruv kwolaiyo su tool gumoro mido tovi gurojagubweyonekugono. Su toro tabunyuwuulo tov agubwemono.” Gooti Yawel gabakuto toollu toro kuudokaikono.

Aisaiya 7:14

Toro te Gooti Yawel gavnokwe tool aro ikuduuwallodowo'jure tovi wonpinogaikikono. Abolo sujuraiyo puruv a'mwo pweke sumwonyo miyodubulo tov kwolaiyo sumwoluko imo'nonokwono. Toro imo'nowo'ji kwolaiyo somaro'ji toolluno yovo tov Imanyuuwelolo mullowaronokwono.

Maika 5:2

Gooti Yawel aro adokaikono. “Juuda towai wagwolago bwotonyo ton wo'dupudorukono. Toro kuvi kuruv wagwolago puru'gwowi ajumiyo Efrata towai wo'dowodo tovino yovo tov Betelemovokwono. Wagwolago su tov kula'nyo kuvi kuruv yovo agutokwe imo'nonokwono. Toro tov aro tovinokwono. Isuraiyolda'ai tonyu mido mollomwallo'moneyokwe a'mwo aguto pwol wagwolago su to kuvida'ai bwonekono. A'mwo su tool toro bwono kuvi kuruv Ganumiyago toolno'gwowi wagwolago su toruda'aiyolmaiyo. Toro kwol kuruv aiyoga kuunodo togasuro amjomwekobiyajukekono. Toro te a'mwo aguto imo'nono su tool aiyogasuro amjomwekobiyajuko su to kwollurekono.”

Sekoraiya 9:9

Gooti Yawel aro adokaikono. “Oo Saiyoonda'ai togaikul ilaiyo bwotonyo yopi kemi wagwolago Jeruusalem towaida'ai ilaiyo deko dodelowo'nallulo. Kemi aguto kig abadopiko toollu denomallulo. Toro tool gami molo wiyodupudo toorai uuwolo'mdowo yovo agutokweyekono. Toro kwol kuruv gavnokweyol ilomoropunyu miyokwekono. Toro tool yovomaiyokwe pwolbusuko doonki muugunyo pwollu muunyu toru ilomwalodowo abadopiko toollu denomallulo.” Adokaikono.

Matyuu 11:10

Toro te proofet su toolluno aiyoga Gooti toolluro yogalo puruv aro sakwollungikokwono. “Duu'nono. Nuvu moro a'mwo modomollokwe pwollu morapiyo'mi gumi sumdomgu wanonekono. Toro tool wanowo'ji guvu a'mwo abolo tonyu wuuru'mallo'moneyokwe puuto tovi yovo'dogalagubweyonekono.” Toro sakwollungikokwono.

Matyuu 11:4

Toro kuudoganopo toorai Jisasol aro kuudokaikono. “Kevu Joonollomno aikomgu plavopi yiuwi'nokai kuu'numwakopo togai'aro aki sumdo amuugona'mwakopo togai'aro tonyuno neya duujulo.

Matyuu 21:5

“Wagwolago Jeruusalemda'ai tonyu duujulo. Kemi aguto kig abadopiko toollu denomallulo. Su tool gavnokweyol bwolomoropinyokwekono. Aki yovomaiyokwe pwolbusuko imo'nyokwekono. Toro tool doonki taiyo puvi muunyu toru sulomwallo. Toro toollu kemi aguto kig muunyu toru ilomwalodowo abadopiko su toollu denomallulo.” Sakwollungikokwono.

Matyuu 21:9

Toro lobiyosuno sumaveyokwe Jisasol puuto tovi nouloduke toga a'mwo abolo pun sumdomgu aki pun lukomgu deko aro aduumjunopogano. “Anekullo'mwojonoo, aguto kig Devitolluro muugunyo tool ilaiyekonoo! Gooti toolluro sugumaluko to'no kwosungiko akallu amonekwopiyabokaikono. Toro tool Aguto toolluro yovo tovida'ai abumokaikono. Ilaiyokwono, muunyu kai'muuda'ai tool anekullo'mwojonoo!” Jisasollu ilaiyo mollomallo'mo ton toro aduumjunopogano.

Kuuguudo Sugudo akav Makolluro sakwollokakwono Mak 11:9

Toro ino sumaveyokwe Jisasol puuto tovi nouloduke toollu pun sumdomgu pun lukomgu deko aro aduumjunopogano. “Anekullo'mwojonoo, ilaiyokwono. Gooti toolluro sugumaluko to'no kwosungiko akallu amonekwopiyabokaikono. Toro tool Aguto toolluro yovo tovida'ai abumokaikono. Ilaiyokwono.

Luuk 19:38

Toro ton aro aduumjunopogano. “Ilaiyokwono! Gooti toolluro sugumaluko to'no kwosungiko akallu amonekwopiyamokaikono. Aguto kig su tool Aguto toolluro yovo tovida'ai abumokaikono. Toro tool nevu sumwoluko kavo wosunyo'moneyokwe tovino Gooti toolluro ago muunyu kai'muuda'ai abadopiyo. Aki Gooti toolluno yovo tovi muunyu toru'aro ilomoropiyowanoo!” Aduumjunopogano.

Joon 11:27

Toro kuudoganoka toga Martav aro kuudokakwono. “Agutoloo, nebalokwono. Nuvu gumino kuudo agubwemono. Guu Gooti toolluro Kwolaiyekugono. Aki Gooti toolluro nekullo'mwojo'moneyokwe ajesoka Krais toolluno, “kwako akavi nobwonekono,” dodupudo tool guu kwekugono.” Kuudokakwono.

Joon 12:13

Su toro tovi wuu'nyuno sumaveyokwe wonoweyo pilo pun do'movomworaro'mno Jisasol puuto tovi kuulaboduke toollu wuuru'mallo'moneyokwe abolokwopogano. Toro bolokwino sumaveyokwe guureji aro amoderomaropogano. “Anekullo'mwojonoo! Ilaiyokwono. Gooti toolluro sugumaluko to'no kwosungiko akallu amonekwopiyabokaikono. Toro tool Aguto toolluro yovo tovida'ai abumokaikono. Isuraiyol tonolluro a'mwo aguto kig su toolluno ilomoropiyowanoo!” Amoderomaropogano.

Joon 16:14

Aki Gooti toolluro Kuullo su tool moro wiyodo'mure tonyu marowo'ji kemi ikullamwalonekono. Toro aikullabwo'ji tovi'aro mino yovo tov muunyu toru'aro ilomonuwopiyawonekono.

Joon 4:21

Toro kuudoganoka tovi Jisasol kuudokaikono. “Abolo tobuuku aro tovino kuudo neya donubweyono. Lukomguno'gwowi aro nobai'mowonokwono. Nemi Nellunumiyago toollu ilomodomoropiyo'moneyokwe tov kevu a'mwo abolo togaikul muumuudo akamuudeyo oo wagwolago Jeruusalem'deyo tomuu milomodomoropimwolapinogaikikono. Toro kugaikul kuruv yiuwi'nokai tomuuno'gwowi nyulomodomoropimwolapinogaikikono.

Joon 6:14

Toro te a'mwo abolo kwolallo su ton Jisasolluro duuwallo jurogudo kuuduuwalloka su tovi wonyuno sumaveyokwe aro adopogano. “Oo Proofet pwol kwako akavi bwonekono, dodupudo tool akal kwekono.” Adopogano.

Joon 7:31

Jeruusalemda'ai Gooti toollu ilomoropiyo'moneyokwe ago tovuro agwapto toru kwolallo abi'bwo'nopo su tonyuda'ai a'mwo abolo bwotonyago ton aro sajunopogano. “Krais tool abwo'ji toga gamoro duuwallo jurogudo pun nekuduuwallonekono. Toro anekuduuwallo'ji su ton a'mwo akalluro duuwallo jurogudo bwotonyago tonyu nokwo uuwolopinodukono? Awiyo, ku'nono muuwolopinogano.” Su toro yajunyuno sumaveyokwe Jisasolluno tov, Krais tooldeyo, kuudo kuubweyopogano.

Hibruu 10:37

Gooti toolluro yogalo puruv aro sakwollungikokwono. “Gooti toolluro aikomgu wolomonekwopiyabwono tool manyu toga sogwollo mainonekono. Toro kwol kuruv wobo toga nobai'mowonekono.