Matyuu 10:27 - Gooti Toolluro Yogalokwono

²⁷ Kevu dugumdo tomuu mwalodopure toorekullu nuu yogalo aikudumi tokwe momworaropi kevno'gwowi bako tovi kuu'maiyo toru'no neya domoruudogaulo. Aki nuvu kemoro kaduko tovi bweyogalo aikudumi kuvi kuruv kevno'gwowi wuu'nopi kemi ago tovi muunyu toru ilodavopi kuu'maiyo toru'no neya domoruurodogaulo.

Matyuu 10:27 ပူးပေါင်းရင်းမြစ်များ

Matyuu 24:17

Aki a'mwo pwol ago puvi muunyu tomuu aluulowosungiko towai sulomwalodo'ji tool kirovanyuvanyu kuumwiyo su toolluno kuu'no'ji toga aki aiko te wolabowo'ji ago tovi gami kuto ivito ton kuullomallo'mo kuudo nyauro'jo. Toro kwol kuruv yiuno lukado to'no neya avlawono.

Luuk 12:3

Toro tovino tov kevu dugumdo tomuuda'ai kuuguudo pworo aluvomollupi tov a'mwo abolo pun bako tovi kuu'maiyo toru'no nekuu'nupinokwono. Aki kevu pugaikul ago puvi yiulo adovarojungiko tomuuda'ai bweyogalo adupi kunyu kuruv a'mwo abolo pun kemi ago tovi muunyu ajulmdo toru ilodavopi nomoruudupinokwono.” Kuudokaikono.

Luuk 8:10

Toro abuudoganopo toorai Jisasol aro kuudokaikono. “Aguto kig Gooti toolluro mido mollomwalodowodo tovino kavlo tov yiulo apuu'naso. Kavlo su tovino nuu yodekubwasodumdo tov kevu me'no youroma'dupudorekikono. Toro kuvi kuruv a'mwo pworono'gwowi kavlo su tovino nyouromapiyokwe yiuno yovekurajo to'no yodubwasodumdonyugono. Su tov aro tovino'mokwono. Su tooro wonyuno wonyuno yopi kworo kuruv mwonyubusuko to'no yopi kavlo tovino miyouromapinorogano. Aki wuu'nyuno wuu'nyuno yopi kworo kuruv muu'nyubusuko to'no yopi kavlo tovino miyouromapinorogano.”

Joon 16:1

“Moro yiuwi'nokai kuuguudo me'no aikudumwako su ton kevu mino kuudo nubweyodupudo tovida'ai nobwolorapiyokwe tovino'mokwono.

Joon 16:13

Toro kuvi kuruv Gooti toolluro yiuno nebal'no yogalo to'no jokweyo Kuullo su tool abwo'ji toga'no'gwowi moro yiuwi'nokai kuuguudo aikudadokwo su tonyuno kavlo ton kuu'maiyo toru nobomollolupto'naikubweyonekono. Aki Kuullo su tool lukomgu imo'nono tonyuno nekudonekono. Kuullo su tool gavnokweyolluro kuudo tovida'ai maikudonekono. Toro kwol kuruv yiuno moro Nyunumiyago toolluda'ai marowo'ji ikudumwalonekono.

Joon 16:25

Yogalo su ton yovekurajo tovi'aro aikudumonyugono. Toro kuvi kuruv wobo toga nuu yovekurajo tovi'aro miyodekubwasumwalmonyugono. Su toro toga nuvu moro Nyunumiyago toolluno yiuno kuu'maiyo toru yodekubwasumonyugono.

Joon 16:29

Jisasol toro kuudoka toga gamoro uumjunyokwe tooro kuudoporogano. “Mekono, aga'no'gwowi guu yovekurajo tovi'aro anekudumwakudekumaiyo. Toro kweku kuruv yiuno kuu'maiyo toru'no anekudumwakudekugono.

Kuurotokwe 17:17

Poolol toro dou'mwonyopino sumaiyokwe Juu tooravuro i'bwo'nyago tovi kuulodawo a'mwo Juu toorogai'aro aki a'mwo Juu tooravuro miyawosunodupudo kworogai'aro toorai kuuguudo sugudo tokwe sodubwasajukekono. Juu miyawosunodupudo su tooro Gooti toolluno me'no ilomoropiyodapudorogano. Aki toro tool yiuwi'nokai iruko toga maket toru'no pla'mdowo kuuguudo sugudo tokwe sodubwasajukekono. Toro yodubwasoduke tovi a'mwo abolo maket toru'no abiyajupo pun au'nallajupogano. Toro wuu'nyuno sumaveyokwe kavlo tov buro'nyo tovino'mdukoneyokwe yajuno'mno Pooleke kuuguudo adomwalopogano.

Kuurotokwe 5:20

“Kevu Gooti toollu ilomoropiyo'moneyokwe ago tovuro agwapto toru'no plavopi a'mwo abolo tonyu aiyo yiunokuudo mujomwekovlaiyo'moneyokwe tovino kuuguudo tov yiuno kuu'maiyo toru'no jodubwasulo.” Kuudokaikono.

Kuurotokwe 5:28

“Nevu aro me'no adaikumjukuroworekikono. “Kevu Jisasolluno miyodubwasumwalpinorekikono. Aki kwolluno yovo kuruv madumwalpinorekikono.” Toro me'no adaikumjukuruwo kworekul kuruv nemi manekuu'nyubusuko yodupu a'mwo abolo tonyu kuuno sodubwasadokwoporekikono. Aki toro toorekul Jisasolluro aboloka tovino nemino tov, Kworavuro tovasuda'ai aromiyosopekono. Sodubwasadokwoporekikono. Kuuguudo su toro sodubwasadokwopo tov bomje'nugoulno bomje'nugoulno yodawo yiuwi'nokai wagwolago Jeruusalemda'ai ton me'no kuu'nopiyadokwopokwono.” Kuudokaikono.

2 Koorin 3:12

Lukomgu Gooti toolluro bako bwotonyo su tov nemi yiunokuudo novanekwopiyono tovino sogwollo to'no kinodowadonogano. Toro novanekwopiyono tovino tov nevu kuuguudo sugudo tokwe moruujo'moneyokwe luko miyowa'ji kuu'maiyo toru neya amoruudogawano.