Matyuu 10:19 - Gooti Toolluro Yogalokwono

¹⁹ A'mwo aguto su tooravuro ato tovi kemi kooti yogalo adaikullupi toga kevu aro kuudo nyaupiyo. Oo nevu adado wuudanonoldukono oo buro'nyo yogalo tov wuudanonoldukono? Su toro kuudo nyaupiyo. Aro tovinokwono. Kemi kooti yogalo amekudapipi toga kemoro kuuguudo wuujo'moneyokwe tov Gooti tool nekullabwonekono.

Matyuu 10:19 ပူးပေါင်းရင်းမြစ်များ

Mollurolovomato 4:12

Toro tovino tov guu neya dovlavono. Guu avla'bi toga nuu gujo'mwojo'mi gumoro kuuguudo jo'mo tov nuvnokwenyuro yodogubwasodo'mure tovida'ai to'no nokwo wuudubinekugono.” Kuudokaikono.

Mollurolovomato 4:15

Toro toollu guu kuuguudo wuudodo'bure tovida'ai a'mwo abolo tonyu nokwo wuudonekono. Toro te yiuwi'nokai todorakulluro wuujo'mo tov nuu nekullo'mwojumonyugono. Aki kemoro nyubulluno ton nuu nyekubwasumonyugono.

Matyuu 10:18

Aki pworo a'mwo aguto gavona toorogai'aro a'mwo aguto kig toorogai'aro toorai kemi nome'nolopuurekumokaulapinorogano. Toro ame'nekumokaulapi toga kevu a'mwo aguto su toorogai'aro a'mwo abolo Juu miyawosunodupudo togai'aro su tonyu Gooti toolluro kuuguudo sugudo tovino kuu'maiyo toru nobomollolupto'nosupinorekikono.

Matyuu 6:25

“Toro tovino tov nuu aro ikudumo'mokwono. Kevu kemoro kulako tovuro aiyo yomwallo'moneyokwe tonyuno kuudo kwolallo nyourukwapimwalpiyo. Kevu kuudo kwolallo yourukwapiyopi aro adupi tov, Oo nuvu buro'nyo wosamujuko ton numwalmonyudukono? Aki buro'nyo wonyo ton numwalmonyudukono? Aki burowo'nyo youro tousogai moro kulako tovi mollosumwalmonyudukono? Kevu su toro tonyuno kuudo kwolallo nyourukwapimwalpiyo. Su tov aro tovinokwono. Gumoro kulako tovuro aiyo yomwalodowodo tov wosamujuko nonyo'mo tobuurai uuwolo'mdowodokwono. Aki gumoro kulako tov youro yeso'mo tobuurai uuwolo'mdowodokwono.

Matyuu 6:31

Toro tovino tov kevu kuudo kwolallo yourukwapiyopi yamuugojo aro ton nodumwalpiyo. Buro'nyo wosamujuko ton numwalanonoldukono? Oo buro'nyo wonyo ton numwalanonoldukono? Oo buro'nyo youro touso mollosumwalanonoldukono? Su toro tonyuno yamuugojo nodumwalpiyo.

Matyuu 6:34

Toro tovino tov kevu lukomgu supto ipino tonyuno kuudo kwolallo miyourukwapipinono. Lukomgu me'no abai'mowo'ji toga iruko su tollugwojuro tagunyo mokabodowo'jure tonyuno kuudo nyourukwapipinogaikikono. Su tov aro tovinokwono. Yiuwi'nokai iruko go'no go'nodo tollovo kemi tabunyuwuulo ton kurukwe mokabodupudogano. Toro te tagunyo yere mabai'mo'mdopure tonyuno kevu kuudo kwolallo miyourukwapipinono.”

Luuk 12:11

Toro te kemi lukomgu galekumworaropi Juu tooravuro i'bwo'nyago tovida'ai a'mwo mollomwalokwe toorogai'aro mido mollomwalokwe toorogai'aro a'mwo jurogudokwe toorogai'aro tooravuro ato tovi nomekwapipinorogano. Su toro amekwapipi toga kevu yogalo burowo'nyovo tov wuudanonoldukoneyokwe tovino kuudo kwolallo miyourukwapipinono.

Luuk 12:12

Su tov aro tovinokwono. Gooti toolluro Kuullo tool kemoro yogalo wuujo'moneyokwe kuunodo toga yekubwasodowo'jure tovi kevu nokwo wuudupinorekikono.”

Kuurotokwe 6:10

Toro abuudopo kworai kuruv Stivenol Gooti toolluro Kuullo toolluro pi'mwo kuudo uubweyoduke tovida'ai a'mwo su toorai yiuno pi'mwono kuujajukekono. Toro wuudoduke toga a'mwo su tooro kevnokweravuro kuudo tovida'ai Stivenolluro yogalo wuudoduke tovi ku'nono mabwolomorumwogapiyajuporogano.

Filipai 4:6

Aki buro'nyo buro'nyo tagunyodeyo aikullumo'no'ji kunyuno kuruv kevu jul'nyo nyubwosunmwalpiyo. Toro kuvi kuruv yiuwi'nokai toga subusu'nyogalo neya duudogaulo. Buro'nyo buro'nyodeyo ton ikullumo'nodowo'jure kuga kuruv kevu Gooti toollu, “Oo neya donekullo'mwojono,” subusu'nyogalo duudogaulo. Aki su toro kuudoganpi toga Gooti toollu, “Nenyoo,” neya duudumovlavogaulo.

2 Timooti 4:17

Toro kuvi kuruv Aguto toolno'gwowi numi sobanyo mollonyudavo'no jurogudo adanyumwojokaikono. Toro tovino tov nuu Gooti toolluro kuuguudo sugudo tokwe moruujuno sumoneyokwe yiuwi'nokai Juu tooravuro miyawosunodupudo ton me'no kuu'nopiyopokwono. Aki su toro toga a'mwo pworo me'no aromiyanubweyopujuko kuvi kuruv Aguto tool mi abomollurolovonumokalokwokaikono. Su tov aro to'busukokwono. Nuu laiyon pwolluro mago tovi me'no mwalodore toonyu Aguto tool agalouro'mwojonumarokanyugono.

Jems 1:5

Aki kemida'ai pweku pi'mwo kuudo tovino supto subi tov Gooti toollu pi'mwo kuudo pun agujabwoneyokwe tovino neya duudoganogawono. Toro kuudoganbi tookuji Gooti tool yogalo mamodagujurugolonekono. Nemi Gooti su tool yanyagekono. Toro toolluno tov pi'mwo kuudo tovino kuudoganbi su tookuji kuvinono nogujabwonekono.