Matyuu 1:23 - Gooti Toolluro Yogalokwono

²³ “Sujuraiyo puruv a'mwo pweke sumwonyo miyodo'bule kwolaiyo sumwoluko puruv imo'nonokwono. Kwolaiyo su toollu somaro'ji toga Imanyuuwelolo mullowaronekono. Yovo su tovino kavlo tov aro'mokwono. Gooti tool nevuge amwallo'mokwono.” Aguto toolluro proofet tool toro adokaikono.

Matyuu 1:23 ပူးပေါင်းရင်းမြစ်များ

Aisaiya 7:14

Toro te Gooti Yawel gavnokwe tool aro ikuduuwallodowo'jure tovi wonpinogaikikono. Abolo sujuraiyo puruv a'mwo pweke sumwonyo miyodubulo tov kwolaiyo sumwoluko imo'nonokwono. Toro imo'nowo'ji kwolaiyo somaro'ji toolluno yovo tov Imanyuuwelolo mullowaronokwono.

Matyuu 1:24

Toruda'ai Joosepol dukaino sumaiyokwe Aguto toolluro ensel tool gamoro kuudoka kuvinono kuumjunokaikono. Toro tool abolo su tovi amarokaikono.

Matyuu 28:20

Aki a'mwo abolo su ton moro yiuwi'nokai kuuguudo daikullodumdo ton kunyuda'aiyo'mogano. Toro te kevu moro yiuwi'nokai kuuguudo daikullodumdo su tonyu a'mwo abolo ton neya uumjunpino'moneyokwe jodubwasogaulo. Aki aro tovino kuudo nyallulo'gwonmwalpiyo. Nuvu yiuwi'nokai toga kevuge nomwalmwalanonyugono. Kevuge mwalno mwalno yo'mi aki kwako akavuro aiyowo'mo abai'mowo'ji kuga kuruv kevuge kuuno mujomwekovla'mwalanonyugono.” Kuudokaikono.

Luuk 20:44

Jisasol toro kuudokaikono. Toro wuujuno sumaiyokwe loowo tovino pi'mwo kuudokwe toorai aro kuudokaikono. “Devitol Krais toolluno, Agutoloo, adoka tov Aguto su tool Devitolluro jukweyago kwolaiyo tekwobusuko adadomgu'aro imo'nonoldukono?” Jisasol a'mwo su toorai duullukullo'moneyokwe yogalo su tov toro kuudokaikono.

Joon 1:14

Aki Yogalo su tool a'mwo kulakokwe sumo'nokaikono. Toro imo'nyuno sumaiyokwe nemi akuuto toru abwolomwalokaikono. Toro toollu Gooti toolluro yasuwa'wino sugumaluko tokwe'aro nebaikuuguudo tokwe'aro toval aiyowomno kuullo'mowopiyodowodekono. Aki toro tool Gooti Ganumiyago toolluro Kwolaiyo pwolnodo tookono. Toro toolluro jurogudo kuunodo tovi nevu me'no kwonowekono.

Kuurotokwe 18:9

Toruda'ai surakuuto pullugwoji Aguto tool Poolollu wojo iwo'nodupudo to'busuko puvi'aro abwiyalo'nokaikono. Toro bwiyalo'nyuno sumaiyokwe Aguto tool Poolollu aro kuudokaikono. “Guu kuuguudo sugudo tokwe moruudomollo'mo tovino luko nyumwalbiyo. Aki gumoro mago tov nobutowosumwalbiyo. Toro kweku kuruv kuuguudo sugudo su tokwe neya domoruudomollogawono.

Room 8:31

Gooti tool sugudo tono tono yanekullugolodowodekono. Toro tovino tov kuudo puruv aro neya yaurogawano. Ikomago pwol nemi kaiyako yanekullugollo'mo so'ji kuvi kuruv Gooti tool nemi mollonekuda'mdowodo tovino tov nevu ikomago nonagutokwe tonolbusuko imo'nanonogano.

Room 9:5

Aki Isuraiyolda'ai su ton kemi kwikweyago kuunodo Eburaiyameke Aisakeke Jekoopeke tooraida'ai imo'nugelabodupudogano. Aki Krais gavnokwe kwol kuruv kwako akavida'ai a'mwo pwolbusuko imo'nyo'moneyokwe tov Isuraiyolda'ai su tonyuro iko tovasuda'ai abwollumo'nokaikono. Krais su tool Gooti kuunodekono. Aki toro tool yiuwi'nokai tonyu mido aguto mollomwalodowodekono. Toro toolluno yovo tov yiuwi'nokai toga neya ilomoropimwolowanekono. Kuuguudo akav yiuno nebal'nodokwono.

2 Koorin 5:19

Toro anekubweyoka toonol aro moruudodowadonogano. “Oo Gooti tool yiuwi'nokai a'mwo abolo kwako akavi aiyowomno mwalodupudo togai momgurowosunyo'moneyokwe puuto tov Krais toolluro womdo sopiyoka tovi'aro me'no soulosokaikono. Su toro tovi'aro a'mwo abolo gavuge me'no amomgurowosungiko ton Gooti tool kemoro ma'no ma'nodo tonyuro kirumwallo tonyu nomodukwopiyonekono.” Moruudodowadonogano. Toro te Gooti tool a'mwo abolo tonyu gavuge momgurowosodowodo tovino kuuguudo tokwe moruudomollo'moneyokwe womdo tov nemi me'no anekubweyokakwono.

1 Timooti 3:16

Toro te nevu aro tovino kuudo noullo maullo miyau'dowadonogano. Gooti toolluro yiulo yogalo kuu'maiyo toru'no me'no bomollolupto'nosodowodo su tov aguto kuunodokwono. Yogalo su tov aro dodowodokwono. “Krais tool a'mwo kulako kuunodo tokwe imo'no'no a'mwo abolo tonyu kwiyalugunyajukekono. Toro toolluno Gooti toolluro Kuullo tool kuu'maiyo aro kuuduuwallajukekono. A'mwo akal Gooti toolluro sugudo to'nodekono. Kuuduuwallajukekono. Aki ensel pworo kwollu me'no kwonomaropekono. Aki gamoro womdokwe tooro yiuwi'nokai kantri tomuu kwolluno kuuguudo amodomollajuporogano. Su toro amodomollajupo toolluno yiuwi'nokai kwako akavida'ai a'mwo abolo pun kuudo kuubweyopekono. Aki toro toollu Gooti tool muunyu kai'muuno mokailno sumaiyokwe gamoro bako jurogudo tovi anakuuto tomuu aulomorumwallokaikono.” Yogalo aguto su tov toro dodowodokwono.

2 Timooti 4:17

Toro kuvi kuruv Aguto toolno'gwowi numi sobanyo mollonyudavo'no jurogudo adanyumwojokaikono. Toro tovino tov nuu Gooti toolluro kuuguudo sugudo tokwe moruujuno sumoneyokwe yiuwi'nokai Juu tooravuro miyawosunodupudo ton me'no kuu'nopiyopokwono. Aki su toro toga a'mwo pworo me'no aromiyanubweyopujuko kuvi kuruv Aguto tool mi abomollurolovonumokalokwokaikono. Su tov aro to'busukokwono. Nuu laiyon pwolluro mago tovi me'no mwalodore toonyu Aguto tool agalouro'mwojonumarokanyugono.

2 Timooti 4:22

Oo Aguto tool gumoro kuullo tekwoji nokwo mollogumwalmwalonekono. Gooti toolluro yasuwa'wino sugumaluko tov kemi nekwo'movla'mwalonokwono.