Luuk 9:41 - Gooti Toolluro Yogalokwono

⁴¹ Toro wuujuno sumaiyokwe Jisasol aro adokaikono. “Kevu agasuro togaikul Gooti toolluro jurogudo tovino kuudo muubwemwakopogaikikono. Nuu kevuge manyu toga me'no mujomwekovla'mdumdonyugono. Aki manyu toga kemoro jul'nyo toorai mollovo'dogalmelabodumdonyugono. Toro kuvi kuruv kevu kuudo po'dogalo miyau'mwakopogaikikono.” Jisasol toro wuujuno sumaiyokwe a'mwo toollu aro kuudokaikono. “Gumi kwolaiyo toollu donumokabono.” Kuudokaikono.

Luuk 9:41 ပူးပေါင်းရင်းမြစ်များ

Mollurolovomato 10:3

Toruda'ai Mooseseke Erooneke todoral Feroo toollu wuuru'ma'no sumaleyokwe aro kuudolorakono. “Nevu Hibruu tonolluro Gooti Yawel aro agudadopiyo. “Guu mi dolago tomuu mabwolomoropinodamdo tooku kisuvolo kuuno mujumovla'binekudukono? Awiyo. Toro kweku kuruv moro a'mwo abolo ton mi ilomonuwopiyo'moneyokwe pla'mdopure tonyu guu wonyapino neya jono.

Mollurolovomato 16:28

Aki Gooti Yawel Moosesollu aro kuudokaikono. “Kevu moro ibwaso togai'aro loowo togai'aro tonyu kisuvolo nyodupudo togaikul adoga numjunpinogaikuldeyo?

Jagillo 14:27

“Isuraiyolda'ai a'mwo abolo su tonyuro mebweyogalo mujonyudumabodupudo tovi me'no wuu'nodumdonyugono. Toro toonyu a'mwo abolo ma'no ma'no kuumwiyo su tonyuro mebweyogalo kuuno wuu'nugovlaiyo'mo manyunadopiyo.

Matyuu 11:28

Jisasol toro wuujuno sumaiyokwe toga aki a'mwo abolo tonyu aro kuudokaikono. “Kevu yiuwi'nokai womdo imo'na'dupu burawo yodupudo togaikike'aro tagunyo mollukwo'mdupudo togaikike'aro togaikul miyomno dobilo. Toro abupi togaikullu nuvu iruko mwalmwalpino'moneyokwe tov nekubwemonyugono.

Matyuu 12:39

Su toro kuudopo toorai Jisasol aro kuudokaikono. “Kevu agasuro amwakopo ma'no ma'nodokwe toorekul Gooti toollu muumjunodupudorekikono. Toro toorekul mino tov nebal'no kuunodoldukoneyokwe tovino ikuduuwallo'mo aikullunadopiko kuvi kuruv kevu duuwallo puvi mwonpinorekikono. Toro kworekul kuruv yiuno proofet Joona'wollu kwimo'noka to'busuko kubalno ikuduuwallodo'mure tovino to'no wonpinorekikono.

Matyuu 12:45

Toro wonowo'ji kuullo ma'no ma'nodo su tool 7-pela kuullo pworogai'aro toorai yo'mgonomallo'mo plawonekono. 7-pela kuullo su tooravuro kirovanyuvanyu pasudo tov sumdomguda'ai kuullo ma'no ma'nodo toolluro tovi uuwolo'mdupudorogano. Su toro toorai me'no yo'mgonomarowo'ji yiuwi'nokai kuullo ma'no ma'nodo tooro ago su tovi aval'no kuulomwalpinorogano. Toro te a'mwo su tekwo sumdomgu kuullo ma'no ma'nodo tool mwaloduke toga kaiya'no amwallajukekono. Toro kuvi kuruv lukomgu yiuwi'nokai kuullo ma'no ma'nodo su tooro aulomwalpi toga'no'gwowi a'mwo su tekwo sumdomguda'ai kaiya'no amwallajuko tovi uuwolowo'ji kaiya'no bwotonyo tov wimo'nugovla'mwalonekono. Su toro to'busuko kubalno yiuwi'nokai agasuro kirovanyuvanyokwe a'mwo abolo togaikul moro yogalo ikudodo'mure tonyu muu'nyubusuko to'no yodupudogaikikono. Toro tovino tov kaiya'no bwotonyo pun nekullumo'numwalonogaikikono.”

Matyuu 16:4

Kevu agasuro amwakopo ma'no ma'no kuumwiyo toorekul Gooti toollu muumjunodupu numino nebal'no kuunodoldeyokwe tovino duuwallo puruvi wonyo'mo aikullunadopiyo. Toro kuvi kuruv kevu duuwallo puvi mwonpinorekikono. Yiuno proofet Joona'wollu kwimo'noka kubalno imo'nodowo'jure tovino to'no wonmwalpinorekikono.” Jisasol toro wuujuno sumaiyokwe wuugollu'movo'no avlavokaikono.

Matyuu 17:17

Toro toollu Jisasol kuudokaikono. “Kevu agasuro akagaikul Gooti toolluro jurogudo tovino kuudo muubweyodupudogaikikono. Nuu kevuge manyu toga me'no mujomwekelabodumdonyugono. Aki manyu toga kemoro jul'nyo toorai mollovo'dogalmelabodumdonyugono. Toro kuvi kuruv kevu kuudo po'dogalo miyou'movla'mdupudogaikikono.” Toro wuujuno sumaiyokwe kuudokaikono. “Kwolaiyo toollu donumokabilo.” Kuudokaikono.

Matyuu 23:36

Toro te nuu nebal'no ikudumo'mokwono. Yiuwi'nokai kirumwallo'moneyokwe jul'nyo su ton kevu agasuro a'mwo abolo amwakopo togaikullu kuvinono nekullumo'nonokwono.” Jisasol toro kuudokaikono.

Matyuu 3:7

Toro galuvolloduke toga Farasi toorogai'aro Sajuusi toorogai'aro bwotonyago tooro wonyo uuvollunyo'moneyokwe Joonollomno aboporogano. Toro bodopure toorai Joonol wonyuno sumaiyokwe aro kuudokaikono. “Kevu a'mwo abolo tonyu kaiyako igolodupudo toorekulluno tov gabakuto yaunanyo toorobusukorekikono. Toro toorekulluno Gooti toolluro suroulo tov nobadopiyo. Toro abadopiko tovida'ai kevu irukuruwoleyo'mo tov ala'mwol, “Lukado dovlaiyulo,” aikudumokarekuldukono?

Kuuguudo Sugudo akav Makolluro sakwollokakwono Mak 10:14

Toro wuudodopure toga Jisasol gamoro uumjunyokwe toorai wono'no surodo'mo sokaikono. Toro toorai kuudokaikono. “Kwolaiyo taiyo numiyomno bodopure tonyu kevu uumjukuto mipinono. Nokwo wonyapino julo. Su tov aro tovino'mokwono. Aguto kig Gooti toolluro mido mollomwalodowodo tovi dolago tomuu kuulomwallo'mo tov a'mwo abolo ton yiuno kwoloraiyo akanbusuko sumo'nupi tono nokwo kuulomwalpinogano.

Kuuguudo Sugudo akav Makolluro sakwollokakwono Mak 10:49

Deko toro doduke toollu Jisasol wuu'no'no kuru kuuloda'mno sumaiyokwe a'mwo toorai kuudokaikono. “Domodopiyabilo.” Toro tooro a'mwo toollu kuudoporogano. “Jisasol gumino adoguma'mwallo. Toro tovino tov gumi poowokalago tov jurogudo nokwo imo'no'bi julodavono.”

Kuuguudo Sugudo akav Makolluro sakwollokakwono Mak 9:19

Toro kuudoka tovino Jisasol kuudokaikono. “Kevu agasuro a'mwo abolo togaikul Gooti toolluro jurogudo tovino kuudo muubwemwakopogaikikono. Nuu kevuge manyu toga me'no mujomwekovla'mdumdonyugono. Aki manyu toga kemoro jul'nyo toorai mollovo'dogalomwalodumdonyugono. Toro kuvi kuruv kevu kuudo po'dogalo miyou'movla'mdupudogaikikono.” Toro wuujuno sumaiyokwe kuudokaikono. “Kwolaiyo toollu donumokabilo.” Kuudokaikono.

Luuk 8:25

Toro duulluku'no sumaiyokwe gami uumjunyokwe toorai aro kuudokaikono. “Kevu mino kuudo yere manubwemwakovo.” Toro wuujuno sumaiyokwe gamoro uumjunyokwe tooro luko morumoukuropiyo'mno aro sajunoporogano. “Aiyoo, dole'manollo tokwe'aro wonyo tokwe'aro toval a'mwo akalluro yogalo duuwiyoduke tovi kuvinono kuumjunmalovakono. Toro te a'mwo judo pumgu'aro akal ala'mwoldukono?” Sajunoporogano.

Luuk 9:40

Toro te gumoro gumjunyokwe tooro kuullo ma'no ma'nodo toollu modovomjapipino'moneyokwe nuvu guureji kuudoganmorogano. Toro kworo kuruv ku'nono mamodovomjapimaporogano.” Kuudokaikono.

Luuk 9:42

Toro wuujuno sumaiyokwe kwolaiyo toollu amokabokaikono. Toro mokaboduke toga kuullo ma'no ma'nodo tool kwolaiyo su toollu mogalowiyemwogapino sumaiyokwe gulludubolo kwiyokaikono. Toro kwiyoka kuvi kuruv Jisasol kuullo ma'no ma'nodo toollu yogalo guureji aduuwiyokaikono. Toro duuwino sumaiyokwe kwolaiyo toollu sukulokaikono. Me'no ikulno sumaiyokwe kwolaiyo su toollu gami ganumiyago toolluro ato tovi aikomgu kuubweyokaikono.

Joon 14:9

Toro kuudoka tovi Jisasol kuudokaikono. “Filipoloo, nuvu guuge manyu toga me'no mwalodowolo kuvi kuruv guu numino kuudo po'dogalo miyouronuma'mwakudekugono. Neya duu'nono. A'mwo pwol mi anuwono'ji su tool moro Nyunumiyago kwollu kuruv me'no wonodowodekono. Toro te guu aro madubinono. “Oo gumi Junumiyago toollu donekuduuwallono.” Madubinono.

Joon 20:27

Toro wuujuno sumaiyokwe toga Toomasollu kuudokaikono. “Gumoro pollo tov akawai uubogai'no'bi aki moro ato tovida'ai imuulo kwosuko tovi doonono. Aki gumoro ato tov ruuguusapiyo'bi moro suumdo tovida'ai imuulo tovi doulopiyawono. Guu moro aduka'mo tovino kuudo noullo maullo miyau'binono. Toro kweku kuruv moro me'no aduka'mo su tovino kuudo neya duubweyono.” Kuudokaikono.

Kuurotokwe 13:18

Toro bomollurolovomokalokwino sumaiyokwe kwako a'mwomaiyo kuu'maiyo tomuu amollubworomokabiyajukekono. Toro mollubworomokaboduke ton Gooti toollu kisuvolo kwimovlaiyajupogano. 40-pela kworomo tobuullu toro wimovla'mdopure kuvi kuruv Gooti toolno'gwowi yiuno ilaiyo to'no amollomwallajukekono.

Kuurotokwe 2:40

Toro wuujuno sumaiyokwe aki kuuguudo go'no go'nodo pugai'aro kuudokaikono. Toro tool guureji aro amoruudokaikono. “Gooti tool agasuro a'mwo kirovanyuvanyu kuumwiyo toorai kirumwallono tov bwotonyokwono. Kirumwallo su tov kev kugaikul kuruv nomapiyokwe a'mwo kirovanyuvanyu kuumwiyo su tooraida'ai neya birolo'nugolokwilo.”

Room 2:4

Toro kuvi kuruv kevu neya duu'nyulo. Gooti sugudo ikubweyodowodo su tool yere nokwo amovaikugu'mwojowo'jujuko kwol kuruv kemi sogwollo to'no ikinodowodekono. Kevu kemi ma'no ma'nodo tonyuno buulo uugunyumopiyopi Gooti toollomno neya youragunyumo'nupureyokwe sogwollo to'no ikinodowodekono. Gooti tool kemi ilaiyo yaikullugolodowodo tovida'ai toro ikinodowodekono. Toro te kevu Gooti toolluro su toro ikullodowodo tovino kuudo yau'dupudorekuldukono?

Hibruu 3:19

Toro te nevu aro kuudo souroma'mwakuuwono. Oo a'mwo abolo su ton Gooti toolluno kuudo muubweyajupo tovino tov gamoro iruko mwallo'moneyokwe toru maulapodeyo. Kuudo souroma'mwakuuwono.

Hibruu 4:11

Toro te nevu iruko mwallo'moneyokwe su toru kuvinono kuullo'moneyokwe tov guureji neya yogawano. Nevu Isuraiyolda'ai a'mwo abolo tonbusuko nobwolorowa'jokwe tovino tov nevu Gooti toollu kisuvolo nuuwimwala'jo.

Hibruu 4:2

Neya duu'nyulo. Gooti toolluro kuuguudo sugudo tov aiyoga Isuraiyolda'ai a'mwo abolo tonyu kuu'maiyo toru amoruujajupokwono. Kuuguudo sugudo su tov Gooti toolluro iruko mujomwekovlaiyo'moneyokwe tov kurukwono. Aki kuuguudo sugudo avalo su tov nemi me'no amodonekumollopokwono. Toro kuvi kuruv aiyoga Isuraiyolda'ai a'mwo abolo ton kuuguudo sugudo su tovino Joosuuwaike Kelepeke tooral kuudo kuubweyajulo tooralbusuko kuudo muubweyajupogano. Toro tovino tov kuuguudo sugudo su tov a'mwo abolo tonyu ku'nono mwiyo'mwojajukokwono.

Hibruu 7:25

Toro tovino tov yiuwi'nokai a'mwo abolo Jisasollu'aro Gooti toollu wobo toru kuulluru'mallo'mo kwinpi tonyu kuvinono nuuwiyo'mwojumwalonekono. Toro kwiyo'mwojo'ji tonyu Jisasol kemoro ma'no ma'nodo tovuro kirumwallo tovida'ai yiunokuudo nobomollurolovomokalokwonekono. Aki aiyo yiunokuudo mujomwekovla'mdowodekono. Toro toolluno tov a'mwo abolo su tonyu wiyo'mwojumovla'mwalono'moneyokwe tovino yiuwi'nokai toga Gooti toollu subusu'nyogalo wuudodowodekono.