Luuk 9:28 - Gooti Toolluro Yogalokwono

²⁸ Toruda'ai 8-pela iruko tobuul me'no abawoka toga Jisasol subusu'nyogalo jo'moneyokwe muumuudo pwollu muunyu tomuuno sulokaikono. Toro suloka toga yiuno Pitaike Jemseke Jooneke toorai momwora'no sumaiyokwe muumuudo su toollomno amokailokaikono. Toro mokailno sumaiyokwe subusu'nyogalo ajajukekono.

Luuk 9:28 ပူးပေါင်းရင်းမြစ်များ

Matyuu 14:23

Jisasol a'mwo kwolallo tonyu me'no modapino sumaiyokwe judo tool subusu'nyogalo wuujo'moneyokwe muumuudo puwai'no sulokaikono. Yiuno Jisasolno muumuudo toollu muunyu toru mwaloduke toga surakuuto ajunokakwono.

Matyuu 5:1

Toruda'ai Jisasol a'mwo abolo kwolallo bwotonyago ton bi'bwo'nodopure tonyu kwonokaikono. Toro wonyuno sumaiyokwe muumuudo kula'nyo pwollu ila'no kwako tovi kwolomwalokaikono. Toro wolomwaloduke toollomno gami uumjunyokwe tooro bo'mno abwolomwekwoporogano.

Kuuguudo Sugudo akav Makolluro sakwollokakwono Mak 1:35

Toruda'ai lomwo iru'mago kuujo tool milopiyaboduke toga Jisasol dukavo'no ago toru wuugollu'mo'mno sumaiyokwe a'mwomaiyo pumuuno avlavokaikono. Plaino sumaiyokwe subusu'nyogalo adokaikono.

Kuuguudo Sugudo akav Makolluro sakwollokakwono Mak 6:46

Jisasol kwolallo tonyu aro amodapiyokaikono. “Donuwanyuloo.” Toro modapino sumaiyokwe subusu'nyogalo wuujo'mo tool muumuudo pwollomno sulokaikono.

Luuk 3:21

To'no'gwowi a'mwo abolo ton wonyo kuuvollunyajupo toga Jisasol kwol kuruv wonyo abuuvollunokaikono. Toro uuvollunyuno sumaiyokwe subusu'nyogalo doduke toga sulugumdo tov ausodavokakwono.

Luuk 5:16

Toro bomollubwo'nodopure kuvi kuruv puga'no puga'no Jisasol Gooti toollu subusu'nyogalo wuujo'moneyokwe kwako a'mwomaiyo kuu'maiyo tomuuno avlaiyajukekono.

Luuk 6:12

Toruda'ai Jisasol Gooti toollu subusu'nyogalo wuujo'moneyokwe muumuudo pwollu sulokaikono. Toro ilno sumaiyokwe sula'dugumdo togada'ai yiuno lomwo iru'mago toga'no subusu'nyogalo ajourosokaikono.

Luuk 8:51

Toro wuujuno sumaiyokwe Jisasol a'mwo su toolluro ago tovi ki'movo'no yiuwi'nokai a'mwo abolo tonyu nomjonumokaulapiyokwe aduumjukurokaikono. Toro duumjuku'no sumaiyokwe yiuno Pitaike'aro Jemseke Jooneke todorake'aro aki taiyo tovuro ganumiyago ganeyago teyauke'aro tonyuno to'no amokaulokaikono.

Luuk 9:18

Toruda'ai puga Jisasol judo tool mwalo'no Gooti toollu subusu'nyogalo kuujajukekono. Toro wuudoduke tomuu yiuno gamoro uumjunyokwe tooro kweke amwallajuporogano. Toro mwalodopure toorai Jisasol aro samuugojokaikono. “A'mwo abolo kwolallo ton mino tov, Ala'mwekono, nyudodupudonyudukono?” Samuugojokaikono.

Joon 6:3

Toro uumjunyuno sumaveyokwe Jisaseke'aro gamoro uumjunyokwe toorogai'aro tooro muumuudo pwollu ila'mno sulomwaloporogano.

2 Koorin 13:1

Nuu pugasal toga kemi me'no abekuru'maronyugono. Toro toonyu aki aiko te pugake'aro nobekuru'ma'monyugono. Neya duu'nyulo. Gooti toolluro yogalo puruv aro sakwollungikokwono. “A'mwo pworaldeyo oo pworapwolorodeyo tooro a'mwo pwolluro pasudo yodowo'jure tovino dodoluwosupinorogano. “Oo a'mwo akaigwol toro toro yodowodekono.” Su toro adodoluwosupi tov kuudo youromapinogaikikono. Oo yogalo su tov nebal'nodo'mdeyo. Kuudo youromapinogaikikono.” Su toro sakwollungikokwono.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.

2 Pita 1:16

Neya duu'nyulo. Nevu nemi Aguto Jisas Kraisol gamoro jurogudo bwotonyo kuunodo tovuro bako tokwe aikomgu nobwono tovino nevu me'no sodekubwasowonogano. Toro sodekubwasowo toga nevu jupweyo kuuguudo pugai miyodekubwasajuwonogano. Toro kuvi kuruv Aguto Jisas Kraisolluro jurogudo bwotonyo tovuro bako su tollugwoji nevnokwenolluro sumdo togai me'no wonyuno sumawoneyokwe sodekubwasajuwonogano.