Luuk 8:40 - Gooti Toolluro Yogalokwono

⁴⁰ Toruda'ai Jisasol boot tovi'aro wonyo buugo tovi aikomgu kuuwokaikono. Toro wino sumaiyokwe Galiliyovuro wolo toru ki'mo'mduke toga kwolallo bwotonyago ton ilaiyo amollomaropekono. Su tov aro tovinokwono. Jisasol yere mai'mo'mduke togada'ai a'mwo abolo kwolallo su ton sogwollo me'no kwinyajupogano.

Luuk 8:40 ပူးပေါင်းရင်းမြစ်များ

Matyuu 9:1

Toruda'ai Jisasol boot puvi ilomwalno sumaiyokwe wonyo buugo tovi igo'mgu suloga'movokaikono. Me'no iloga'mo'mno sumaiyokwe gavnokweyolluro wagwolago tovi aulai'movokaikono.

Kuuguudo Sugudo akav Makolluro sakwollokakwono Mak 12:37

Toro juno sumaiyokwe Jisasol loowo tovino pi'mwo kuudokwe toorai kuudokaikono. “Devitol Krais toolluno, “Agutoloo,” adoka tov Aguto su tool Devitolluro jukweyago kwolaiyo tekwobusuko adadomgu'aro imo'nonoldukono?” Jisasol loowo tovino pi'mwo kuudokwe toorai duullukullo'moneyokwe su toro kuudokaikono. Jisasol toro yodubwasoduke tovi a'mwo abolo ton wuu'no'mno ilaiyo sopogano.

Kuuguudo Sugudo akav Makolluro sakwollokakwono Mak 5:21

Toruda'ai Jisasol boot tovi'aro wonyo buugo tovi aikomgu suloga'movokaikono. Toro iloga'mo'mno sumaiyokwe Jisasol wonyo wolo tovi wobo toru mwaloduke toga kwolallo bwotonyo ton aiyowomno abomwodovomaropogano.

Kuuguudo Sugudo akav Makolluro sakwollokakwono Mak 6:20

Joonol sugudo to'no yodowodo toolluno tov Herootol luko yo'no a'mwo pworo kaiyako nuuwipiyokwe pi'mwono amollomwallajukekono. Toro mollomwaloduke toollu gamoro abolo tov ku'nono maromiyosokakwono. Herootol Joonolluro kuuguudo yodubwasoduke tonyu kuu'nyajukekono. Toro kuu'nyajuko tool jul'nyo ibwosunodowo kuudo bwotonyo sourukwapiyajukekono. Toro kwol kuruv Joonolluro kuuguudo pugai'aro wuu'nyo'mo kwinyajukekono.

Luuk 19:48

Toro kuvi kuruv noromiyoso'moneyokwe puuto puvino ku'nono miyo'mgonomallajuporogano. Su tov aro tovinokwono. Yiuwi'nokai a'mwo abolo ton Jisasolluro kuuguudo yodubwasoduke tovi wuu'nodupudo toga gamoro yogalo su tonyu avorugwo'mo'nallajupogano.

Luuk 19:6

Toro kuudoka toga Sakiyasol yere wolabino sumaiyokwe Jisasollu ilaiyo mollomaro'no gamoro ago tovino amokavlavokaikono.

Luuk 5:1

Iruko pullugwoji Jisasol wonyo buugo Genesaret tovi wolo toru da'mduke toga a'mwo abolo kwolallo ton Gooti toolluro yogalo tovi wuu'nyo'moneyokwe Jisasollu wobo toru gulluto'nyo gulluto'nyo abiyopogano.

Luuk 8:39

“Guu gumi ago tomuuno plavo'bi guuge avalo amwakopo tonyu yiuwi'nokai Gooti toolluro ilaiyo bwotonyo agubwemoka tonyuno duudawono.” Amodapiyokaikono. Toro te a'mwo tool plaino sumaiyokwe yiuwi'nokai wagwolago tomuu a'mwo abolo tonyu amoruudomollajukekono. Yiuwi'nokai Jisasolluro ilaiyo kwiyo'mwojoka su tonyuno kuu'maiyo toru amoruudomollajukekono.

Joon 5:35

Joonol gworeko bako pwopiyodowodo to'busuko sumo'nyajukekono. Toro toolluro bako awopiyajuko tovi akuuto toru kevu mwalodupu yiuno kula'nyo toga'gwono ilaiyo sajupogaikikono.

Kuurotokwe 10:33

Toro anyudumwa'juko tovino nuu a'mwo pworai yere yo'mgonomarono gumiyomno kwolomogwopiyamwa'jonyugono. Toro kwolomogwopiyamwa'jo toorai guu kisuvolo mwimadekugono. Toro kweku kuruv nemiyomno yere sulamado tov ilaiyo bwotonyokwono. Toro te aga nevu yiuwi'nokai tonol Gooti toolluro sumdo tovi akawai i'bwo'nomwalodowa gumino sogwollo ainmwakuuwono. Toro te guu Aguto toolluro kuuguudo me'no agubweyungiko tokwe yodonekubwasubinekugono. Toro tovino wuu'nyo'moneyokwe su'bwo'numwakuuwono.” Kooniliyosol Pitallu toro kuudokaikono.