Luuk 7:38 - Gooti Toolluro Yogalokwono

³⁸ Toro mokabino sumaiyokwe Jisasollu buulo tomuu gamoro suvlo dolago toru boda'mno sumaiyokwe kumdo ajajukokwono. Abolo su tovuro kumdaluko tov Jisasolluro suvlo tovi abwolubweyajukokwono. Toro bwolubweyoduke toga gavnokwe tobuulluro midoto tokwe malluno sumaiyokwe Jisasolluro suvlo tovida'ai kumdaluko su tovi yaluko amollelowopiyokakwono. Aki toro tov Jisasolluro suvlo tovallu molluduuduulo wiyo'no wobeya sudo kuunyokwe munollo tov aimovobweyokakwono.

Luuk 7:38 ပူးပေါင်းရင်းမြစ်များ

Muuduko 18:4

Aki moro womdokwe pwol kemi suvlo tonyu yal'mo'nyo'mo wonyo tov nyuromokabwonekono. Aki kevu iko akalluro du'gurolo towai iruko nokwo mwalpinorekikono.

Matyuu 5:4

Aki a'mwo abolo kalo winodupudo ton ilaiyo nokwo ipinogano. Su toro tonyuro kalo su tov Gooti gavnokwe tool dugoga nuuwilowonekono.

Luuk 22:62

Pital Jisasolluro toro kuudoka tovino kuudo yauro'no su toruda'ai wuugollu'mo'mno sumaiyokwe kumdo bwotonyo amjodumovlavokaikono.

Luuk 6:21

Aki kevu aga mujuko abolmwakopo toorekulno'juki ilaiyo nokwo jogaulo. Lukomgu kevu wosamujuko togai nonyuto'nupinorekikono. Aki kevu aga kumdo adadokwopo toorekulno'juki ilaiyo nokwo jogaulo. Lukomgu kevu kakwo nodumwalpinorekikono.

Luuk 7:37

Toro kuulonomwaloduke toga wagwolago su tovida'ai abolo ma'no ma'no yodowodo puruv Jisasol Farasi toolluro ago tovi kuulonomwaloduke toolluno me'no kuu'nokakwono. Toro wuu'nyuno sumaiyokwe abolo su tov wobeya sudo kuunyokwe munollo purukwe amokabokakwono. Munollo su tov sulo tovida'ai bootool sakwollungiko tovi surosungiko tokwe amokabokakwono.

Luuk 7:39

Abolo tovuro su toro yoduke tovi Farasi tool wonyuno sumaiyokwe gavnokwe tool aro sajunokaikono. “A'mwo akal proofet kuunodolno'juki abolo kuubogai'napiko su tovino kuudo souromarowo'jujukekono, Oo abolo ma'no ma'nodo'mdeyo, kuudo nokwo souromarowo'jujukekono.” Farasi tool su toro sajunokaikono.

Joon 11:2

Sumdomgu abolo Mariyav wobeya sudo kuunyokwe munollo puruv Aguto Jisasolluro suvlo tovi kimovoubweyo'no gamoro midoto tokwe amollouropiyoka tov akav kurukwono. Aki nobollokwe Lasarosol abolo Mariyavuro jo'mwekono.

Jems 4:9

Kevu kemi ma'no ma'no pasudo mujumovla'mdupudo su tooraino jul'nyo neya jubwosunogaulo. Aki pasudo su tooraino kumdaillo neya domjumoulogaulo. Kemi ma'no ma'no pasudo toorai miyainyunodupu kakwo to'no dodupudogaikikono. Toro kugaikul kuruv aga'no'gwowi pumgu'aro moropiyopi kemi ma'no ma'nodo su tooraino kumdaillo to'no dodomwalogaulo. Aki su to'busuko kubalno kemoro ilaiyo yodupudo tov pumgu'aro moropiyopi kumjuju kulako to'no neya jumo'nomwalogaulo.