Luuk 7:13 - Gooti Toolluro Yogalokwono

¹³ Toro ton bomokalokwodopure toga Aguto tool abekanyo su tobuullu wonyuno sumaiyokwe kalo wino'no aro kuudokaikono. “Guu kumdo madubinono.” Kuudokaikono.

Luuk 7:13 ပူးပေါင်းရင်းမြစ်များ

Kuuguudo Sugudo akav Makolluro sakwollokakwono Mak 8:2

“A'mwo abolo ton nuuge iruko pullapullu me'no amwalmwakopo ton wosamujuko maiyo tonyuno kalo anyunadopiyo.

Luuk 10:1

Toruda'ai Aguto tool a'mwo 72-pela pworai jeso'no sumdomgu wanpino'moneyokwe pworalno pworalno amorapiyokaikono. Su tov Jisasol yiuwi'nokai wagwolago togai'aro ajumiyo togai'aro novlawono tonyomno sumdomgu neya wanpino'moneyokwe a'mwo su toorai amodapiyokaikono.

Luuk 11:1

Toruda'ai Jisasol kwako pumuu mwalno sumaiyokwe Gooti toollu subusu'nyogalo kuudokaikono. Me'no wuujuno sumaiyokwe gamoro uumjunyokwe pwol Jisasollu aro kuudokaikono. “Agutoloo, Joonol gami uumjunyokwe toorai subusu'nyogalo jo'moneyokwe tovino sodubwasajukekono. Toro to'busuko kubalno guu kweku kuruv subusu'nyogalo jo'mo tovino nemi neya jodonekubwasono.” Kuudokaikono.

Luuk 11:39

Toro te Aguto tool Farasi su toollu aro kuudokaikono. “Aga kevu Farasi toorekul kaiya'no yodupudorekikono. Kevu kapwo tokwe'aro dis tokwe'aro tovallu yiuno kwa'mgu tomguno to'no wonyo yal'mo'mdupudo kworekul kuruv anakuuto tomuuno'gwowi kaiya'nodo tooro kuuno kuullo'mowopiyodupudorogano. Su toro to'busuko kubalno kemoro poowokalago tovi anakuuto tomuu noonyumwonyu punyu ki'nomallo'mo kuudo toorogai'aro ma'no ma'no kiroungovlaiyo'mo kuudo toorogai'aro tooro kuullo'movaikwopiyodupudorogano.

Luuk 12:42

Toro kuudoganoka toollu Aguto tool aro kuudokaikono. “A'mwo ki'nato womdokwe pwol gami a'mwo aguto toolluro yogalo tovi uumjunyokwekono. Aki a'mwo ki'nato womdokwe su tool pi'mwo kuudokwekono. Toro te a'mwo aguto tool gami ki'nato womdokwe toollu womdo muuduko puruv wiyonekono. Womdo su tov a'mwo aguto toolluro ago tovi anakuuto tomuuda'ai womdo tonyu mido mollomwallo'moneyokweyokwono. Aki a'mwo ki'nato womdokwe su tool ago tovida'ai womdo kuullodupudo tonyu wosamujuko nyo'mo kuunodo toga yado uumwodemwalonekono.

Luuk 13:15

Toro kuvi kuruv Aguto Jisasolno'gwowi aro kuudokaikono. “Kevu a'mwo kuunanokwerekikono. Kevu yiuwi'nokai pwolno pwolnodo toorekul iruko Sabat toga kemi buulmokauworodeyo oo doonkiyorodeyo tooro wosamujuko bookis tovi ki'duvolna'dopure toorai ikwolapiyopi wonyo tov wo'dowodo tomuuno mogaibworomokavla'mdupudorekikono.

Luuk 17:5

A'mwo kuurotokwe tooro Aguto toollu kuudoporogano. “Guu nemoro kuudo uubweyodowado tovi muunyu toru jullovo'bworonekubweyono.” Kuudoporogano.

Luuk 17:6

Toro kuudopo toorai Aguto tool kuudokaikono. “Kemoro kuudo uubweyodupudo tov yiuno iko mastet sulo kula'nyo tollovobusuko sumo'no'ji kuvi kuruv kuvinono nyumo'nonokwono. Toro te kevu Gooti toolluno kuudo kuubwepi su togaikul iko mulberi gabovo akallu aro kuudupi tov, “Gumoro puluko ton ilolovowopiyabo'bi soolwara tovi dooloburoujunorawono,” kuudupi tov iko su tool kemoro yogalo tovi kuvinono uumjunonekono.” Kuudokaikono.

Luuk 18:6

Aki Aguto Jisasol gami uumjunyokwe toorai aro kuudokaikono. “A'mwo kooti yogalo mollomwalokwe su tool idopto'nodolmaiyo. Toro tool abolo tobuulluno aro sajunokaikono. “Mi nonuumjuku'mwalo'jokwe neya wiyo'mwojumonyugono.” Sajunokaikono. Toro sajunoka su toolluno kevu me'no kuu'numaporekikono.

Luuk 19:8

Toro duu'mwojodopure kuvi kuruv Sakiyasol gami ago tovi anakuuto tomuu iloda'mno sumaiyokwe Aguto toollu aro kuudokaikono. “Agutoloo, duu'nono. Nuu moro yiuwi'nokai kuto ivito mollu'bworosodumdo ton puruval dovorojosumonyugono. Toro adovorojosumi su tovalluda'ai puruv maro'mi a'mwo abolo apoo'nyaiyo tobuurai yasuwa'no wimonyugono. Aki nuugwiyo kwalo tovida'ai pwekwo a'mwo kaiyako sugollajo toorai neya wimonyugono. A'mwo abolo punyuro nuugwiyo tov kuunano ade'nomallajo su ton pugai'aro aiko te neya wimonyugono. Toro toonyu kemoro nuugwiyo pwolno pwolnodo ai'nomallajo su tov aki aiko te aval aval neya wimonyugono.” Kuudokaikono.

Luuk 22:61

Toro adoka toga Aguto tool Pitallu sumdo agunyubworoonokaikono. Toro gunyubworoonoduke toga Pital gami Aguto toolluro yogalo aro me'no kuudoka tovino aiko te kuudo saurokaikono. “Guu kuukuuro tool deko yere madodowo'jure toga mino pugasalpuga kuunano aro wuudubinekugono. Awiyo, nuu a'mwo su toolluno kuudo maiyonyugono.”

Luuk 24:3

Toro wonyuno sumaveyokwe abolo su ton a'mwo buuso sulpuuto tomuuno aulapogano. Toro kun kuruv Aguto Jisasolluro kulako bwiyo tovi mwonopogano.

Luuk 24:34

Toro kuuru'marolo toorallu aro kuudoporogano. “Aguto tool aiyo aiko te kuvinono me'no aduka'mokaikono. Aki me'no duka'mdowo Saimoonollu me'no kwiyalo'numokaikono.” Kuudoporogano.

Luuk 7:12

Toro plaino sumaveyokwe Jisasol wagwolago tovi kuullo'moneyokwe noullo tovi wobo toru ai'movokaikono. Toro ki'mo'mduke toga a'mwo pworo wagwolago su tovida'ai a'mwo bwiyo pwollu bomokalokwodopure toorai kwonokaikono. A'mwo bwiyo su tool abekanyo pubuulluro muugunyekono. Abekanyo su tobuul kwolaiyo gabovo pworogai'aro nonagutokwono. Aki abekanyo tobuulluro muugunyo pwolnodo su tool me'no abolokaikono. Toro te abekanyo su tobuuke'aro a'mwo abolo kwolallo abomokalokwopo togai'aro su ton kula'nyonmaiyo.

Luuk 7:14

Toro wuujuno sumaiyokwe a'mwo nobomokalokwodopure toorai wobo toru uuwo'no i'buronyuko tovi gami ato tokwe kuubogai'nokaikono. Jisasol toro kuubogai'noka toga a'mwo abomokalokwiyajupo su tooro kuwai nokwo kuuloda'mno soporogano. Toro kuuloda'mdopure toga Jisasol a'mwo bwiyo toollu aro kuudokaikono. “Muugunyoloo, guu neya dodukavono, agudumono.”

Luuk 7:19

Toro kuudopo tovi Joonol wuu'nyuno sumaiyokwe gami uumjunyokwe pworallu adomarokaikono. Toro toorallu gamoro yamuugojo purukwe Aguto Jisasollu wuudoganbulluno'moneyokwe amodapiyokaikono. Joonolluro yamuugojo su tov arokwono. “Gooti toolluro nekullo'mwojo'moneyokwe ajesoka Krais toolluno sogwollo kinodowado su tool guu kwekudukono? Oo a'mwo pwolluno sogwollo kuuno kinmwalanonoldukono?”

Luuk 8:52

Toro mokaulno sumaiyokwe yiuwi'nokai ago su tovi kanyu mwalo'mno kumdato deraunodopure tonyu Jisasol kuulluru'maro'no aro kuudokaikono. “Kevu buro'nyo'mo kumdato doderaunadokwovo? Taiyo su tov mabolmokakwono. Yiuno sa to'no kwoso.” Kuudokaikono.

Joon 11:2

Sumdomgu abolo Mariyav wobeya sudo kuunyokwe munollo puruv Aguto Jisasolluro suvlo tovi kimovoubweyo'no gamoro midoto tokwe amollouropiyoka tov akav kurukwono. Aki nobollokwe Lasarosol abolo Mariyavuro jo'mwekono.

Joon 11:3

Toro te gami jo'mwo Mariyakwe'aro Martakwe'aro tonodal Jisasolluno aro adapiyolovakono. “Agutoloo, gumoro kalo buuropino gujunodowodo tool nobollokwekono.”

Joon 20:13

Toro te ensel su tooral Mariyavi aro kuudolorakono. “Abolovoo, guu buro'nyo'mo kumdo dodadokuuno?” Toro kuudolo toorallu Mariyav kuudokakwono. “Mi Aguto toolluro kulako bwiyo tovi a'mwo buuso tovida'ai me'no bomokalokwodupu amokavla'mapekono. Aki gamoro kulako bwiyo su tov gadomuu amorosumapoldukoneyokwe tovino nuu kuudo miyau'mwakono.” Kuudokakwono.

Joon 20:15

Abolo su tovi Jisasol aro kuudoganokaikono. “Abolovoo, guu kumdo adumwakudo tov buro'nyo kavlo tovino'mdeyo? Guu ala'mwolluno a'mgono ja'mgonadokuuno?” Kuudoganokaikono. Toro kuudoganoka su toolluno Mariyav aro kuudo saurokakwono. Oo a'mwo su tool kwako ikulsul womdokwe tovi mollomwalokwe tooldeyo. Su toro kuudo yau'no sumaiyokwe aro kuudokakwono. “A'mwo Agutoloo, guu Jisasolluro kulako bwiyo tov amokavla'modekuno'juki gamoro kulako bwiyo su tovi amorosumodo tomuuno guu neya donyudono. Toro anyudubi tov nuu gamoro kulako bwiyo su tovi nokwo maro'mi mokavla'me'gono.” Kuudokakwono.

Joon 4:1

Toruda'ai Farasi tooro aro tovi kuu'noporogano. Joonol a'mwo pwolno pwolnodo tooraino to'no wonyo galuvollodowodekono. Toro kuvi kuruv Jisasolno'gwowi bwotonyago toorai galuvollodowodekono. Aki me'no galuvollodowodo su tooro gamoro uumjunyokwe wimo'nodupudorogano. Su toro tovi kuu'noporogano. Toro kuvi kuruv Jisasol gavnokwe tool wonyo mamogaluvollajukekono. Yiuno gamoro uumjunyokwe toorono to'no a'mwo abolo tonyu wonyo agaluvollajuporogano. Toro te Farasi tooravuro kuu'nopo su tovino Jisasol kuudo me'no youroma'no sumaiyokwe toga kwako Juudiya tomuu wuugollu'movo'no kwako Galili tomuuno aki aiko te avlavokaikono.

Joon 6:23

Su toro kuudo yau'no sumaveyokwe boot pun wagwolago Taibiriyosda'ai abodavopogano. Toro abodavopo su toru sumdomgu Aguto tool bret tovino Gooti toollu, “Nenyoo,” wuudo'no kwolallo tonyu kuumwodeyokarukono. Toro kuumwodeyoka wobo su toru boot ton abodavopogano.

1 Koorin 7:30

Aki Gooti toolluro womdo tovi momjumovlaiyo'moneyokwe tobuurekullu noonyumwonyu pun nekumjuku'mwalpiyo. Kalokalo yo'mo'mdeyo oo ilaiyo yo'mo'mdeyo oo kuto ivito biyomallo'mo'mdeyo yiuwi'nokai su tooro nekumjuku'mwalpiyo.

1 Tesaloonaika 4:13

Nemi avalobuuravoo, a'mwo abolo pun Jisasolluno sogwollo mainodupudo su ton a'mwo abolo bolodopure tonyuno kalo'mo yopi kumdato deraunodupudogano. Toro kuvi kuruv kevu Jisasolluro a'mwo abolo togaikulno'gwowi kwa'mguda'ai su tonbusuko kumdato guureji nodumwalpiyo. Kevu Jisasolluro a'mwo abolo me'no bolodupudo tonyuno kuudo neya jouromarogaulo.

Hibruu 2:17

Toro tovino tov Jisasol gami gagwai'yago jo'mwo tonyu wiyo'mwojo'moneyokwe su tonbusuko aval'no neya imo'nonekono. Toro tool su tonbusuko kuvinono me'no sumo'nokaikono. Su tov aro tovinokwono. Jisasol pris aguto nonekullumo'numwalono tovinokwono. Pris aguto su tool nemino kalo manekumwonyodowodo tovida'ai Gooti toolluro womdo tovi pi'mwono yomjumovla'mwalonekono. Pris aguto su tool womdo aro tovi imwalonekono. A'mwo abolo tonyuro ma'no ma'nodo tovuro kirumwallo tovi modukwopimwalonekono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.