Luuk 6:6 - Gooti Toolluro Yogalokwono

⁶ Toruda'ai iruko Sabat pullugwoji Jisasol Juu tooravuro i'bwo'nyago puvi aulomwalokaikono. Toro kuulomwalno sumaiyokwe sodubwasokaikono. Toro sodubwasoka su towai a'mwo pwekwo gami anato tov amuullugolopingikokwe tekwo aulomwalokaikono.

Luuk 6:6 ပူးပေါင်းရင်းမြစ်များ

Matyuu 4:23

Jisasol yiuwi'nokai distrik Galili tomuu somollokaikono. Toro tomuu yomolluno yomolluno sumaiyokwe Juu tooravuro i'bwo'nyago tonyu kuulodawo kuuguudo sugudo tokwe amoruujajukekono. Kuuguudo sugudo su tov Gooti toolluro kig mido mollomwalo tovi dolago tomuu neya aulomwalpureyokwe tovino amoruujajukekono. Toro moruudomolluno sumaiyokwe a'mwo abolo tonyuro yiuwi'nokai judo'no judo'no nobollokweyodeyo oo suvlato nomuullugollokweyodeyo tonyu sukullajukekono.

Luuk 13:10

To'no'gwowi iruko Sabat pullugwoji Jisasol Juu tooravuro i'bwo'nyago puvi kuulno sumaiyokwe kuuguudo sodubwasokaikono.

Luuk 14:3

Toro te Jisasol loowo tovino pi'mwo kuudokwe toorogai'aro Farasi toorogai'aro somuugonallajupo su toorai aro kuudoganokaikono. “Gooti toolluro loowo tovida'ai iruko Sabat tollugwoji nevu yowa'no yano tov, a'mwo nobollokwe pwollu ikulano'mdukono oo mikulano'mdukono?” Kuudoganokaikono.

Luuk 4:16

Jisasol kuuguudo tokwe toro ibwosomolluno sumaiyokwe toga gami wagwolago aguto sagullumo'noka Nasaret'no abokaikono. Toro bino sumaiyokwe yiuwi'nokai toga yodowodo kubalno Sabat tollugwoji i'bwo'nyago puvi kuula'no kuuguudo mojagillo'mo tool sulodavokaikono.

Luuk 4:31

Toro te Jisasol wuugollu'mo'mno sumaiyokwe kwako Galili tomuuda'ai wagwolago Kapurniyam'no avlavokaikono. Toro plaino sumaiyokwe iruko Sabat abai'movoka tollugwoji a'mwo abolo tonyu kuuguudo sodubwasajukekono.

Luuk 6:1

Toruda'ai Jisasol iruko Sabat pullugwoji puuto tov wit womdokwe akuuto tomuu kuuloduke toollu gamoro uumjunyokwe tooro kuumjunoporogano. Toro uumjunyuno sumaveyokwe wit no ton muudomaro'mno kemi ato togai dapto tov molojodukwopino sumaveyokwe anugoulaporogano.

Luuk 6:5

Jisasol toro wuujuno sumaiyokwe aki aro kuudokaikono. “A'mwo Kwolaiyo Kuunodo toonyu iruko Sabat su tovi Agutonyugono.” Kuudokaikono.

Joon 5:3

Ago su tonyu anakuuto tomuu a'mwo abolo nobollokwe kwolallo ton kwollajupogano. A'mwo abolo sumnowojokwe togai'aro suvlo abolopingikokwe togai'aro suvlato amuullugolopingikokwe togai'aro ton ago su tonyu kwollajupogano.

Joon 9:16

Toro kuudoka tovi Farasi pworo adoporogano. “Oo a'mwo akal iruko Sabat toga womdo yodowodo toolluno tov Gooti toolluro amoropiyabokalmaiyo.” Adoporogano. Toro kuvi kuruv pworono'gwowi aro adoporogano. “A'mwo su tool ma'no ma'no pasudo kurukweyolno'juki duuwallo jurogudo ton adadomgu'aro nekuduuwallodowodoldeyo?” Pworo su toro adoporogano. Toro te a'mwo su toorai akuuto toru imgu amgu go'no go'no somuudeyapinoporogano.