Luuk 6:44 - Gooti Toolluro Yogalokwono

⁴⁴ Su tov aro tovinokwono. Iko judo'no judo'nodo tooravuro ikulsulo ki'nodopure tonyu agallainyubwo'bi tov kuu'maiyo toru nokwo iworovoma'binekono. Kuudo neya jaullulo. Ikulsulo fik ton aulolo tovida'ai mamuudoma'dupudogano. Aki wain ikulsulo kun kuruv lodokwe i'jurako tovida'ai mamuudoma'dupudogano.

Luuk 6:44 ပူးပေါင်းရင်းမြစ်များ

Matyuu 12:33

Guu iko pwolluno iworovomallo'moneyokwe tooku gamoro ikulsulo ki'nodowo'jure tonyu kamwoga yomuugona'binekugono. Iko pwol sugudoldeyokwe gamoro ikulsulo kun kuruv sugudo tonyu ki'nugovla'mwalonekono. Aki iko pwol kaiya'nodoldeyokwe gamoro ikulsulo kun kuruv kaiya'nodo tonyu ki'nugovla'mwalonekono.

Matyuu 7:16

Su toro tooravuro pasudo ton ikulsulo to'busuko ki'nodopure tonyu agallainyubwopi tov, Akal kuunanoldeyo oo nebaloldeyo, nokwo iworovomapinogaikikono. Su tov aro to'busukokwono. A'mwo pwol wain ikulsulo tov aulolo tovida'ai mamuudonekono. Aki a'mwo pwol ikulsulo fik tov sugurato tovida'ai mamuudonekono.

Matyuu 7:20

Toro te kevu kuunano proofet su tooravuro pasudo ton ikulsulo to'busuko ki'nodopure tonyu agallainyubwopi tov, Akal kuunanoldeyo oo nebaloldeyo, nokwo iworovoma'mwalpinogaikikono.

Jems 3:12

Mi avalobuuravoo, iko fik pwol ikulsulo oolip ton ki'nonoldukono? Awiyo, mai'nonekono. Aki iko wain pwol ikulsulo fik ton nokwo ki'nonoldukono? Awiyo, ku'nono mai'nonekono. Su toro to'busuko kubalno soolwara buugo tovida'ai wonyo nonyo'mo sugudo pun nokwo iranodupudo'mdukono? Awiyo, ku'nono miranodupudokwono.

Juut 1:12

Aki kevu Aguto toolluro kalo buuropino pasudo tovino aki aiko te yaullo'moneyokwe lubullu doto i'bwo'nonomwalodopure toga a'mwo kuunano ibwasokwe su tooro kevuge kuullu'bwo'nomwalodupudorogano. Toro tooro Gooti toolluro sumdo tovi kaiya'no pasudo aro kuullodupudorogano. Toro tooro kevnokweraino to'no kuudo yauropi wosamujuko bwotonyago kuuloluvonopiyokwerogano. Aki kemoro pasudo su tovino wogulo mibwosunyokwerogano. Aki a'mwo Gooti toolluno kuudo maiyokwe su tooro sulu'wo puruv buuruko mavodowodo to'busuko imo'nodupudorogano. Dolo tov sulu'wo su tonyu molobeyomokwodowodo kuvi kuruv buuruko ku'nono mavodupudogano. Aki a'mwo su tooro iko pwol ikulsulo mai'nodowodo to'busuko imo'nodupudorogano. Iko su tool ikulsulo ki'nyo'moneyokwe abai'mowo'ji kuga kuruv ikulsulo ku'nono mai'nodowodekono. Aki a'mwo su tooro iko ajowopingiko toorobusuko imo'nodupudorogano. Toro tooro pugasal me'no abollungopo toorobusuko imo'nodupudorogano.