Luuk 6:12 - Gooti Toolluro Yogalokwono

¹² Toruda'ai Jisasol Gooti toollu subusu'nyogalo wuujo'moneyokwe muumuudo pwollu sulokaikono. Toro ilno sumaiyokwe sula'dugumdo togada'ai yiuno lomwo iru'mago toga'no subusu'nyogalo ajourosokaikono.

Luuk 6:12 ပူးပေါင်းရင်းမြစ်များ

Matyuu 5:1

Toruda'ai Jisasol a'mwo abolo kwolallo bwotonyago ton bi'bwo'nodopure tonyu kwonokaikono. Toro wonyuno sumaiyokwe muumuudo kula'nyo pwollu ila'no kwako tovi kwolomwalokaikono. Toro wolomwaloduke toollomno gami uumjunyokwe tooro bo'mno abwolomwekwoporogano.

Matyuu 6:6

Toro kuvi kuruv guu tookuno'gwowi subusu'nyogalo jo'mo toga gumi ago tovida'ai adovarojungiko puvi kuula'bi kudo'aiko tov neya domallukurono. Me'no amalluku'bi toga gumi Junumiyago yiulo tomuu wonodowodo toollu subusu'nyogalo neya duudono. Yiulo tomuu wonodowodo su tool gumi gwonowo'ji gumoro pasudo su tovuro mubiyo sugudo pun nobiyagubweyonekono.

Kuuguudo Sugudo akav Makolluro sakwollokakwono Mak 1:35

Toruda'ai lomwo iru'mago kuujo tool milopiyaboduke toga Jisasol dukavo'no ago toru wuugollu'mo'mno sumaiyokwe a'mwomaiyo pumuuno avlavokaikono. Plaino sumaiyokwe subusu'nyogalo adokaikono.

Kuuguudo Sugudo akav Makolluro sakwollokakwono Mak 3:13

Toruda'ai Jisasol muumuudo pwolluno ilno sumaiyokwe a'mwo jeso'mo winoduke toorai adomarokaikono. Toro adomaroka tooro kwollomno aboporogano.

Kuuguudo Sugudo akav Makolluro sakwollokakwono Mak 6:46

Jisasol kwolallo tonyu aro amodapiyokaikono. “Donuwanyuloo.” Toro modapino sumaiyokwe subusu'nyogalo wuujo'mo tool muumuudo pwollomno sulokaikono.

Luuk 5:16

Toro bomollubwo'nodopure kuvi kuruv puga'no puga'no Jisasol Gooti toollu subusu'nyogalo wuujo'moneyokwe kwako a'mwomaiyo kuu'maiyo tomuuno avlaiyajukekono.

Luuk 6:11

Jisasol a'mwo tekwoji su toro sukuloka tovino Farasi toorogai'aro a'mwo loowo tovino pi'mwo kuudokwe toorogai'aro tooro surodo bwotonyo kuunoporogano. Toro tooro Jisasollu kaiyako igollo'mo tovino sajunoporogano.

Luuk 6:17

Toruda'ai Jisaseke'aro gami uumjunyokwe toorogai'aro tooro muumuudo toolluda'ai wolabino sumaveyokwe kwako worato toru abwolodavoporogano. Worato su toru Jisasolluro uumjunyokwe bwotonyago toorogai'aro yiuwi'nokai kwako Juudiyada'ai a'mwo abolo bwotonyago togai'aro wagwolago Jeruusalemda'ai togai'aro aki soolwaravuro wolo tomuuda'ai wagwolago Tairuke Saidoonke tovalluda'ai a'mwo abolo togai'aro su ton Jisasollomno abopogano. Kwolallo bwotonyo kuunodo su ton bino sumaveyokwe abi'bwo'nopogano.

Luuk 9:18

Toruda'ai puga Jisasol judo tool mwalo'no Gooti toollu subusu'nyogalo kuujajukekono. Toro wuudoduke tomuu yiuno gamoro uumjunyokwe tooro kweke amwallajuporogano. Toro mwalodopure toorai Jisasol aro samuugojokaikono. “A'mwo abolo kwolallo ton mino tov, Ala'mwekono, nyudodupudonyudukono?” Samuugojokaikono.

Luuk 9:28

Toruda'ai 8-pela iruko tobuul me'no abawoka toga Jisasol subusu'nyogalo jo'moneyokwe muumuudo pwollu muunyu tomuuno sulokaikono. Toro suloka toga yiuno Pitaike Jemseke Jooneke toorai momwora'no sumaiyokwe muumuudo su toollomno amokailokaikono. Toro mokailno sumaiyokwe subusu'nyogalo ajajukekono.

Luuk 9:29

Subusu'nyogalo toro doduke toga gamoro uumjunyokwe pworapwol amokailoka su tooro aro tovi amuugonaroporogano. Jisasolluro sumdomago tov judo pumgu'aro kulako moropiyoduke tovi kwonoporogano. Aki bako pwopiyodowodo to'busuko kubalno gamoro youro kuruv wiya'jo to'no moropiyoduke tovi kwonoporogano.

Joon 6:3

Toro uumjunyuno sumaveyokwe Jisaseke'aro gamoro uumjunyokwe toorogai'aro tooro muumuudo pwollu ila'mno sulomwaloporogano.

Kooloosi 4:2

Kevu Gooti toollu subusu'nyogalo wuudumovla'mdupudo tov mimwogapipinono. Toro te kevu nyumwogapipiyokwe tov wako neya kuu'nopi Gooti toollu, “Nenoloo,” to'no duudumovlavogaulo.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.