Luuk 6:11 - Gooti Toolluro Yogalokwono

¹¹ Jisasol a'mwo tekwoji su toro sukuloka tovino Farasi toorogai'aro a'mwo loowo tovino pi'mwo kuudokwe toorogai'aro tooro surodo bwotonyo kuunoporogano. Toro tooro Jisasollu kaiyako igollo'mo tovino sajunoporogano.

Luuk 6:11 ပူးပေါင်းရင်းမြစ်များ

Matyuu 16:7

Jisasolluro toro kuudoka tovi gamoro uumjunyokwe tooro wuu'nyuno sumaveyokwe aro kuudo sauroporogano. Oo nevu bret mamokavla'mwakuuwo toonolluno tov donekudadopiyo. Su toro kuudo yau'no sumaveyokwe bret mamokavlavopo tovino yogalo aullajunoporogano.

Matyuu 21:45

Toro kuudoka tovi pris mido mollomwalokwe toorogai'aro Farasi toorogai'aro tooro Jisasolluro yovekurajo kuuguudo su tovi wuu'nyuno sumaveyokwe sajunoporogano. “Oo yogalo su tov nemino dodadopiyo, nevu womdo mollomwalokwe kirovanyuvanyu su toorobusukonoldeyo.” Sajunoporogano.

Luuk 4:28

Jisasolluro toro kuudoka tovi Juu tooravuro i'bwo'nyago tovida'ai a'mwo abolo aullu'bwo'nopo ton gamoro yogalo kuudoka su tovi wuu'nyuno sumaveyokwe toga surodo bwotonyo kuunopogano.

Luuk 6:10

Toro wuujuno sumaiyokwe Jisasol wonomollo'no a'mwo ato amuullugolopingikokwe tekwoji aro kuudokaikono. “Gumi ato tov doruuguusapiyono.” Toro kuudoka tovi a'mwo tekwo gami ato tov ruuguusapino sumaiyokwe gamoro ato tov yiuno sugudo to'no sumo'nokakwono.

Luuk 6:12

Toruda'ai Jisasol Gooti toollu subusu'nyogalo wuujo'moneyokwe muumuudo pwollu sulokaikono. Toro ilno sumaiyokwe sula'dugumdo togada'ai yiuno lomwo iru'mago toga'no subusu'nyogalo ajourosokaikono.

Joon 11:47

Toro kuudopo tovino pris mido mollomwalokwe toorogai'aro Farasi toorogai'aro tooro kaunsel toorai aju'bworomaroporogano. Toro ju'bworomaro'mno yiuwi'nokai tooro i'bwo'nyuno sumaveyokwe aro kuudoganoporogano. “A'mwo akal duuwallo jurogudo bwotonyago ton tono tono wuuduuwallodowodekono. Toro toollu adado wiyanoldukono?

Joon 7:1

Toruda'ai lukomgu Jisasol kwako Galili tomuuno to'no somollajukekono. Su tov aro tovinokwono. Kwako Juudiya tomuuda'ai Juu tooro Jisasollu romiyoso'moneyokwe puuto tovino a'mgono yodupudo tovino tov Jisasol kwako Juudiya tomuuno yomollo'mo mwinokaikono.

Kuurotokwe 26:11

Aki toro toonyu aro kuudo saullajonyugono. Jisasolluro a'mwo abolo kevnokwe ton Jisasolluno bwolomorumwogapiyo'moneyokwe yogalo tov neya adogapuro. Toro kuudo yau'dum yiuwi'nokai toga nevu Juu toonolluro i'bwo'nyago tonyu kuulodam Jisasolluro a'mwo abolo tonyu aulogalomworallajonyugono. Toro kuulogalomwora'dum a'mwo abolo su ton Jisasolluno buulo neya uugunyumopipuro, kuudo saullajonyugono. Toro toonyu a'mwo abolo su tonyu kaiyako bwotonyo sugollajonyugono. Aki surodo bwotonyo nuunodowo a'mwo Juu tooravuro miyawosunodupudo tooravuro wagwolago go'no go'nodo kumuu kuruv pla'mdum Jisasolluro a'mwo abolo tonyu kaiyako igollo'moneyokwe amovomjai'nyajonyugono.” Kuudokaikono.

Kuurotokwe 4:15

Toruda'ai a'mwo mido mollomwalokwe tooro a'mwo kuurotokwe su toorallu kaunsel tooravuro ago tovi kwa'mgu tomuuno alokuubuleyokwe amodapiyoporogano. Toro me'no modapino sumaveyokwe a'mwo aguto kevnokwe tooro kuuguudo aulodomwaloporogano.

Kuurotokwe 4:19

Toro aduuwiyopo kuvi kuruv Pitaike Jooneke tooral aro kuudolorakono. “Navu kemi kaduko ikullosunonaldukono oo Gooti toollu kaduko wiyosunonaldukono? Su toro tovalluda'ai puruv Gooti toolluro sumdo tovi navu sugudo yo'mo tov gado'mdeyo? Kevnokwe toorekul jagilopi kuudo jouromallulo.

Kuurotokwe 5:33

Kaunsel tooro toro kuudopo tovi wuu'nyuno sumaveyokwe surodo bwotonyo yo'mno a'mwo kuurotokwe toorai romiyoso'mo kwinoporogano.

Kuurotokwe 7:54

Toro kuudoka tovi kaunsel tooro wuu'no'mno Stivenolluno surodo bwotonyo kuunoporogano. Aki surodo kuunopo su tooro kemoro mago ton tuko ado'noporogano.

2 Timooti 3:9

Toro tooro subwasupi kuvi kuruv kemoro yogalo to'gwowi ku'nono mabomje'nugoulawonokwono. Su tov aro tovinokwono. Iruko pullugwoji yiuwi'nokai a'mwo abolo ton a'mwo su tooraino aro nyuworovomapinogano. Oo a'mwo ibwasokwe su tooro kuudomaiyorodeyo. Nyuworovomapinogano. Su to'busuko kubalno aiyoga Janeseke Jabreseke toorallu aval'no me'no suworovomallajuporakono.