Luuk 5:8 - Gooti Toolluro Yogalokwono

⁸ Toro yodole tovallu Saimoon Pital wonyuno sumaiyokwe toga Jisasolluro suvlo tovi dolago toru bomuulo'naro'no aro kuudokaikono. “Agutoloo, nuu ma'no ma'nodokwe tekwonyuno tov mi donyugollu'movono.” Kuudokaikono.

Luuk 5:8 ပူးပေါင်းရင်းမြစ်များ

Mollurolovomato 20:19

Toro muugonoda'mdupu Moosesollu kuudopogano. “Nevu Gooti toolluro nekudodowo'jure tovi kuu'na'ji tovida'ai nobola'jo. Toro tovino tov yiuno judo tooku anekudubi to'gwowi nokwo guu'nanonogano.” Kuudopogano.

Matyuu 17:6

Gamoro uumjunyokwe tooro yogaimaguurai su tovi wuu'nyuno sumaveyokwe luko bwotonyo yo'mno kwako tomuu kwolomuulo'naroporogano.

Matyuu 2:11

Toro tooro kwolaiyo muudoga tool mwaloduke ago tovino kuulno sumaveyokwe kwolaiyo muudoga su tooke'aro gami ganeyago Mariyakwe'aro tonallu auloonoporogano. Toro wonyuno sumaveyokwe kwolaiyo su toolluno mido wuulugulo'no'mno sulomoropiyaporogano. Toro ilomoropino sumaveyokwe kemi kuto ivito sugumaluko amullosajupo tonyuda'ai pun daluvo'mno kwolaiyo su toollu kwiyoporogano. Gool togai'aro frenkinsens togai'aro mur togai'aro ton daluvo'mno kwiyoporogano.

Matyuu 8:8

Toro kuudoka kuvi kuruv a'mwo mollurogudo tooravuro mollubworomokwanyokwe tool aro kuudokaikono. “Agutoloo, nuvu tekwonyu ilaiyekwonyumaiyo. Toro tekwonyuno tov guu Aguto tooku moro ago tovi noulomwalbiyo. Toro kweku kuruv yiuno yogalo to'no aduuwibi tov moro ki'nato womdokwe su tekwoji nokwo ikulbinekono.

Luuk 5:7

Toro te kemi avaiwomdokwe pworo buuwiyo'mwojupino'moneyokwe adomaroporogano. Avaiwomdokwe su tooro boot puvi amwallajuporogano. Toro tooro bo'mno yiuwi'nokai boot su tovallu domwoga toorogai aluvitowosoporogano. Me'no aluvitowosopo toga boot su toval wonyo buugo tovi anakuuto tomuu wollo'mo solovakono.

Luuk 5:9

Su toro kuudoka tov aro tovinokwono. Saimoonol gavnokwe tooke'aro yiuwi'nokai a'mwo gavuge amwallajupo toorogai'aro su tooro kemoro domwoga bwotonyago aluve'nomaropo su tovino luko amorumoukuropiyoporogano.

Joon 11:32

Toro kuvi kuruv Mariya'gwowi Jisasol mwaloduke toru'no avlavokakwono. Toro plaino sumaiyokwe Jisasollu wono'no gamoro suvlo dolago toru kwolomuulo'narokakwono. Toro wolomuulo'na'no sumaiyokwe aro kuudokakwono. “Agutoloo, guvu akawai mwalodo'bureyo'mno'juki mi nyo'mwo tool mabolowo'jujukekono.” Kuudokakwono.

1 Koorin 13:12

Aki puruv aga nevu Gooti toollu yainyunyo po'dogalo miyalo'nodowodo tovibusuko ilaiyo neya mamuugona'dowadonogano. Toro kuvi kuruv lukomgu toga'no'gwowi Gooti toolluro sumdomago tovi ilaiyo to'no muugonarowa'ji imgu amgu nyainyunumwalanonogano. Su toro to'busuko kubalno aga nuvu kuudo yiuno pwekwonodo tekwojaino youroma'dumdonyugono. Toro kuvi kuruv lukomgu Gooti toollu me'no kuuru'ma'mi toga'no'gwowi Gooti tool mi yiunokuudo nuwonopiyodowodo to'busuko kubalno nuu kwonyu kuruv yiuwi'nokai kuudo tonyuno nyouroma'monyugono.

Adodolukuu'nosungiko 1:17

Toro toollu wonyuno sumoneyokwe nuu a'mwo bwiyo pwolbusuko gamoro suvlo tovi dolago tomuu kwolomuulo'naronyugono. Toro wolomuulo'na'dore kuvi kuruv gamoro anato tov mi nubogai'nyuno sumaiyokwe aro anyudokaikono. “Guu luko mibinono. Nuu Muudu'no Kuunodolenyugono. Aki nuu Aiyowo'mo Kuunodolenyugono.