Luuk 5:17 - Gooti Toolluro Yogalokwono

¹⁷ Toruda'ai Jisasol iruko pullugwoji kuuguudo yodubwasoduke toga a'mwo Farasi pworogai'aro Moosesolluro loowo tovino ibwasokwe pworogai'aro tooro abomwaloporogano. A'mwo su tooro kwako Galilike'aro Juudiyake'aro tovalluda'ai yiuwi'nokai wagwolago tonyuda'ai aboporogano. Aki pworo wagwolago Jeruusalemda'ai kworo kuruv bo'mno abomwaloporogano. Toro bomwalodopure toru Jisasol kuuguudo sodubwasajukekono. Aki toro yodubwasodowo Aguto toolluro jurogudo tokwe Jisasol a'mwo abolo nobollokwe tonyu sukullajukekono.

Luuk 5:17 ပူးပေါင်းရင်းမြစ်များ

Matyuu 11:5

A'mwo abolo sumnowojokwe ton aki aiko te sumdo kinodupudogano. Aki a'mwo abolo suvlato amuullugolopingikokwe ton kado pla'mdupudogano. Aki a'mwo abolo wonawiyo nobollokwe ton ikulnodupudogano. Aki a'mwo abolo kadu'nollukullokwe ton aki aiko te kaduko wuu'nodupudogano. Aki a'mwo abolo me'no abollungopo ton aiyo aiko te duka'mdupudogano. Aki kuuguudo sugudo tov a'mwo abolo apoo'nyaiyo tobuurai moruudomollodupudokwono.

Matyuu 15:1

Toruda'ai Farasi pworogai'aro a'mwo loowo tovino pi'mwo kuudokwe pworogai'aro tooro wagwolago Jeruusalemda'ai wuugollu'mokabo'mno Jisasollu abuuru'maroporogano.

Kuuguudo Sugudo akav Makolluro sakwollokakwono Mak 1:45

Toro amodapiyoka kwol kuruv kuu'maiyo toru'no amoruudomollokaikono. Toro amoruudomolloka tovino tov Jisasol wagwolago puru'no kuullo'mo tool sugwonyu toru'no ku'nono maullajukekono. Toro kwol kuruv a'mwo tooro mamwalodopure tomuuno'gwowi amwallajukekono. Toro mwaloduke toollomno yiuwi'nokai tomuuda'ai tooro bodupu abuuru'mallajupekono.

Kuuguudo Sugudo akav Makolluro sakwollokakwono Mak 16:18

Aki toro tooro kemi ato tokwe gabakuto toorai nomworapinorogano. Toro amworapi toga tuko adopi kworo kuruv mabolpinorogano. Aki marasin pun a'mwo toorai romiyosodowodo tonyu anpi kworo kuruv mabolpinorogano. Aki a'mwo abolo nobollokwe tonyu kemoro ato tokwe uubogai'nodopure tovi'aro ikulnupinogano.” Jisasol toro kuudokaikono.

Kuuguudo Sugudo akav Makolluro sakwollokakwono Mak 3:22

Toro bodopure toga loowo tovino pi'mwo kuudokwe pworo Jeruusalemda'ai wolabo'mno Jisasolluno aro ajunoporogano. “Kuullo ma'no ma'nodo Belsebuulol kuuluumwalodowodo tookono. Toro tool kuullo ma'no ma'nodo tooravuro aguto kuunodo mollomwallo Belsebuulolluro jurogudo tokwe tool kuullo ma'no ma'nodo toorai modukwopiyokwekono.” Ajunoporogano.

Kuuguudo Sugudo akav Makolluro sakwollokakwono Mak 5:30

Abolo tov toro yoduke toga Jisasol gamoro jurogudo tov bolokwoduke tovino subwosunokaikono. Toro tool a'mwo kwolallo tonyu buulo tomgu mogunyubworoono'no aro kuudoganokaikono. “Moro youro tovi ala'mwol kuubogai'numoka'mdeyo?”

Kuuguudo Sugudo akav Makolluro sakwollokakwono Mak 7:1

Toruda'ai Farasi pworogai'aro loowo tovino pi'mwo kuudokwe pworogai'aro tooro Jeruusalemda'ai bo'mno Jisasollu wobo toru su'bwo'noporogano.

Luuk 15:2

Toro bodopure kuvi kuruv Farasi toorogai'aro loowo tovino pi'mwo kuudokwe toorogai'aro tooro mebweyogalo aro ajunoporogano. “Oo a'mwo akal a'mwo ma'no ma'nodokwe toorai ilaiyo molloma'dowodekono. Toro molloma'dowodo su toorogai kuulonomwalodowodekono.” Ajunoporogano.

Luuk 2:46

Toro teyaul iruko pullapullu me'no abawoka toga Jisasollu so'mgonomarolovakono. Toro tool Gooti toollu ilomoropiyo'moneyokwe ago tovi kuulomwaloduke toollu so'mgonomarolekono. Su toro so'mgonomarolo toga Jisasol a'mwo ibwasokwe toorogai mwalno sumaiyokwe kemoro kuuguudo wuudodopure tonyu wuu'no'no yamuugojo pun kuudoganyajukekono.

Luuk 5:21

Toro kuudoka tovi a'mwo loowo tovino pi'mwo kuudokwe toorogai'aro Farasi toorogai'aro tooro wuu'nyuno sumaveyokwe aro sajunoporogano. “Awi, a'mwo akal buro'nyo'mo aro dukodadopiyo? Nuu gumoro ma'no ma'no pasudo tovuro kirumwallo tovi amagudukwopimono. A'mwo su toolluro toro kuudumoka su tov Gooti toolluno kaiya'no yogalo adumokaikono. Yiuno Gooti toolno ma'no ma'no pasudo tovuro kirumwallo tonyu nokwo modukwopiyonekono.” Sajunoporogano.

Luuk 5:30

Toro kuulonomwalodopure toga Farasi toorogai'aro loowo tovino pi'mwo kuudokwe toorogai'aro tooro wono'mno Jisasolluro uumjunyokwe toorai burolyogalo aro aduu'mwojoporogano. “Kevu a'mwo takis nuugwiyo mallokwe toorogai'aro a'mwo ma'no ma'nodokwe toorogai'aro su toorogai buro'nyo'mo doulonomwakovo?” Aduu'mwojoporogano.

Luuk 6:19

Aki yiuwi'nokai a'mwo abolo kwolallo bwotonyago su ton Jisasollu uubogai'nyo'mo setowapinyajupogano. Su tov aro tovinokwono. A'mwo abolo ton Jisasollu kuubogai'nupi toga gamoro jurogudo tov bolokwodowo yiuwi'nokai nobollokwe su tonyu sukullajukekono.

Luuk 7:30

Toro kuvi kuruv Farasi toorogai'aro loowo tovino pi'mwo kuudokwe toorogai'aro toorono'gwowi Joonolluro ato tovida'ai wonyo muuvollunoporogano. Su tov aro tovinokwono. Gooti toolluro wiyo'mwojo'moneyokwe puuto soulosoka tovi buulo me'no kuugunyumopiyajuporogano.

Luuk 8:46

Toro kuudoganoka kuvi kuruv Jisasol aro adokaikono. “Nuu aro tovi me'no subwosunmonyugono. Moro jurogudo pun nobolokwoduke tovi me'no subwosunmonyugono.” Adokaikono.

Joon 3:10

Toro kuudoka tovi Jisasol aro kuudokaikono. “Guu Isuraiyolda'ai a'mwo abolo tonyu ibwasokwe wimo'nodumdekugono. Toro kweku kuruv Gooti toolluro yogalo tovida'ai kavlo su tonyuno buro'nyo'mo kuudo miyouroma'dumdekudeyo?

Joon 3:21

Toro kuvi kuruv a'mwo abolo pun pasudo nebal'nodo tovi supi su tono'gwowi bako toonyomno nobupinogano. Su tov aro tovino'mokwono. A'mwo abolo miyomno abupi su tonyu a'mwo abolo pun kuu'maiyo aro wonomapinogano. Oo su ton Gooti toolluro ilaiyo winodowodo kuudo tonyu duumjunmwakovo. Wonomapinogano. Su toro tovino'mo bako toonyomno nobupinogano.”

Kuurotokwe 19:11

Aki Gooti tool gamoro duuwallo jurogudo judo'no judo'no bwotonyago ton a'mwo abolo tonyu wuuduuwallo'moneyokwe Poololluro ato tovi'aro kuuduuwallajukekono.

Kuurotokwe 4:30

Aki guvnokwekujuro womdo sugudokwe Jisasolluno yovo tovida'ai a'mwo abolo nobollokwe tobuurai ikulo'bi duuwallo go'no go'nodo ton nokwo wuuduuwallubinekugono.” Subusu'nyogalo toro kuudopogano.

Kuurotokwe 5:34

Toro kwinopo kuvi kuruv kaunsel su tooraida'ai Farasi pwol iloda'mno sumaiyokwe aduumjukurokaikono. A'mwo su toolluno yovo tov Gamaliyolekono. A'mwo su tool loowo tovino ibwasokwekono. Toro toolluno yiuwi'nokai a'mwo abolo ton ilaiyo bwotonyo amollajupekono. Toro te a'mwo su tool iloda'mno sumaiyokwe yiuno kaunsel tooraino kuuguudo wuujo'mo tool a'mwo kuurotokwe toorai kwa'mgu tomuuno ilomwalpureyokwe abilomodopiyokaikono.