Luuk 4:21 - Gooti Toolluro Yogalokwono

²¹ Toro muugona'dopure toga Jisasol aro kuudokaikono. “Anuugwo toga kevu kaduko wuu'na'dopure toru Gooti toolluro yogalo sakwollungiko akav suuwiyo kuvinono me'no sumwojumokakwono.” Kuudokaikono.

Luuk 4:21 ပူးပေါင်းရင်းမြစ်များ

Matyuu 13:14

Yogalo su tov proofet Aisaiyalluro yogalo ajakwolloka aro tovi suuwiyo sumwojadopiyo. “Kevu moro yogalo ikudodo'mure tovi kuu'nupi kuvi kuruv kavlo tovino miyouromapinogaikikono. Aki kevu moro ikuduuwallodo'mure tovi kwonpi kuvi kuruv kavlo tovino ku'nono miyouromapinogaikikono.” Sakwollungikokwono.

Luuk 4:20

Jisasol puukwollikwiyo pweyo aweyogunyugolowosungiko tovida'ai kuuguudo su tov me'no mojagilno sumaiyokwe buukiyo su tov aki aiko te amoweyogunyugolowosokaikono. Toro pweyogunyugolowosuno sumaiyokwe a'mwo buukiyo su tovi mollomwalokwe toollu wiyo'no kwolomwalokaikono. Toro wolomwalno sumaiyokwe yiuwi'nokai a'mwo abolo Juu tooravuro i'bwo'nyago su tovi aulomwalopo ton kemi sumdo togai guureji amuugonallajupekono.

Luuk 4:22

Toro kuudoka toolluno yiuwi'nokai a'mwo abolo ton ilaiyo to'no sulomodomoropiyapogano. Aki gamoro mago tovida'ai yiuwi'nokai yogalo sugumaluko lokaboduke tonyuno kuudo kwolallo yourukwapino sumaveyokwe aro sajunopogano. “A'mwo akal Joosepolluro kwolaiyekono. Toro tovino tov gamoro yogalo pi'mwono anekudadopiko su ton adadomgu'aro kuvinono dukonekudadopiyo?” Sajunopogano.

Joon 5:39

Kevu aro kuudo yau'dupudogaikikono. Oo nevu Gooti toolluro yogalo sakwollungiko tonyu mojagilno mojagilno sa'ji tov aiyo yiunokuudo mujomwekovlaiyo'moneyokwe tovi nomaranonogano. Kuudo yau'dupudogaikikono. Kevu su toro kuudo yau'dupudo kuvi kuruv aro tovino kuudo miyouroma'dupudogaikikono. Gooti toolluro yogalo sakwollungiko su ton numino kuu'maiyo toru'no dodoluwosodupudogano.

Kuurotokwe 3:18

Kevu kuudo miyouromaropo kuvi kuruv Gooti toolno'gwowi Krais toolluro danyu'nyuwuulo ibwosunyo'mo tonyuno sumdomgu me'no souromarokaikono. Sumdomgu toro me'no youroma'dowodo tool lukomgu imo'nyo'mo tovino gamoro yiuwi'nokai proofet toorai uubweyoduke tooro amoruujajuporogano. Toro te lukomgu Krais toollu kwimo'noka su ton yiuno Gooti toolluro me'no ajajuko tomgu'aro to'no kwimo'nokaikono.