Luuk 3:23 - Gooti Toolluro Yogalokwono

²³ Toruda'ai Jisasol gamoro womdo muudu'no soka tov 30-pela kworomo tomgu'aro me'no kuuwolo'noka toga amollokaikono. Toro toolluno a'mwo abolo ton aro kuudo saullajupekono, Oo Joosepolluro kwolaiyoldeyo, kuudo saullajupekono. Aki Joosepol Heliyolluro kwolaiyekono.

Luuk 3:23 ပူးပေါင်းရင်းမြစ်များ

2 Samwel 5:4

Toro aimovobweyopo toga Devitol 30-pela kworomokwe tool a'mwo aguto kig sumo'nokaikono. Toro tool a'mwo aguto kig momjomwekovla'mno momjomwekovla'mno sumaiyokwe 40-pela kworomo tobuul kuuwolo'nokaikono.

Matyuu 1:1

Puukwollo akav Jisas Kraisolluro jukweyago toorainokwono. Jisasol Devitolluro jukweyago kwolaiyekono. Aki Devitol Eburaiyamolluro jukweyago kwolaiyekono.

Matyuu 1:16

Toruda'ai Jekoopol Joosepollu sawosunokaikono. Joosepol Mariyavi kwolo tookono. Mariyav Jisasollu somarokakwono. Jisasolluno a'mwo tooro aro dodupudekono, “Oo Krais tookono,” dodupudekono.

Matyuu 1:6

Toruda'ai Jesiyol a'mwo aguto kig Devitollu sawosunokaikono. Lukomgu a'mwo pwolluno yovo tov Uuraiyalekono. A'mwo su toolluro abolo tovi a'mwo aguto kig Devitol maro'no Sooloomonollu amollawosunokaikono.

Matyuu 13:55

Toro yajuno'mno biyolyogalo aro aduu'mwojopogano. “Oo nevu kuudo nyau'mwakuuwono. Su tool yiuno a'mwo ago mojokwe toolluro muugunyo tekwogano. Aki gami ganeyago tov Mariyavurekono. Aki gami gagwai'yago tooro Jemseke'aro Joosepeke'aro Saimooneke'aro Juudaseke'aro todorotogano.

Matyuu 4:17

Su toro togada'ai Jisasol a'mwo abolo tonyu kuuguudo aro amoruudomollajukekono. “Muunyu kai'muuda'ai aguto kig toolluro mido mollomwalo tov wobo toga nobai'mowono'mokwono. Toro tovino tov kevu Gooti toollomno kuudo neya jouragunyumo'nyulo.” Amoruudomollajukekono.

Kuuguudo Sugudo akav Makolluro sakwollokakwono Mak 6:3

Nevu a'mwo su toolluno kuudo me'no youroma'dowadekono. Toro tool Mariyavuro kwolaiyekono. Aki ago mojokwe su tool kwekono. Toro tool Jemseke'aro Jooseseke'aro Juudaseke'aro Saimooneke'aro todorotai kuudai'yagekono. Aki gamoro jo'mwo ton nevuge akawai mwalodopudogano.” Toro juno'mno Jisasolluno biyolo kuu'mwojoporogano.

Luuk 2:48

Jisasol toro yoduke toga gamoro kuunum kwolabolo teyaul kuuloonyuno sumaleyokwe mollolokurosi soleyaukono. Toro ino sumaleyokwe gami ganeyago tov aro kuudokakwono. “Kwolaiyoloo, guu akaro sadokuudo tov buro'nyo'mo donakulladokuuno? Gumi junumiyago tooke'aro nuuge'aro teyonaul gumino luko yodowol a'mgono bwotonyo saguu'mgonmwakuuwolo.” Kuudokakwono.

Luuk 3:31

Aki Eliyakimol Meleya'wolluro kwolaiyekono. Aki Meleya'wol Mena'wolluro kwolaiyekono. Aki Mena'wol Matata'wolluro kwolaiyekono. Aki Matata'wol Natanolluro kwolaiyekono. Aki Natanol Devitolluro kwolaiyekono.

Luuk 4:22

Toro kuudoka toolluno yiuwi'nokai a'mwo abolo ton ilaiyo to'no sulomodomoropiyapogano. Aki gamoro mago tovida'ai yiuwi'nokai yogalo sugumaluko lokaboduke tonyuno kuudo kwolallo yourukwapino sumaveyokwe aro sajunopogano. “A'mwo akal Joosepolluro kwolaiyekono. Toro tovino tov gamoro yogalo pi'mwono anekudadopiko su ton adadomgu'aro kuvinono dukonekudadopiyo?” Sajunopogano.

Joon 1:45

Aki Filipol a'mwo pwollu so'mgonomarokaikono. A'mwo su toolluno yovo tov Natanyolekono. Toro toollu yo'mgonoma'no sumaiyokwe aro kuudokaikono. “Nevu a'mwo pwollu me'no kwonoma'mawekono. A'mwo su toolluno aiyoga Moosesolluro loowo tovi puukwollo me'no ajakwollajukekono. Aki proofet kworo kuruv su toolluno puukwollo me'no ajakwollajupekono. Toro ajakwollajupo su tool Joosepolluro muugunyo Nasaretda'ai Jisasol kwekono.” Kuudokaikono.

Joon 6:42

Toro duu'mwojuno sumaveyokwe kevnokwe tooro aro sajunoporogano. “A'mwo akal Joosepolluro muugunyo Jisasekono. Nevu gamoro kuunum kwolabolo teyaulluno kuudo me'no yau'dowadonogano. Toro te a'mwo su toolluro yogalo aro dodowodo tov, “Nuu Gooti toolluro ago muunyu kai'muuda'ai kwolabonyugono,” yogalo su toro tov buro'nyo'mo dodowodoldeyo?” Sajunoporogano.

Kuurotokwe 1:1

Oo Tiyafulosoloo, nuu sumdomgu buukiyo puruv me'no sokwollogujabonyugono. Buukiyo su tovi nuu aro tovino sakwollonyugono. Jisasolluro womdo mujumabino mujumabino sumaiyokwe yiuno Gooti tool kwollu muunyu kai'muuno amokailoka toga'no kwimo'nyajuko tonyuno sakwollonyugono. Aki Jisasolluro subwasajuko kugai'aro tonyuno sakwollonyugono. Moro pas me'no saguukwollo su tov toro tovinokwono. Toro te aga pugai'aro tonyuno yaguukwollumo'mokwono. Jisasol kwako akavi kuuno yomollo'no toga gamoro a'mwo kuurotokwe imo'numwalpino'moneyokwe a'mwo pworai ajesokaikono. Toro jesuno sumaiyokwe Gooti toolluro Kuullo tool Jisasollu jurogudo uubweyoduke tokwe Jisasol gami a'mwo kuurotokwe toorai sodubwasajukekono.