Luuk 24:46 - Gooti Toolluro Yogalokwono

⁴⁶ Toro kuusubweno sumaiyokwe aro kuudokaikono. “Aiyoga Gooti toolluro yogalo puruv aro sakwollungikokwono. “Gooti toolluro wiyo'mwojo'moneyokwe ajesoka Krais tool danyu'nyuwuulo ibwosunowo'ji bolonekono. Toro abolo'ji su tool iruko pullapullu me'no abawo'ji toga aiyo aiko te nodukawonekono.” Sakwollungikokwono.

Luuk 24:46 ပူးပေါင်းရင်းမြစ်များ

Aisaiya 50:6

A'mwo tooro moro buulo tovi galogunyukuuronumollodopure toorai nokwo wonyapino sumonyugono. Aki toro tooro moro mollato tonyu galobuujonuma'dopure toorai nokwo wonyapino sumonyugono. Toro yodore tekwonyu burolyogalo anyudumaporogano. Aki moro sumdomago tovi ibupto nupu'dopure toorai yiulo miyopuurosumonyugono. Toro kwonyu kuruv nokwo amorubwenumonyugono.

Matyuu 26:24

Gooti toolluro yogalo tovi aro me'no sakwollungiko tov kuvinono imo'nonokwono. “A'mwo Kwolaiyo Kuunodo tool neya bolonekono.” Sakwollungikokwono. Toro kuvi kuruv a'mwo amoranubweyo'ji su tekwoji sumdomgu miyawosunopujuko'mno'juki tabunyu bwotonyo mamarowo'jujukekono. Toro kuvi kuruv a'mwo amoranubweyo'ji su tekwo tabunyu bwotonyo nomaronekono.”

Luuk 24:44

Jisasol toro nyuno sumaiyokwe aki aro kuudokaikono. “Sumdomgu nuvu kevuge amwallajo toga aro me'no aikujajonyugono. “Yiuwi'nokai mino yogalo tov Moosesolluro loowo tokwe'aro proofet toorogai'aro Da'buukiyo tokwe'aro tonyuro ajakwollajupo su ton suuwiyo neya imwojupinogano,” aikujajonyugono.”

Luuk 24:7

Yogalo su tov arokwono. “A'mwo pworo nuu A'mwo Kwolaiyo Kuunodo toonyu galonumworaropi a'mwo ma'no ma'nodokwe tooravuro ato tovi manubweyopi i'noguropte tovi nomovoromiyoguroptovanubwepinonyugono. Aki toro toonyu iruko pullapullu me'no abawo'ji toga aiyo aiko te noduka'monyugono.” Su toro aikujajuko tovino kevu kuudo neya jaullulo.” Kuudolorakono.

Kuurotokwe 17:3

Poolol Gooti toolluro yogalo sakwollungiko tovi toro mojagilno sumaiyokwe kavlo tov aro sodubwasokaikono. “Aiyoga muudu'nodo toga Gooti tool aro anekudokaikono. “Nuu kemi ikullo'mwojo'moneyokwe Krais tool nomekwopiyamonyugono. Toro amekwopiyami tool dado bwotonyo ton ibwosunowo'ji yiuno'no bolonekono. Toro abolo'ji kwol kuruv aiyo aiko te nodukawonekono.” Gooti toolluro yogalo tovi toro sakwollungiko su tov kuvinono me'no sumo'nokakwono. Gooti toolluro nekullo'mwojo'moneyokwe amonekwopiyaboka Krais su tool Jisasol kwekono. Toro toolluno aga nuu kuu'maiyo toru'no aikudadokwono.” Sodubwasokaikono.

Kuurotokwe 4:12

Nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe a'mwo yasuwa'nodo pwol ku'nono mabomollurolovonekumokalokwononogano. Yiuwi'nokai kwako akavida'ai a'mwo pwolnodo kwol kuruv nekullo'mwojo'moneyokwe jurogudo nonagutorogano. Toro kuvi kuruv nemi nonekullo'mwojo'mo toolno'gwowi nomwallo. Su toolluno yovo tov Jisasolekono.” Pital toro kuudokaikono.

1 Pita 1:3

Nevu Gooti toolluno yovo tovi neya ilomoropimwolowanonogano. Gooti su tool nemi Aguto Jisas Kraisolluro Gootekono. Aki gami Ganumiyagekono. Gooti su tool nemino kalo bwotonyo manekumwonyokwekono. Toro tool Jisas Kraisollu aiyo aiko te amodukavokaikono. Toro amodukavoka su tovi'aro Gooti tool ne kunollu kuruv aiyo imo'nyo'moneyokwe me'no mollumo'nanekubweyodowodekono. Toro tovino tov nevu Gooti toolluro muunyu kai'muuda'ai nonekullabwono tonyuno sogwollo to'no kingovla'mdowadonogano.