Luuk 24:41 - Gooti Toolluro Yogalokwono

⁴¹ Toro wuuduuwalloduke tovi wono'mno ilaiyo bwotonyo soporogano. Toro kworo kuruv mollolokurosi bwotonyo sopo tovino tov kuudo yere muubweyoporogano. Toro yodopure toorai Jisasol aro kuudokaikono. “Akawai kevu wosamujuko pun dukomworakovo?” Kuudokaikono.

Luuk 24:41 ပူးပေါင်းရင်းမြစ်များ

Kuuguudo Sugudo akav Makolluro sakwollokakwono Mak 16:11

Abolo su tov aro kuudokakwono. “Nuu Jisasol aiyo mwaloduke toollu me'no kwonmekono,” kuudokakwono. Toro kuudoka tovi a'mwo uumjunyokwe tooro wuu'no'mno kworo kuruv kuudo muubweyoporogano.

Kuuguudo Sugudo akav Makolluro sakwollokakwono Mak 16:13

Toro toollu wonyuno sumaleyokwe toga Jisasolluro uumjunyokwe gabovo toorai wuujo'moneyokwe aikomgu plaino sumaleyokwe Jisasollu me'no kwonolo tovino wuudodole kworo kuruv kuudo muubweyoporogano.

Kuuguudo Sugudo akav Makolluro sakwollokakwono Mak 16:14

Toruda'ai a'mwo 11-pela tooro noulonomwalodopure toga Jisasol kemoro sumdollu toru abwiyalo'nokaikono. Jisasol gamoro adukavoka tovino a'mwo abolo kwonopo tonyuro dodolubweyodopure tovi kuudo muubweyajupo tovino yogalo amojurugolokaikono. “Kevu kemoro poowokalago ton lumdo kuulopiyodupudo toorekul mino kuudo manubweyodupudorekikono.” Amojurugolokaikono.

Kuuguudo Sugudo akav Makolluro sakwollokakwono Mak 8:7

Aki tokwe'aro domwoga pwekwojo kurukwerogano. Toro te Jisasol domwoga tekwojaino, “Nenyoo,” me'no wuudo'no gami uumjunyokwe toorai kuudokaikono. “Kevu akagai'aro duumallulo.” Kuudokaikono.

Luuk 24:11

Toro ton kuuguudo tokwe mokabino sumaveyokwe kuurotokwe toorai kuudopokwono. Toro kuvi kuruv kuurotokwe su tooro kuuguudo tovi wuu'nyuno sumaveyokwe aro kuudo sauroporogano. Oo yasuwa'yogalo to'no donekudadokwovo. Su toro kuudo yauro'mno kuuguudo su tovino, Nebalo'mdeyo, kuudo muubweyoporogano.

Luuk 24:40

Jisasol toro wuujuno sumaiyokwe gami ato tovake'aro suvlo tovake'aro tonyu kuuduuwallokaikono.

Luuk 24:42

Toro kuudoka tooro domwoga pwekwo duko tovi me'no aillungiko tov kwiyoporogano.

Joon 16:22

Yovekurajo su to'busuko kubalno kevu aga toga kalo aikullunadopiko kuvi kuruv lukomguno'gwowi nuu kemi aiko te nekwonmonyugono. Su toro toga kemoro poowokalago ton ilaiyo bwotonyo ipinorekikono. Aki kemoro ilaiyo ipino su tovi a'mwo pwolnodo kwol kuruv ku'nono mamaikudukwopiyonokwono.

Joon 21:5

Toro yodowore toonollu Jisasol aro anekudoganokaikono. “Mi kwoloraiyobusukobuuravoo, kevu domwoga pworo dukomworakovo?” Toro anekudoganoka tovi uumjunyokwe toonol aro kuudowonogano. “Awiyo.”

Kuurotokwe 12:14

Toro tov Pitalluro yogaimaguurai tovi wuu'nyuno sumaiyokwe me'no suworovomarokakwono. Toro tov ilaiyo bwotonyo soka tovino tov kudo'aiko tovi yere mausokakwono. Toro kuvi kuruv ago tovino aikomgu kano kano kuula'no a'mwo abolo tonyu aro auluudokakwono. “Pital agwapto tovuro noullo toru akaibwol abodapso.”