Ago su tovi kuulomwalodupudo ton kemi ilaiyo saikullugolpi tov kevu Gooti toolluro sumwoluko kavo wosunyo'moneyokwe yogalo tov kunyu nokwo duubwemwalpinorekikono. Toro kuvi kuruv kemi ilaiyo miyaikullugolpi to'gwowi kevu Gooti toolluro sumwoluko kavo wosunyo'moneyokwe yogalo me'no aduubwepi su tov mo'mweyado neya yomapinorekikono.
Luuk 24:36 - Gooti Toolluro Yogalokwono36 Toro tooral kuuguudo kuuno wuudodole toga Jisasol a'mwo su toorai bwiyalo'no'no kemoro akuuto toru aulodavokaikono Toro kuuloda'mno sumaiyokwe aro kuudokaikono. “Oo Gooti tool kemi sumwoluko kavo wosunyo'mo tov nekubwemwalonekono.” အခန်းကိုကြည့်ပါ။ |
Luuk 24:36
13 ပူးပေါင်းရင်းမြစ်များ
Toruda'ai a'mwo 11-pela tooro noulonomwalodopure toga Jisasol kemoro sumdollu toru abwiyalo'nokaikono. Jisasol gamoro adukavoka tovino a'mwo abolo kwonopo tonyuro dodolubweyodopure tovi kuudo muubweyajupo tovino yogalo amojurugolokaikono. “Kevu kemoro poowokalago ton lumdo kuulopiyodupudo toorekul mino kuudo manubweyodupudorekikono.” Amojurugolokaikono.
Oo kevu sumwoluko kavo wosunmwalpino'moneyokwe tov nuu kemi ikubweyo'mi ikugollu'mo'monyugono. Sumwoluko kavo wosunyo'moneyokwe su tov a'mwo abolo kwako akavi mwalodupudo ton ku'nono maikullabupinokwono. Toro kuvi kuruv nuvnokwe toonyuno'gwowi moro sumwoluko kavo wosunyo'moneyokwe tov kemi aikullamono. Toro te kemoro poowokalago ton jul'nyo mibwosunpinono. Aki toro toorekul luko mipinono.
Toro te moro yogalo aikudumo su tov aro tovino'mokwono. Kevu mi nuguro'mwonyodupudo toorekul sumwoluko kavo to'no nokwo wosunmwalpinorekikono. Toro kworekul kuruv kwako akavi kuuno amwalpi toga jul'nyo tagunyo bwotonyago ton noma'mwalpinorekikono. Toro amapi kuvi kuruv nuvno'gwowi yiuwi'nokai kwako akavida'ai jurogudo tonyu me'no kuuwolovonyugono. Toro tovino tov kemi poowokalago ton jurogudo nokwo jumo'nogaulo.” Kuudokaikono.
Toruda'ai 7-pela iruko pubuul me'no abawoka toga Jisasolluro uumjunyokwe tooro ago puvi aiko te aullu'bwo'nomwaloporogano. Su toro toga Toomasol kworogai aullu'bwo'nomwalokaikono. Toro kuullu'bwo'nomwalno sumaveyokwe kudo'aiko tonyu guureji momjoguropiyo'mno aulomwaloporogano. Toro kuulomwalodopure toga Jisasol kuullalo'no'no kworavuro akuuto toru aulodavokaikono. Toro kuuloda'mno sumaiyokwe aro kuudokaikono. “Kemoro sumwoluko ton kavo doosunyulo.”
Aki Jisasol yere maboloduke toga sumdomgu danyu'nyuwuulo ton ibwosuno'no abolokaikono. Toro tool aiyo aiko te dukavo'no gami a'mwo kuurotokwe toorai kwiyalo'nyajukekono. Toro wiyalo'nodowo aguto kig Gooti toolluro mido mollomwalo tovi dolago tomuu mwallo'mo tovino sodubwasajukekono. Toro wiyalo'nodowo yodubwasoduke toollu wonodupu kuudo noullo maullo miyaullajuporogano. Toro kworo kuruv aro kuudo saullajuporogano. Oo nebalo'mdeyo, aiyo aiko te aduka'moka tool domwallo. Kuudo saullajuporogano. Toro toorai wiyalo'nyuno wiyalo'nyuno sumaiyokwe iruko 40-pela tobuul kuuwolo'nokaikono.
Nuvu Joononyu kevu kwako Esiya tomuuda'ai Jisasolluro 7-pela mollu'bwoto go'no go'nodo togaikullu pas akav sokwollekwopiyamono. Toro togaikulluno nuvu aro nyunodowodonyugono. Gooti tool gamoro yasuwa'wino sugumaluko tokwe'aro sumwoluko kavo wosunyo'mo tokwe'aro toval nokwo ikubwemwalonekono. Agasuro Gooti mwalodowodo su tool aiyoga amjomwekelabiyajukekono. Aki lukomgu kuga kuruv kuuno mujomwekovla'mwalonekono. Aki Gooti toolluro Kuullo kwol kuruv gamoro yasuwa'wino sugumaluko tokwe'aro sumwoluko kavo wosunyo'mo tokwe'aro toval kemi nokwo aikubweyogawono. Gooti toolluro Kuullo su tool 7-pela kuullo toorobusuko imo'nodowodekono. Toro tool Gooti toolluro sia kig tovi sumdollu toru ilomwalodowodekono.
ကြော်ငြာတွေ