Luuk 23:47 - Gooti Toolluro Yogalokwono

⁴⁷ Yiuwi'nokai su toro wimo'noduke tonyu a'mwo mollurogudo toorai mollubworomokwanyokwe pwol wobo toru amuugonodaiyajukekono. Toro tool Gooti toollu ilomodomoropiya'no aro adokaikono. “Oo a'mwo akal ma'no ma'no puru'monodo kuruv miyodowodekono.” Adokaikono.

Luuk 23:47 ပူးပေါင်းရင်းမြစ်များ

Matyuu 27:51

Toro aboloka kuga'gwo kuuno Gooti toollu ilomoropiyo'moneyokwe ago tovi anakuuto tomuuda'ai Gooti toolluro pwekwapto kuunodo toru'no youro kudo'aiko allukurosungiko tov akuuto toru'aro rojomokwolabino sumaiyokwe imgu amgu kworokakwono. Aki kwako tov wunyu wunyu bwotonyo ino sumaiyokwe sulo bwotonyo tooro aworeyopiyoporogano.

Matyuu 27:54

Toruda'ai Jisasol nyaboloduke toollu mollurogudo pworogai'aro kemi mollubworomokwanyokwe tooke'aro tooro wobo toru amuugonodaiyajuporogano. Toro tooro wunyu wunyu tokwe'aro yiuwi'nokai imo'nodopure togai'aro tonyu me'no kwonopo tovino tov luko morumoukuropiyo'mno aro adoporogano. “Oo a'mwo akal Gooti toolluro Kwolaiyo kuunodo tookono.” Adoporogano.

Matyuu 9:8

Jisasolluro soka su tovi a'mwo abolo kwolallo abi'bwo'nopo ton wonyuno sumaveyokwe luko amorumoukuropiyopogano. Aki Gooti toolluno sulomoropiyapogano. Aro tovinokwono. Gooti su tool a'mwo abolo tonyu ikullo'moneyokwe jurogudo tov me'no kuubwemokaldeyo, do'mno sulomoropiyapogano.

Kuuguudo Sugudo akav Makolluro sakwollokakwono Mak 15:39

Aki Jisasol nyaboloduke toollu a'mwo mollurogudo toorai mollubworomokwanyokwe pwol wobo toru amuugonadaiyajuko tool aro adokaikono. “Oo nebalo'mdeyo, akal Gooti toolluro Kwolaiyo kuunodo tookono.” Adokaikono.

Luuk 23:41

Namoro kirumwallo ama'mwakuuwolo to'gwowi nami ma'no ma'nodo tovida'ai kuvi kuuno ama'mwakuuwolo. Toro kuvi kuruv a'mwo akalno'gwowi ma'no ma'no puru'monodo kuruv miyodowodekono.” Kuudokaikono.

Joon 19:7

Toro kuudoka tovi Juu tooro aro kuudoporogano. “Nemoro loowo puruv nooso. Nevu loowo su tovi kuumjuna'ji tov a'mwo su tool neya bolonekono. Su tov aro tovinokwono. A'mwo su tool gavnokweyolluno aro me'no dodowodekono. “Nuu Gooti toolluro Kwolaiyo toonyugono.” Su toro dodowodo tovino tov neya bolonekono.”