Luuk 23:27 - Gooti Toolluro Yogalokwono

²⁷ Toro uumjunoduke toga a'mwo abolo kwolallo bwotonyago togai'aro kuumjunopogano. Aki abolo bwotonyago pun Jisasolluno kalo wino'mno kumdaillo aduumjunopogano.

Luuk 23:27 ပူးပေါင်းရင်းမြစ်များ

Matyuu 11:17

Nevu dato ilaiyo pun nogunyo tokwe kirapiyodowore kuvi kuruv kevu kworomo mimapogaikikono. Aki nevu kumdato jo'moneyokwe dato tonyu kirapiyodowore kuvi kuruv kevu kumdato madumapogaikikono. Su toro tomgu'aro biyolyogalo duu'mwojodupudogano.

Matyuu 27:55

Aki avalo toga abolo bwotonyago pun manyu toruda'ai amuugonodaiyajupogano. Abolo su ton sumdomgu Jisasol Galili toru yomolloduke toollu uumjunodupu gami wosamujukodeyo ton yovrowoso'mo ado'nuwiyajupogano.

Kuuguudo Sugudo akav Makolluro sakwollokakwono Mak 15:40

Aki toro toga abolo pun manyu toruda'ai amuugonallajupogano. Abolo su tonyuno yovo tov Makdalada'ai Mariyakwe'aro muugunyo Jemseke gadai'yago Jooseseke todorallu kuuneyago Mariyakwe'aro Saluumeyokwe'aro ton amuugonadaiyajupogano.

Luuk 23:28

Toro duumjunodopure kuvi kuruv Jisasol abolo su tonyu gunyubworoonyuno sumaiyokwe aro kuudokaikono. “Wagwolago Jeruusalemda'ai taiyobuuravoo, kevu numino kumdo nodumwalpiyo. Toro kuvi kuruv kevnokwe togaikike'aro kemi kwoloraiyo togai'aro togaikulluno kumdo neya dodogaulo.

Luuk 23:55

Toro kuulomorosoduke toga abolo pun sumdomgu Jisasol Galili toru yomolloduke togada'ai kuumjunyajupo ton Joosepollu uumjuno'mno amuugonallajupogano. Toro ton a'mwo buuso su tovi wono'mno aki Joosepol Jisasolluro kulako bwiyo tov adado dukoulomorosadopiyokwe amuugonallajupogano.

Luuk 8:2

Aki abolo Jisasollu uumjunyokwe pugai'aro kun kuruv kweke somollajupogano. Abolo su tonyuro punyu Jisasol sumdomgu kuullo ma'no ma'no kuulomwalodopure toorai me'no amodovomjapiyajukekono. Aki abolo su tonyuda'ai nobollokwe tonyu me'no sukullajukogano. Abolo su tonyuno yovo tov puruv wagwolago Makdalada'ai Mariyavokwono. Abolo su tovi sumdomgu 7-pela kuullo ma'no ma'nodo tooro kuulomwalodopure toorai Jisasol me'no amodovomjapiyoka tov kurukwono.

Luuk 8:52

Toro mokaulno sumaiyokwe yiuwi'nokai ago su tovi kanyu mwalo'mno kumdato deraunodopure tonyu Jisasol kuulluru'maro'no aro kuudokaikono. “Kevu buro'nyo'mo kumdato doderaunadokwovo? Taiyo su tov mabolmokakwono. Yiuno sa to'no kwoso.” Kuudokaikono.

Joon 16:20

Nuu nebal'no kuunodo aro ikudumo'mokwono. Kevu mi nonyumo'nodowo'jure tovino kumdato dopi aki kumdaillo mujodumovlapinorekikono. Toro kuvi kuruv kwako akavida'ai a'mwo abolo tono'gwowi mi kaiyako sanyugolpi tovino ilaiyo bwotonyo ipinogano. Su toro yanyugolodopure toga kev toorekulluro poowokalago ton jul'nyo ibwosunpinorekikono. Toro kuvi kuruv kemoro jul'nyo subwosunpi su tovi lukomgu toga'no'gwowi kemi poowokalago togai ilaiyo bwotonyo nyubwosunpinorekikono.